Οὐ τά βρώματα ἡμᾶς βαρεῖ, ἱερέ πάπα, εἰ ἔφαγον οἱ αἰχμάλωτοι ταῦτα, ἅπερ παρετίθεσαν αὐτοῖς οἱ κρατοῦντες αὐτῶν· μάλιστα ἐπειδή εἷς λόγος παρά πάντων, τούς καταδραμόντας τά ἡμέτερα μέρη βαρβάρους, εἰδώλοις μή τεθυκέναι. Ὁ δέ ἀπόστολός φησι· Τά βρώματα τῇ κοιλίᾳ, καί ἡ κοιλία τοῖς βρώμασιν, ὁ δέ Θεός καί…
Δεινή ἡ πλεονεξία καί οὐκ ἔστι δι᾿ ἐπιστολῆς μιᾶς παραθέσθαι τά θεῖα γράμματα, ἐν οἷς οὐ τό ληστεύειν μόνον φευκτόν καί φρικῶδες καταγγέλλεται, ἀλλά καθόλου τό πλεονεκτεῖν καί ἀλλοτρίων ἐφάπτεσθαι ἐπί αἰσχροκερδείᾳ, καί πᾶς τοιοῦτος ἐκκήρυκτος Ἐκκλησίας Θεοῦ. Τό δέ ἐν καιρῷ τῆς καταδρομῆς, ἐν τοσαύτῃ οἰμωγῇ καί τοσούτοις θρήνοις,…
Οὐκ ἰδού Ἄχαρ ὁ τοῦ Ζαρᾶ πλημμελείᾳ ἐπλημμέλησεν ἀπό τοῦ ἀναθέματος, καί ἐπί πᾶσαν συναγωγήν Ἰσραήλ ἐγενήθη ἡ ὀργή; καί εἷς μόνος οὗτος ἥμαρτε, μή μόνος ἀπέθανεν ἐν τῇ ἁμαρτίᾳ αὐτοῦ; Ἡμῖν δέ πᾶν τό μή ἡμέτερον, ἀλλά ἀλλότριον τῷ καιρῷ τούτῳ κέρδος, ἀνάθεμα νενομίσθαι προσήκει. Κᾀκεῖνος μέν γάρ ὁ…
Μηδείς ἐξαπατάτω ἑαυτόν, μήτε ὡς εὑρών, οὔτε γάρ εὑρόντι κερδαίνειν ἔξεστι. Φησί γάρ τό Δευτερονόμιον· Μή ἰδὼν τόν μόσχον τοῦ ἀδελφοῦ σου καί τό πρόβατον πλανώμενα ἐν τῇ ὁδῷ ὑπερίδῃς αὐτά· ἀποστροφῇ ἀποστρέψεις αὐτά τῷ ἀδελφῷ σου. Ἐάν δέ μή ἐγγίζῃ ο ἀδελφός σου πρός σέ, μηδέ ἐπίστασαι αὐτόν, συνάξεις…
Ἄλλοι δέ ἑαυτούς ἐξαπατῶσιν, ἀντί τῶν ἰδίων τῶν ἀπωλομένων, ἃ εὗρον ἀλλότρια κατέχοντες, ἵνα, ἐπειδή αὐτούς Βοράδοι καί Γότθοι τά τῶν πολεμίων εἰργάσαντο, αὐτοί ἄλλοις Βοράδοι καί Γότθοι γίνωνται. Ἀπεστείλαμεν οὖν τόν ἀδελφόν καί συγγέροντα Εὐφρόσυνον διά ταῦτα πρός ὑμᾶς, ἵνα κατά τόν ἐνθάδε τύπον καί αὐτός δῴῃ ὁμοίως, καί…
Ἀπηγγέλθη δέ τι ἡμῖν καί ἄπιστον ἐν τῇ χώρᾳ ὑμῶν γενόμενον, πάντως που ὑπό ἀπίστων καί ἀσεβῶν καί μή εἰδότων μηδέ ὄνομα Κυρίου· ὅτι ἆρα εἰς τοσοῦτόν τινες ὠμότητος καί ἀπανθρωπίας προεχώρησαν, ὥστε τινάς τούς διαφυγόντας αἰχμαλώτους βία κατέχειν. Ἀποστείλατέ τινας εἰς τήν χώραν, μή καί σκηπτοί πέσωσιν ἐπί τούς…
Τούς μέν οὖν ἐγκαταλεχθέντας τοῖς βαρβάροις καί μετ᾽ αὐτῶν ἐν τῇ αἰχμαλωσίᾳ ἐπελθόντας, ἐπιλαθομένους ὅτι ἦσαν Ποντικοί καί χριστιανοί, ἐκβαρβαρωθέντας δέ ὡς καί φονεύειν τούς ὁμοφύλους ἤ ξύλῳ ἤ ἀγχόνῃ, ὑποδεικνύναι δέ ἤ ὁδούς ἤ οἰκίας ἀγνοοῦσι τοῖς βαρβάροις, καί τῆς ἀκροάσεως ἀπεῖρξαι δεῖ, μέχρις ἂν κοινῆ περί αὐτῶν τι…
Τούς δέ οἴκοις ἀλλοτρίοις ἐπελθεῖν τολμήσαντας, ἐάν μέν κατηγορηθέντες ἐλεγχθῶσι, μηδέ τῆς ἀκροάσεως ἀξιώσῃς, ἐάν δέ ἐαυτούς ἐξείπωσι καί ἀποδῶσιν, ἐν τῇ τῶν ὑποστρεφόντων τάξει ὑποπίπτειν.
Τούς δέ ἐν τῷ πεδίῳ εὑρόντας τι ἤ ἐν ταῖς ἑαυτῶν οἰκίαις, καταλειφθέν ὑπό τῶν βαρβάρων, ἐάν μέν κατηγορηθέντες ἐλεγχθῶσιν, ὁμοίως ἐν τοῖς ὑποπίπτουσιν, ἐάν δέ ἑαυτούς ἐξείπωσι καί ἀποδῶσι, καί τῆς εὐχῆς ἀξιῶσαι.
Τούς δέ τήν ἐντολήν πληροῦντας, ἐκτός πάσης αἰσχροκερδείας πληροῦν δεῖ, μήτε μήνυτρα ἤ σῶστρα ἤ εὕρετρα ἤ ᾧ ὀνόματι ταῦτα καλοῦσιν ἀπαιτοῦντας.
