Τάς μνηστευθείσας κόρας, καί μετά ταῦτα ὑπό ἄλλων ἁρπαγείσας, ἔδοξεν ἀποδίδοσθαι τοῖς προμνηστευσαμένοις, εἰ καί βίαν ὑπ᾽ αὐτῶν πάθοιεν.
Καί ὁ μέγας Βασίλειος, ἐν εἰκοστῷ δευτέρῳ κανόνι αὐτοῦ, τόν ἐξ ἁρπαγῆς ἔχοντα γυναῖκα, μή πρότερον παραδέχεσθαι εἰς μετάνοιαν βούλεται, εἰ μή ἀφαιρεθῇ ἐξ αὐτοῦ ἡ ἁρπαγεῖσα, καί τῷ μνηστευσαμένῳ αὐτήν δοθῇ, εἰ τέως βούλοιτο λαβεῖν αὐτήν. Οὕτω καί τόν κανόνα τοῦτον νοητέον λέγειν τό ἀποδίδεσθαι τάς ἁρπαγείσας τοῖς μνηστευσαμένοις αὐτάς∙ εἰ αἱροῖντο δηλονότι λαβεῖν αὐτάς∙ ἄκοντες γάρ οὐκ ἀναγκασθήσονται. Περί τῶν ἁρπαζόντων κόρας οἱασδήτινας, τά εἰκότα διελήφθη ἐν τῷ λ΄ κεφ., τοῦ θ΄ τίτλ. τοῦ παρόντος συντάγματος, καί ἀνάγνωθι τοῦτο. Ὡσαύτως ἀνάγνωθι καί τόν ξβ΄ κανόνα τῆς ἐν τῷ Τρούλλῳ συνόδου, καί τόν νη΄ ὅλον τίτλον, τοῦ ξ΄ βιβλίου. Ἀκούων δέ τοῦ κανόνος λέγοντος, ἀποδίδοσθαι τάς ἁρπαγείσας τοῖς μνηστευσαμένοις, μή εἴπῃς ἀναγκάζεσθαι τούτους ταύτας λαβεῖν, ἀλλά θέλειν καί ζητεῖν αὐτούς αὐτάς. Τοῦτο γάρ καί ἐπί μοιχαλίδων γυναικῶν εἴρηται ἐν βιβλίῳ κη΄, τίτ. ζ΄, κεφ. α΄, ὅπερ ἐστί νεαρά Ἰουστινιάνειος ριζ΄. Εἰ δέ θέλεις εἰπεῖν, καί ἄκοντας λαμβάνειν αὐτάς τούς μνηστῆρας, ἑρμήνευσον τόν κανόνα κατά τήν ἐπιστολήν τοῦ ἁγίου Γρηγορίου τοῦ Θαυματουργοῦ, ἣν καί ἀνάγνωθι περί τάς ἀρχάς∙ πρός δέ καί τά εἰς ἑρμηνείαν τῆς αὐτῆς ἐπιστολῆς γραφέντα, ἀλλά καί τόν κβ΄ κανόνα τοῦ ἁγίου Βασιλείου οὕτως ἑρμήνευσον. Εἰ ἐμνηστεύθη κόρη, ἡρπάγη δέ παρ’ ἅλλου τῷ προτέρῳ ἀποκαθίσταται. Ὁ μέν κανών οὗτος, τήν μνηστευθεῖσάν τινι κόρην, καί μετά ταῦτα ὑφ’ ἑτέρου ἁρπαγεῖσαν, προστάττει ἀποκαθίσασθαι τῷ προτέρῳ μνηστῆρι, κᾂν ὑπό τοῦ ἁρπάσαντος αὐτήν ἡ παρθένος ἐφθάρη. Ὁ δέ πεντηκοστός ὄγδοος τίτλος, τοῦ ξ΄ βιβλίου τῶν βασιλικῶν μεγάλαις ποιναῖς ὑποβάλλει τόν ἁρπαγήν ποιησάμενον γυναικός, καί τόν βοηθήσαντα αὐτῷ ἐν τῇ ἁρπαγῇ, καί τούς ἄλλους τούς οἱανδήποτε σπουδήν τούτῳ εἰσενεγκόντας. Καί οὐδέ συγχωρεῖ, κᾂν ἡ ἁρπαγεῖσα θέλῃ γυνή, κᾂν οἱ γονεῖς αὐτῆς, τῷ ἁρπάσαντι συναφθῆναι πρός γάμον∙ ἀλλά καί εἰ συναινέσουσιν οἱ γονεῖς τῷ τοιούτῳ συνοικεσίῳ, περιορίζονται. Ὅσαι γυναῖκες κόραι εἶναι ἀῤῥαβωνιασμέναις μέ ἄνδρας, μετά ταῦτα δέ ἁρπαχθοῦν ἀπό ἄλλους, αὐταί, διορίζει ὁ παρών Κανών, ὅτι νά δίδωνται ὀπίσω εἰς τούς πρώτους ἀῤῥαβωνιαστικούς αὐτῶν, κᾂν καί ἐφθάρησαν ἀπό τούς ἁρπάσαντας. Πλήν ὄχι ἀναγκαστικῶς, ἀλλ’ ἐάν καί θέλωσι καί ζητῶσιν αὐτάς οἱ πρῶτοι των ἀῤῥαβωνιαστικοί. Ὅρα καί τόν κζ΄ τῆς δ΄.
