Τάξις ἀρίστη, παντός ἀρχομένου καί λόγου καί πράγματος, ἐκ Θεοῦ τε ἄρχεσθαι, καί εἰς Θεόν ἀναπαύεσθαι, κατά τήν θεολόγον φωνήν. Ὅθεν, καί τῆς εὐσεβείας ὑφ᾿ ἡμῶν ἤδη διαπρυσίως κηρυττομένης, καί τῆς ἐκκλησίας, ἐφ᾿ ᾗ1 (ΠΗΔΑΛΙΟΝ) Χριστός τεθεμελίωται, διηνεκῶς αὐξανούσης καί προκοπτούσης, ὡς τῶν τοῦ Λιβάνου κέδρων ταύτην ὑπερεκτείνεσθαι· καί νῦν…
Ἔδοξε δέ καί τοῦτο τῇ ἁγίᾳ ταύτῃ συνόδῳ κάλλιστά τε καί σπουδαιότατα, ὥστε μένειν καί ἀπό τοῦ νῦν βεβαίους καί ἀσφαλεῖς, πρός ψυχῶν θεραπείαν καί ἰατρείαν παθῶν, τούς ὑπό τῶν πρό ἡμῶν ἁγίων καί μακαρίων Πατέρων δεχθέντας καί κυρωθέντας, ἀλλά μήν καί παραδοθέντας ἡμῖν ὀνόματι τῶν ἁγίων καί ἐνδόξων Ἀποστόλων…
Ἐπειδή δέ ὁ εὐσεβής καί φιλόχριστος ἡμῶν βασιλεύς τῇ ἁγίᾳ ταύτῃ καί οἰκουμενικῇ προσεφώνησε συνόδῳ, ὥστε τούς ἐν κλήρῳ καταλεγομένους, καί ἄλλοις τά θεῖα διαπορθμεύοντας, καθαρούς ἀποφῆναι καί λειτουργούς ἀμώμους, καί τῆς νοερᾶς τοῦ μεγάλου Θεοῦ, καί θύματος, καί ἀρχιερέως, θυσίας ἀξίους, ἀνακαθᾶραί τε τά ἐξ ἀθέσμων γάμων τούτοις ἐπιτριβέντα…
Εἴ τις ἐπίσκοπος, ἤ πρεσβύτερος, ἤ διάκονος, ἤ ὑποδιάκονος, ἤ ἀναγνώστης, ἤ ψάλτης, ἤ θυρωρός, γυναικί ἀφιερωμένῃ τῷ Θεῷ μιχθείῃ, καθαιρείσθω, ὡς τήν νύμφην τοῦ Χριστοῦ διαφθείρας· εἰ δέ λαϊκός, ἀφοριζέσθω.
Μηδείς τῶν ἐν ἱερατικῷ καταλόγῳ, τῶν ἐν τῷ κανόνι ἐμφερομένων ἀνυπόπτων προσώπων ἐκτός διάγων, γυναῖκα κεκτήσθω, ἤ θεραπαινίδα, τό ἀνεπίληπτον ἑαυτῷ ἐντεῦθεν τηρῶν. Εἰ δέ παραβαίνει τις τά παρ᾿ ἡμῶν ὁρισθέντα, καθαιρείσθω. Τό αὐτό δέ τοῦτο καί οἱ εὐνοῦχοι παραφυλαττέσθωσαν, τό ἄμεμπτον ἑαυτοῖς προνοούμενοι· παραβαίνοντες δέ, εἰ μέν κληρικοί εἶεν,…
Ἐπειδή παρά τοῖς ἀποστολικοῖς κανόσιν εἴρηται, τῶν εἰς κλῆρον προαγομένων ἀγάμων, μόνους ἀναγνώστας, καί ψάλτας γαμεῖν καί ἡμεῖς τοῦτο παραφυλάττοντες, ὁρίζομεν ἀπό τοῦ νῦν μηδαμῶς ὑποδιάκονον, ἤ διάκονον, ἤ πρεσβύτερον, μετά τήν ἐπ᾿ αὐτῷ χειροτονίαν, ἔχειν ἄδειαν, γαμικόν ἑαυτῷ συνιστᾷν συνοικέσιον. Εἰ δέ τοῦτο τολμήσοι ποιῆσαι, καθαιρείσθω. Εἰ δέ βούλοιτό…
Ἐπειδή μεμαθήκαμεν ἔν τισι τῶν ἐκκλησιῶν διακόνους τυγχάνειν, ὀφφίκια ἐκκλησιαστικά ἔχοντας, ἐντεῦθέν τέ τινας αὐτῶν αὐθαδείᾳ καί αὐτονομίᾳ κεχρημένους πρό τῶν πρεσβυτέρων καθέζεσθαι, ὁρίζομεν, ὥστε τόν διάκονον, κᾂν ἐν ἀξιώματι, τοὐτέστιν ἐν ὀφφικίῳ τῷ οἱῳδήποτε ἐκκλησιαστικῷ τυγχάνῃ, τόν τοιοῦτον μή πρό τοῦ πρεσβυτέρου καθέζεσθαι· ἐκτός, εἰ μή τό πρόσωπον ἐπέχων…
Ἐν πᾶσι τά ὑπό τῶν ἁγίων Πατέρων ἡμῶν θεσπιθέντα καί ἡμεῖς κρατεῖν βουλόμενοι, ἀνανεοῦμεν καί τόν κανόνα τόν διαγορεύοντα, καθ᾿ ἕκαστον ἔτος συνόδους τῶν ἐν ἑκάστῃ ἐπαρχίᾳ γίνεσθαι ἐπισκόπων, ἔνθα ἂν ὁ τῆς μητροπόλεως δοκιμάσῃ ἐπίσκοπος. Ἐπειδή δέ διά τε τάς τῶν βαρβάρων ἐπιδρομάς, διά τε τάς προσπιπτούσας ἑτέρας αἰτίας,…
Μηδενί ἐξεῖναι κληρικῷ, καπηλικόν ἐργατήριον ἔχειν. Εἰ γάρ τῷ τοιούτῳ εἰσιέναι ἐν καπηλείῳ οὐκ ἐπιτέτραπται, πόσῳ μᾶλλον ἄλλοις ἐν τούτῳ διακονεῖσθαι, καί ἃ μή θέμις αὐτῷ ἐγχειρεῖν; εἰ δέ τι τοιοῦτον διαπράξοιτο, ἤ παυσάσθω ἤ καθαιρείσθω.
Ἐπίσκοπος, ἤ πρεσβύτερος, ἤ διάκονος τόκους, ἤ τάς λεγομένας ἑκατοστάς λαμβάνων, ἤ παυσάσθω, ἤ καθαιρείσθω.
