Ἐπίσκοπος χειροτονείσθω ὑπό ἐπισκόπων δύο ἤ τριῶν.1 (ΠΗΔΑΛΙΟΝ)

Πρεσβύτερος ὑπό ἑνός ἐπισκόπου χειροτονείσθω, καί διάκονος, καί οἱ λοιποί κληρικοί.

Εἴ τις ἐπίσκοπος, ἢ πρεσβύτερος, παρά τήν τοῦ Κυρίου διάταξιν τήν ἐπί τῇ θυσίᾳ, προσενέγκῃ ἕτερά τινα ἐπί τό θυσιαστήριον, ἢ μέλι, ἢ γάλα, ἢ ἀντί οἴνου σίκερα ἐπιτηδευτά, ἢ ὄρνεις ἢ ζῶά τινα, ἢ ὄσπρια, παρά τήν διάταξιν, καθαιρείσθω· πλήν νέων χίδρων, ἢ σταφυλῆς, τῷ καιρῷ τῷ δέοντι. Μή…

Ἡ ἄλλη πᾶσα ὀπώρα εἰς οἶκον ἀποστελλέσθω, ἀπαρχή τῷ ἐπισκόπῳ καί τοῖς πρεσβυτέροις, ἀλλά μή πρός τό θυσιαστήριον. Δῆλον δέ ὡς ὁ ἐπίσκοπος καί οἱ πρεσβύτεροι ἐπιμερίσουσι τοῖς διακόνοις, καί τοῖς λοιποῖς κληρικοῖς.

Ἐπίσκοπος, ἢ πρεσβύτερος, ἢ διάκονος, τήν ἑαυτοῦ γυναῖκα μή ἐκβαλλέτω προφάσει εὐλαβείας· ἐάν δέ ἐκβάλῃ, ἀφοριζέσθω· ἐπιμένων δέ, καθαιρείσθω.

Ἐπίσκοπος, ἤ πρεσβύτερος, ἤ διάκονος, κοσμικάς φροντίδας μή ἀναλαμβανέτω· εἰ δέ μή, καθαιρείσθω.

Εἴ τις ἐπίσκοπος, ἤ πρεσβύτερος, ἤ διάκονος, τήν ἁγίαν τοῦ Πάσχα ἡμέραν πρό τῆς ἐαρινῆς ἰσημερίας μετά Ἰουδαίων ἐπιτελέσοι, καθαιρείσθω.

Εἴ τις ἐπίσκοπος, ἤ πρεσβύτερος, ἤ διάκονος, ἤ ἐκ τοῦ καταλόγου τοῦ ἱερατικοῦ, προσφορᾶς γενομένης μή μεταλάβοι, τήν αἰτίαν εἰπάτω· καί ἐάν ᾖ εὔλογος, συγγνώμης τυγχανέτω· εἰ δέ μή λέγοι, ἀφοριζέσθω, ὡς αἴτιος βλάβης γενόμενος τῷ λαῷ, καί ὑπόνοιαν ἐμποιήσας κατά τοῦ προσενέγκαντος, ὡς μή ὑγιῶς ἀνενέγκαντος.1 (ΠΗΔΑΛΙΟΝ)

Πάντας τούς εἰσιόντας πιστούς, καί τῶν γραφῶν ἀκούοντας, μή παραμένοντας δέ τῇ προσευχῇ καί τῇ ἁγίᾳ μεταλήψει, ὡς ἀταξίαν ἐμποιοῦντας τῇ ἐκκλησίᾳ ἀφορίζεσθαι χρή.

Εἴ τις ἀκοινωνήτῳ κᾂν ἐν οἴκῳ συνεύξηται, οὗτος ἀφοριζέσθω.