Τοῖς τήν ἱερατικήν λαχοῦσιν ἀξίαν, μαρτύριά τε καί κατορθώματα, αἱ τῶν κανονικῶν διατάξεών εἰσιν ὑποτυπώσεις· ἃς ἀσμένως δεχόμενοι, μετά τοῦ θεοφάντορος Δαβίδ ᾄδομεν πρός τόν δεσπότην Θεόν, λέγοντες· Ἐν τῇ ὁδῷ τῶν μαρτυρίων σου ἐτέρφθην, ὡς ἐπί παντί πλούτῳ· καί, ἐνετείλω δικαιοσύνην, τά μαρτύριά σου εἰς τόν αἰῶνα· συνέτισόν με…
Ἐπειδή περ ψάλλοντες συντασσόμεθα τῷ Θεῷ· Ἐν τοῖς δικαιώμασί σου μελετήσω, οὐκ ἐπιλήσομαι τῶν λόγων σου· πάντας μέν Χριστιανούς τοῦτο φυλάττειν σωτήριον, κατ᾿ ἐξαίρετον δέ, τούς τήν ἱερατικήν ἀμπεχομένους ἀξίαν. Ὅθεν ὁρίζομεν, πάντα τόν προάγεσθαι μέλλοντα εἰς τόν τῆς ἐπισκοπῆς βαθμόν, πάντως τόν Ψαλτῆρα γινώσκειν, ἵνα, ὡς ἐκ τούτου, καί…
Πᾶσαν ψῆφον γινομένην παρά ἀρχόντων, ἐπισκόπου, ἤ πρεσβυτέρου, ἤ διακόνου, ἄκυρον μένειν, κατά τόν κανόνα τόν λέγοντα· Εἴ τις ἐπίσκοπος, κοσμικοῖς ἄρχουσι χρησάμενος, δι᾿ αὐτῶν ἐγκρατής ἐκκλησίας γένηται, καθαιρείσθω, καί ἀφοριζέσθω, καί οἱ κοινωνοῦντες αὐτῷ πάντες. Δεῖ γάρ τόν μέλλοντα προβιβάζεσθαι εἰς ἐπισκοπήν, ὑπό ἐπισκόπων ψηφίζεσθαι· καθὼς παρά τῶν ἁγίων…
Ὁ κῆρυξ τῆς ἀληθείας Παῦλος, ὁ θεῖος Ἀπόστολος, οἰονεί κανόνα τιθείς τοῖς Ἐφεσίων πρεσβυτέροις, μᾶλλον δέ καί παντί ἱερατικῷ πληρώματι, οὕτως ἐπαῤῥησιάσθη, εἰπών· Ἀργυρίου, ἤ χρυσίου, ἤ ἱματισμοῦ, οὐδένός ἐπεθύμησα· πάντα ὑπέδειξα ὑμῖν, ὅτι οὕτω κοπιῶντας δεῖ ἀντιλαμβάνεσθαι τῶν ἀσθενούντων, μακάριον ἡγουμένους τό διδόναι, ἤ λαμβάνειν. Διό καί ἡμεῖς μαθητευθέντες…
Ἁμαρτία πρός θάνατόν ἐστιν, ὅταν τινές ἁμαρτάνοντες, ἀδιόρθωτοι μένωσι. Τό δέ τούτου χεῖρον, ἐάν καί τραχηλιῶντες κατεξανίστανται τῆς εὐσεβείας, καί τῆς ἀληθείας, προτιμώμενοι τόν Μαμωνᾶν τῆς τοῦ Θεοῦ ὑπακοῆς, καί τῶν κανονικῶν αὐτοῦ διατάξεων μή ἀντεχόμενοι. Ἐν τούτοις οὐκ ἔστι Κύριος ὁ Θεός, εἰ μήπου ταπεινωθέντες, τοῦ ἰδίου σφάλματος ἀνανήψωσι·…
