Ἐπεί τέταρτον ἤδη Πάσχα ἐπικατείληφε τόν διωγμόν, αὐτάρκως ἔχει τοῖς μέν προσενεχθεῖσι καί φυλακισθεῖσι, βασάνους τε ανηκέστους ὑπομεμενηκόσι καί ἀφορήτους μάστιγας καί πολλάς ἑτέρας δεινάς ἀνάγκας, ὕστέρον δέ προδεδομένοις ὑπό τῆς ἀσθενείας τῆς σαρκός, εἰ καί μή ἐξ ἀρχῆς παρεδέχθησαν διά τήν παρακολουθήσασαν μεγίστην πτῶσιν, ὅμως διά τό πολλά αὐτούς…
Τοῖς δέ μετά τό φυλακισθῆναι μόνον καί ὑπομεμενηκέναι τάς εν τῷ δεσμωτηρίῳ, ὡς ἂν ἐν πολιορκίᾳ, θλίψεις τε καί δυσωδίας, ὕστερον δέ χωρίς πολέμου βασάνων γενομένοις αἰχμαλώτοις, κατά πολλήν πτωχείαν δυνάμεως καί κατά τινα τυφλότητα τεθραυσμένοις, ἐπαρκέσει ἐνιαυτός πρός τῷ ἐτέρῳ χρόνῳ. Ἐπεί ὅλως καί αὐτοί ἐπιδεδώκασιν ἑαυτούς ὑπέρ τοῦ…
Τοῖς δέ μηδ᾿ ὅλως μηδέν τι τοιοῦτον πεπονθόσι, μηδέ ἐνδειξαμένοις καρπόν πίστεως, ἀλλ᾿ αὐτομολήσασι πρός τήν κακίαν, προδεδομένοις ὑπό δειλίας καί φόβου, νῦν δέ εἰς μετάνοιαν ἐρχομένοις, ἀναγκαῖόν ἐστι καί ἁρμόζον, τήν τῆς ἀκάρπου συκῆς παραβολήν παραθέσθαι, ὡς ὁ Κύριος λέγει· Συκῆν εἶχέ τις πεφυτευμένην ἐν τῷ ἀμπελῶνι αὐτοῦ καί…
Τοῖς γάρ παντάπασιν ἀπεγνωσμένοις καί ἀμετανοήτοις, δέρμα τε Αἰθίοπος ἀμετάβλητον κεκτημένοις καί ποικίλματα παρδάλεως, λεχθήσεται τό τῆς ἑτέρας συκῆς· Μηκέτι ἐκ σοῦ καρπός γένηται εἰς τόν αἰῶνα, διό καί παραχρῆμα ξηραίνεται. Ἀποπληροῦται γοῦν ἐπ᾿ αὐτοῖς καί τό ὑπό τοῦ Ἐκκλησιαστοῦ εἰρημένον· Διεστραμμένον οὐ δυνήσεται ἐπικοσμηθῆναι καί ὑστέρημα οὐ δυνήσεται ἀριθμηθῆναι,…
Τοῖς δέ καθυποκριναμένοις, κατά τόν ἐπιληπτευσάμενον Δαβίδ, ἵνα μή ἀποθάνῃ οὐκ ὄντα ἐπίληπτον, καί μή γυμνῶς ἀπογραψαμένοις τά πρός ἄρνησιν, ἀλλά διαπαίξασι κατά πολλήν στενοχωρίαν, ὡς ἂν παιδία βουλευτικά ἔμφρονα ἐν παιδίοις ἄφροσι, τάς τῶς ἐχθρῶν ἐπιβουλάς, ἤτοι ὡς διελθόντες βωμούς, ἤτοι ὡς χειρογραφήσαντες, ἤτοι ὡς ἀνθ᾿ ἑαυτῶν βαλόντες ἐθνικούς,…
Τοῖς δέ δούλους χριστιανούς ἀνθ᾿ ἑαυτῶν ὑποβεβληκόσιν, οἱ μέν δοῦλοι, ὡς ἂν ὑποχείριοι ὄντες, καί τρόπον τινά καί αὐτοί φυλακισθέντες ὑπό τῶν δεσποτῶν, καταπειληθέντες τε ὑπ᾽ αυτῶν καί διά τόν φόβον αὐτῶν εἰς τοῦτο ἐλελυθότες καί κατολισθήσαντες, ἐν ἐνιαυτῷ τά τῆς μετανοίας ἔργα δείξουσι, μανθάνοντες τοῦ λοιποῦ, ὡς δοῦλοι Χριστοῦ,…
Οἱ δέ ελεύθεροι, ἐν τρισίν ἔτεσιν ἐξετασθήσονται ἐν μετανοίᾳ, καί ὡς ὑποκρινάμενοι καί ὡς καταναγκάσαντες τούς ὁμοδούλους θύσαι, ἅτε δή παρακούσαντες, τοῦ ἀποστόλου, τά αὐτά θέλοντος ποιεῖν τούς δεσπότας τοῖς δούλοις, ἀνιέντας τήν ἀπειλήν, εἰδότας, φησίν, ὅτι καί ἡμῶν καί αὐτῶν1 (ΠΗΔΑΛΙΟΝ) ὁ Κύριός ἐστιν ἐν οὐρανοῖς καί προσωποληψία παρ᾿…
Τοῖς δέ παραδεδομένοις καί ἐκπεπτωκόσι, τοῖς τε αὐτοῖς προσεληλυθόσιν εἰς τόν ἀγῶνα καί ὁμολογοῦσιν εἶναι χριστιανοῖς, εμβεβλημένοις τε ἐν τῇ φυλακῇ μετά βασάνων, εὔλογόν ἐστιν ἐν ἀγαλλιάσει καρδίας συνεπισχύειν καί κοινωνεῖν ἐν πᾶσιν, ἔν τε ταῖς προσευχαῖς καί τῇ μεταλήψει τοῦ σώματος καί τοῦ αἵματος τοῦ Χριστοῦ καί τῇ παρακλήσει…
Καί τοῖς δέ ὡς ἂν ἐξ ὕπνου ἑαυτούς παραπηδῶσιν εἰς τόν ἀγῶνα, ὠδίνοντα καί μέλλοντα ἑλκύσαι, ἑαυτοῖς δέ πειρασμόν ἐπισπασαμένοις θαλαττομαχίας καί πολλῆς κυματώσεως, μᾶλλον δέ καί τοῖς ἀδελφοῖς προσεκκαίουσιν ἄνθρακας ἁμαρτωλῶν, καί αὐτοῖς κοινωνητέον, ἅτε δή ἐν ὀνόματι Χριστοῦ παρερχομένοις εἰς τοῦτο· εἰ καί μή προσέχουσιν αὐτοῦ τοῖς λόγοις,…
Ὅθεν οὐκ ἔστιν εὔλογον, οὐδέ τούς ἀπό κλήρου αὐτομολήσαντας, ἐκπεπτωκότας τε καί ἀναπαλαίσαντας, ἔτι ἐν τῇ λειτουργίᾳ εἶναι, ἅτε δή καταλείψαντας τό ποίμνιον τοῦ Κυρίου καί μωμησαμένους ἑαυτούς, ὅπερ οὐδείς τῶν ἀποστόλων πεποίηκε. Καί γάρ ο πολλούς διωγμούς ἐξανύσας, πολλά τε ἆθλα ἀγωνισμάτων ἐνδειξάμενος, ὁ μακάριος ἀπόστολος Παῦλος, ἐγνωκὼς ὅτι…
