Εἴ τις ἐπίσκοπος, ἤ πρεσβύτερος, ἤ διάκονος, ἤ ὑποδιάκονος, ἤ ἀναγνώστης, ἤ ψάλτης, ἤ θυρωρός, γυναικί ἀφιερωμένῃ τῷ Θεῷ μιχθείῃ, καθαιρείσθω, ὡς τήν νύμφην τοῦ Χριστοῦ διαφθείρας· εἰ δέ λαϊκός, ἀφοριζέσθω.
Ὥσπερ σκεῦος οἱονδηποτοῦν, ἤ ὀθόνην, ἀνατεθέντα Θεῷ, κἀντεῦθεν ἁγιασθέντα, σφετερίζεσθαί τε καί χρᾶσθαι αὐτοῖς κωλύεται, ἤ ὁ τοῦτο ποιῶν ἀφορίζεται, κατά τόν ἑβδομηκοστόν τρίτον κανόνα τῶν ἱερῶν Ἀποστόλων· οὕτω καί πολλῷ πλέον τήν ἀφιερωθεῖσαν Θεῷ φθείρων τις, κᾂν παρθένος ᾖ, κᾂν ἀνδρός ἐν πείρᾳ πρότερον γενομένῃ, οὐκ ἀτιμώρητος ἔσται· ἀλλ’ εἰ μέν ἱερωμένος εἴη ὁ τοῦτο ποιήσας, ἤ ὄλως ἐν κλήρῳ κατειλεγμένος, καθαιρεθήσεται, ὡς ἱερόσυλος, ἤ καί βαρύτερον τί τολμήσας· τήν γάρ τῷ Θεῷ ἀφιερωθεῖσαν καί νυμφευθεῖσαν ἐσύλησεν· εἰ δέ λαϊκός ὁ τολμητίας ἐστίν, ἀφορισμῷ ὑποβληθήσεται. Κᾂν δέ μή ἀφιερωμένῃ γυναικί μιχθῇ τις τῶν ἱερωμένων, ἀλλά λαϊκῇ, καθαιρεθήσεται. Πρό πάντων σημείωσαι ἀπό τοῦ παρόντος κανόνος, ὅτι τό παλαιόν οὐκ ἀπ’ εὐνούχων μόνον τό τῶν ψαλτῶν τάγμα συνίστατο, καθώς γίνεται σήμερον, ἀλλά καί ἀπό μή τοιούτων. Τό τάγμα δέ τῶν ἀναγνωστῶν, οὐ διά τό ψάλλειν αὐτούς, ἐτυπώθη, ἀλλά διά τό ἀναγινώσκειν ἐπ’ ἄμβωνος τάς θείας γραφάς μετά τήν ἀπόλυσιν τοῦ ὄρθρου· ἐξ οὗ καί ἀναγνῶσται καλοῦνται. Φησί γάρ καθαιρεῖσθαι τούς ψάλτας, ὥσπερ καί τούς λοιπούς κληρικούς μιγνυμένους ταῖς τῷ Θεῷ ἀφιερωθείσαις· καί οὐ μόνον τούτους κολάζει, ἀλλά καί τούς λαϊκούς τοιοῦτόν τι ποιοῦντας ἀφορίζει. Οὐκ ἔστι δέ καινόν, ἐάν καθαιρῆται κληρικός ἐκ τούτου τοῦ ἁμαρτήματος· ἀπό γάρ τοῦ κε΄ ἀποστολικοῦ κανόνος, καί ὁ οἱανδήποτε πορνεύσας γυναῖκα κληρικός, καθαιρεῖται· πολλῷ οὖν πλέον ὁ τήν νύμφην τοῦ Χριστοῦ, καί τό σκεῦος τό ἀνατεθειμένον τῷ Θεῷ μολύνων, καθαιρεθήσεται· ἀνάγνωθι καί τοῦ ἁγίου Βασιλείου κανόνα ιη΄, κ΄ καί ξ΄. Μανθάνων μέν τοι πῶς τιμωροῦνται οἱ τοιαύταις γυναιξί μιγνύμενοι, μή ὑποδιαστείλης παρθενίαν, ἤ χηρείαν, ἀλλ’ ἐπί πάσης γυναικός ἀφιερωθείσης τῷ Θεῷ λέγε τόν κανόνα ἐκφωνηθῆναι. Ἔσο δέ εἰδώς, ὅτι ὁ τοιαύτῃ γυναικί μιγνύμενος λαϊκός, ἀπό μέν τοῦ παρόντος κανόνος, ἀφορίζεται ἀπό δέ τοῦ ιε΄ κεφ., τοῦ α΄ τίτλου, τοῦ δ΄ βιβλίου τῶν βασιλικῶν, ἤγουν τῆς ρκγ΄ νεαρᾶς, κεφαλικῶς τιμωρεῖται· ἀνάγνωθι καί τό λ΄ κεφ., τοῦ θ΄ τίτλου τοῦ παρόντος συντάγματος. Κληρικός νύμφῃ Θεοῦ συναπτόμενος, καθαιρείσθω· λαϊκός δέ, ἀφοριζέσθω. Ὁ μέν κανών οὗτος τόν γαμικῶς συναφθέντα τῇ παρθένῳ, τῇ καθιερωθείσῃ καί νυμφευθείσῃ Θεῷ, εἰ μέν κληρικός ἐστι, καθαιρεῖ αὐτόν· εἰ δέ λαϊκός, ἀφορίζει. Ὁ δέ ὀκτωκαιδέκατος τοῦ μεγάλου Βασιλείου κανών, ὡς μοιχόν τόν τοιοῦτον λογίζεται, καί εἰς κοινωνίαν αὐτόν ἄλλως οὐ παραδέχεται, εἰ μή πρότερον τῆς ἁμαρτίας παυθῇ. Ὁ παρών Κανών καθαιρεῖ μέν τούς κληρικούς ὁποῦ πορνεύουν μέ ἀφιερωμένην γυναῖκα εἰς τόν Θεόν, ἤτοι καλογραῖαν, ἀφορίζει δέ τούς τοῦτο ποιήσαντας λαϊκούς, ὡσάν ὁποῦ διέφθειραν τήν νύμφην τοῦ νυμφίου τῶν ψυχῶν Χριστοῦ τοῦ Θεοῦ, εἴτε παρθένος οὖσα αὕτη πρότερον, ἔγινε καλογραῖα, εἴτε καί χήρα. Οὐ μόνον δέ ἐάν μέ καλογραῖαν πορνεύσουν οἱ ἱερωμένοι, καί κληρικοί, καθαιροῦνται, ἀλλά καί ἐάν πορνεύσουν μέ λαϊκήν. Ἀνάγνωθι καί τόν κε΄ Ἀποστολ. καί τόν ιστ΄ τῆς δ΄.