Ἐπειδή περ κανών ἐστιν, ὁ λέγων· Δίς τοῦ ἕτους καθ᾿ ἑκάστην ἐπαρχίαν χρῆναι γίνεσθαι διά συναθροίσεως ἐπισκόπων τάς κανονικάς συζητήσεις· διά τήν συντριβήν καί τό ἐνδεῶς ἔχειν πρός ὁδοιπορίαν τούς συναθροιζομένους, ὥρισαν οἱ τῆς ἕκτης συνόδου ὅσιοι Πατέρες, ἐξ ἅπαντος τρόπου καί προφάσεως, ἅπαξ τοῦ ἐνιαυτοῦ γίνεσθαι, καί τά ἐσφαλμένα…
Ἔφη Παῦλος ὁ θεῖος Ἀπόστολος· Τινῶν ἀνθρώπων αἱ ἁμαρτίαι πρόδηλοί εἰσι· τισί δέ καί ἐπακολουθοῦσιν. Ἁμαρτιῶν οὖν προκαταλαμβανουσῶν, καί ἕτεραι ἁμαρτίαι ἕπονται ταύταις. Τῇ οὖν ἀσεβεῖ αἱρέσει τῶν χριστιανοκατηγόρων καί ἄλλα ἀσεβήματα συνηκολούθησαν. Ὥσπερ γάρ τήν τῶν σεπτῶν εἰκόνων ἀφείλοντο ὄψιν ἐκ τῆς ἐκκλησίας, καί ἕτερά τινα ἔθη παραλελοίπασιν, ἃ…
Ἐπειδή πλανώμενοί τινες ἐκ τῆς τῶν Ἑβραίων θρησκείας, μυκτηρίζειν ἔδοξαν Χριστόν τόν Θεόν ἡμῶν, προσποιούμενοι μέν χριστιανίζειν, αὐτόν δέ ἀρνούμενοι κρύβδην, καί λαθραίως σαββατίζοντες, καί ἕτερα Ἰουδαϊκά ποιοῦντες· ὁρίζομεν τούτους, μήτε εἰς κοινωνίαν, μήτε εἰς εὐχήν, μήτε εἰς ἐκκλησίαν δέχεσθαι, ἀλλά φανερῶς εἶναι κατά τήν ἑαυτῶν θρησκείαν Ἑβραίους, καί μήτε…
Πάντα τά μειρακιώδη ἀθύρματα, καί μανιώδη βακχεύματα, τά ψευδοσυγγράμματα, τά κατά τῶν σεπτῶν εἰκόνων γινόμενα δέον δοθῆναι τῷ ἐπισκόπῳ Κωνσταντινουπόλεως, ἵνα ἀποτεθῶσι μετά τῶν λοιπῶν αἱρετικῶν βιβλίων. Εἰ δέ τις εὑρεθείη ταῦτα κρύπτων· εἰ μέν ἐπίσκοπος, ἤ πρεσβύτερος, ἤ διάκονος εἴη, καθαιρείσθω· εἰ δέ λαϊκός, ἤ μοναχός, ἀφοριζέσθω.
Ἐπειδή τινες τῶν κληρικῶν, παραλογιζόμενοι τήν κανονικήν διάταξιν, ἀπολιπόντες τήν ἑαυτῶν παροικίαν εἰς ἑτέραν παροικίαν ἐκτρέχουσι, κατά τό πλεῖστον δέ ἐν ταύτῃ τῇ θεοφυλάκτῳ καί βασιλίδι πόλει, καί εἰς ἄρχοντας προσεδρεύουσιν, ἐν τοῖς αὐτῶν εὐκτηρίοις τάς λειτουργίας ποιοῦντες, τούτους, χωρίς τοῦ ἰδίου ἐπισκόπου καί τοῦ Κωνσταντινουπόλεως, οὐκ ἔξεστι δεχθῆναι ἐν…
