Τάς μνηστευθείσας κόρας, καί μετά ταῦτα ὑπό ἄλλων ἁρπαγείσας, ἔδοξεν ἀποδίδοσθαι τοῖς προμνηστευσαμένοις, εἰ καί βίαν ὑπ᾽ αὐτῶν πάθοιεν.

Τούς πρό τοῦ βαπτίσματος τεθυκότας, καί μετά ταῦτα βαπτισθέντας, ἔδοξεν εἰς τάξιν προάγεσθαι, ὡς ἀπολουσαμένους.

Χωρεπισκόποις μή ἐξεῖναι πρεσβυτέρους ἤ διακόνους χειροτονεῖν, ἀλλά μήν μηδέ πρεσβυτέρους πόλεως, χωρίς τοῦ ἐπιτραπῆναι ὑπό τοῦ ἐπισκόπου μετά γραμμάτων, ἐν ἑτέρᾳ παροικίᾳ.1 (ΠΗΔΑΛΙΟΝ)

Τούς ἐν κλήρῳ πρεσβυτέρους ἤ διακόνους ὄντας, ἀπεχομένους κρεῶν, ἔδοξεν ἐφάπτεσθαι, καί οὕτως, εἰ βούλοιντο, κρατεῖν ἑαυτῶν· εἰ δέ μή βούλοιντο, ὡς μηδέ τά μετά κρεῶν βαλλόμενα λάχανα ἐσθίειν, καί εἰ μή ὑπείκοιεν τῷ κανόνι, πεπαῦσθαι αὐτούς τῆς τάξεως.

Περί τῶν διαφερόντων τῷ Κυριακῷ, ὅσα ἐπισκόπου μή ὄντος πρεσβύτεροι ἐπώλησαν, ἀνακαλεῖσθαι τό Κυριακόν. Ἐν δέ τῇ κρίσει τοῦ ἐπισκόπου εἶναι, εἴπερ προσήκει ἀπολαβεῖν τήν τιμήν, εἴτε καί μή, διά τό πολλάκις τήν πρόσοδον τῶν πεπραγμένων ἀποδεδωκέναι αὐτοῖς τούτοις πλείονα τήν τιμήν.

Περί τῶν ἀλογευσαμένων, ἤ καί ἀλογευομένων, ὅσοι πρίν εἰκοσαετεῖς γενέσθαι, ἥμαρτον, πέντε καί δέκα ἔτεσιν ὑποπεσόντες, κοινωνίας τυγχανέτωσαν τῆς εἰς τάς προσευχάς· εἶτα ἐν τῇ κοινωνίᾳ διατελέσαντες ἔτη πέντε, τότε καί τῆς προσφορᾶς ἐφαπτέσθωσαν. Ἐξεταζέσθω δέ αὐτῶν καί ὁ ἐν τῇ ὑποπτώσει βίος, καί οὕτω τυγχανέτωσαν τῆς φιλανθρωπίας. Εἰ δέ…

Τούς ἀλογευσαμένους καί λεπρούς ὄντας, ἤτοι λεπρώσαντας, τούτους προσέταξεν ἡ ἁγία σύνοδος, εἰς τούς χειμαζομένους εὔχεσθαι.

Εἴ τινες ἐπίσκοποι κατασταθέντες, καί μή δεχθέντες ὑπό τῆς παροικίας ἐκείνης, εἰς ἣν ὠνομάσθησαν, ἑτέραις βούλοιντο παροικίαις ἐπιέναι, καί βιάζεσθαι τούς καθεστῶτας, καί στάσεις κινεῖν κατ᾽ αὐτῶν, τούτους ἀφορίζεσθαι. Ἐάν μέν τοι βούλοιντο εἰς τό πρεσβυτέριον καθέζεσθαι, ἔνθα ἦσαν πρότερον πρεσβύτεροι, μή ἀποβάλλεσθαι αὐτούς τῆς τιμῆς· ἐάν δέ διαστασιάζωσι πρός…

Ὅσοι παρθενίαν ἐπαγγελλόμενοι, ἀθετοῦσι τήν ἐπαγγελίαν, τόν τῶν διγάμων ὅρον ἐκπληρούτωσαν. Τάς μέντοι συνερχομένας παρθένους τισίν ὡς ἀδελφάς1 (ΠΗΔΑΛΙΟΝ) ἐκωλύσαμεν.

Ἐάν τινος γυνή μοιχευθῇ, ἤ μοιχεύσῃ τις, ἐν ἑπτά ἕτεσι δεῖ αὐτόν τοῦ τελείου τυχεῖν, κατά τούς βαθμούς τούς προάγοντας.