Τούς παρά τῶν ἁγίων Πατέρων καθ᾿ ἑκάστην σύνοδον ἄχρι τοῦ νῦν ἐκτεθέντας κανόνας κρατεῖν ἐδικαιώσαμεν.

Εἴ τις ἐπίσκοπος, ἐπί χρήμασι χειροτονίαν ποιήσαιτο, καί εἰς πρᾶσιν καταγάγοι τήν ἄπρατον χάριν, καί χειροτονήσοι ἐπί χρήμασιν ἐπίσκοπον, ἤ χωρεπίσκοπον, ἤ πρεσβυτέρους, ἤ διακόνους, ἤ ἕτερόν τινα τῶν ἐν τῷ κλήρῳ κατηριθμημένων, ἤ προβάλλοιτο ἐπί χρήμασιν οἰκονόμον, ἤ ἔκδικον, ἤ παραμονάριον, ἤ ὅλως τινά τοῦ κανόνος, δι᾿ αἰσχροκέρδειαν οἰκείαν,…

Ἦλθεν εἰς τήν ἁγίαν σύνοδον, ὅτι τῶν ἐν τῷ κλήρῳ κατειλεγμένων τινές, δι᾿ αἰσχροκέρδειαν, ἀλλοτρίων κτημάτων γίνονται μισθωτοί, καί πράγματα κοσμικά ἐργολαβοῦσι,1 τῆς μέν τοῦ Θεοῦ λειτουργίας κατάῤῥαθυμοῦντες, τούς δέ τῶν κοσμικῶν ὑποτρέχοντες οἴκους, καί οὐσιῶν χειρισμούς ἀναδεχόμενοι διά φιλαργυρίαν. Ὥρισε τοίνυν ἡ ἁγία καί μεγάλη σύνοδος, μηδένα τοῦ λοιποῦ,…

Οἱ ἀληθῶς καί εἰλικρινῶς τόν μονήρη μετιόντες βίον, τῆς προσηκούσης ἀξιούσθωσαν τιμῆς. Ἐπειδή δέ τινες τῷ μοναχικῷ κεχρημένοι προσχήματι, τάς τε ἐκκλησίας, καί τά πολιτικά διαταράσσουσι πράγματα, περιϊόντες ἀδιαφόρως ἐν ταῖς πόλεσιν, οὐ μήν ἀλλά καί μοναστήρια ἑαυτοῖς συνιστᾷν ἐπιτηδεύοντες, ἔδοξε, μηδένα μέν μηδαμοῦ οἰκοδομεῖν, μηδέ συνιστᾷν μοναστήριον, ἤ εὐκτήριον…

Περί τῶν μεταβαινόντων ἀπό πόλεως εἰς πόλιν ἐπισκόπων, ἤ κληρικῶν, ἔδοξε τούς περί τούτων τεθέντας κανόνας παρά τῶν ἁγίων Πατέρων ἔχειν τήν ἰσχύν.

Μηδένα ἀπολελυμένως χειροτονεῖσθαι, μήτε πρεσβύτερον, μήτε διάκονον, μήτε ὅλως τινά τῶν ἐν τῷ ἐκκλησιαστικῷ τάγματι· εἰ μή εἰδικῶς ἐν ἐκκλησίᾳ πόλεως, ἤ κώμης, ἤ μαρτυρίῳ, ἤ μοναστηρίῳ, ὁ χειροτονούμενος ἐπικηρύττοιτο. Τούς δέ ἀπολύτως χειροτονουμένους, ὥρισεν ἡ ἁγία σύνοδος, ἄκυρον ἔχειν τήν τοιαύτην χειροθεσίαν, καί μηδαμοῦ δύνασθαι ἐνεργεῖν, ἐφ᾿ ὕβρει τοῦ…

Τούς ἅπαξ ἐν κλήρῳ τεταγμένους, ἤ καί μοναστάς, ὡρίσαμεν μήτε ἐπί στρατείαν, μήτε ἐπί ἀξίαν κοσμικήν ἔρχεσθαι· ἤ, τοῦτο τολμῶντας, καί μή μεταμελομένους, ὥστε ἐπιστρέψαι ἐπί τοῦτο, ὅ διά Θεόν πρότερον εἵλοντο, ἀναθεματίζεσθαι.

Οἱ κληρικοί τῶν πτωχείων, καί μοναστηρίων, καί μαρτυρίων, ὑπό τήν ἐξουσίαν τῶν ἐν ἑκάστῃ πόλει ἐπισκόπων, κατά τήν τῶν ἁγίων Πατέρων παράδοσιν, διαμενέτωσαν· καί μή κατά αὐθάδειαν ἀφηνιάτωσαν τοῦ ἰδίου ἐπισκόπου. Οἱ δέ τολμῶντες ἀνατρέπειν τήν τοιαύτην διατύπωσιν, καθ᾿ οἱονδήποτε τρόπον, καί μή ὑποταττόμενοι τῷ ἰδίῳ ἐπισκόπῳ, εἰ μέν εἶεν…

Εἴ τις κληρικός πρός κληρικόν πρᾶγμα ἔχει, μή ἐγκαταλιμπανέτω τόν οἰκεῖον ἐπίσκοπον, καί ἐπί κοσμικά δικαστήρια μή κατατρεχέτω, ἀλλά πρότερον τήν ὑπόθεσιν γυμναζέτω παρά τῷ ἰδίῳ ἐπισκόπῳ, ἤ γοῦν, γνώμῃ αὐτοῦ τοῦ ἐπισκόπου, παρ᾿ οἷς ἂν ἀμφότερα τά μέρη βούλωνται, τά τῆς δίκης συγκροτείσθω· εἰ δέ τις παρά ταῦτα ποιήσοι,…

Μή ἐξεῖναι κληρικόν ἐν δύο πόλεων κατά ταὐτόν καταλέγεσθαι ἐκκλησίαις, ἐν ᾗ τε τήν ἀρχήν ἐχειροτονήθη, καί ἐν ᾗ προσέφυγεν, ὡς μείζονι δῆθεν, διά δόξης κενῆς ἐπιθυμίαν. Τούς δέ γε τοῦτο ποιοῦντας ἀποκαθίστασθαι τῇ ἰδίᾳ ἐκκλησίᾳ, ἐν ᾗ ἐξ ἀρχῆς ἐχειροτονήθησαν, καί ἐκεῖ μόνον λειτουργεῖν. Εἰ μέν τοι ἤδη τις…