Εἴ τινες ἐπίσκοποι κατασταθέντες, καί μή δεχθέντες ὑπό τῆς παροικίας ἐκείνης, εἰς ἣν ὠνομάσθησαν, ἑτέραις βούλοιντο παροικίαις ἐπιέναι, καί βιάζεσθαι τούς καθεστῶτας, καί στάσεις κινεῖν κατ᾽ αὐτῶν, τούτους ἀφορίζεσθαι. Ἐάν μέν τοι βούλοιντο εἰς τό πρεσβυτέριον καθέζεσθαι, ἔνθα ἦσαν πρότερον πρεσβύτεροι, μή ἀποβάλλεσθαι αὐτούς τῆς τιμῆς· ἐάν δέ διαστασιάζωσι πρός τούς καθεστῶτας ἐκεῖ ἐπισκόπους, ἀφαιρεῖσθαι αὐτούς καί τήν τιμήν τοῦ πρεσβυτερίου, καί γίνεσθαι αὐτούς ἐκκηρύκτους.
Ἐάν τινες ἐπίσκοποι κατασταθέντες, ἀντί τοῦ, χειροτονηθέντες, μή δεχθῶσι παρά τῆς παροικίας, εἰς ἣν ὠνομάσθησαν, ἧς ἐπεκλήθησαν δηλονότι ἐπίσκοποι∙ ἐπέλθωσι δέ ἑτέρᾳ παροικίᾳ ἤγουν ἑτέρᾳ ἐκκλησίᾳ, καί ἀθροισμῷ πιστῶν, καί βιάζωνται τούς καθεστῶτας ἐκεῖ, τούς κεχειροτονημένους ἐν τῇ παροικίᾳ, ἐκείνῃ, καί στάσεις κινῶσι κατ’ αὐτῶν, τούτους ὁ κανὼν ἀφορίζεσθαι κελεύει, ὥστε μή συντιμᾶσθαι τοῖς ἐπισκόποις. Εἰ δέ βούλοιντο συγκαθῆσθαι τοῖς πρεσβυτέροις, τούτου τυγχάνειν, ἤτοι πρεσβυτέρου ἔχειν τιμήν. Ἐάν δέ στάσεις κινῶσι πρός τούς ὄντας ἐκεῖ ἐπισκόπους, τότε καί τῆς τοῦ πρεσβυτέρου τιμῆς στερεῖσθαι αὐτούς, καί γίνεσθαι ἐκκηρύκτους, τοὐτέστι καί τῆς ἐκκλησίας ἐκπτώτους. Ὁ ιδ΄ κανὼν τῶν Ἁγίων Ἀποστόλων, καί ὁ ιε΄ καί ὁ λστ΄ ἀλλά μήν καί ὁ ιζ΄ καί ὁ ιη΄ κανὼν τῆς ἐν Ἀντιοχείᾳ συνόδου, πολλά τινα διαλαμβάνουσι περί τῶν χειροτονουμένων ἐπισκόπων, καί μή δεχομένων ὑπό τῶν παροικιῶν αὐτῶν, καί ἀνάγνωθι τούτους. Ὁ μέντοι παρὼν κανὼν διορίζεται, τούς μή δεχθέντας ἐπισκόπους εἰς ἃς ὠνομάσθησαν παροικίας, μή ἀπέρχεσθαι εἰς ἑτέρας, καί βιάζειν τούς προέδρους αὐτῶν, μήτε μήν διεγείρειν κατά τούτων τούς ὑπ’ αὐτούς κληρικούς τε καί λαϊκούς∙ τούς δέ τοιοῦτόν τι ποιοῦντας ἀφορίζεσθαι. Ὡς δε τινος εἰπόντος, καί ποῖος ἔσται τόπος κατοικίας τοῖς τοιούτοις; ἐπήγαγον οἱ Πατέρες, ὡς, εἰ βούλοιντο οἱ χειροτονηθέντες διάγειν εἰς ἑτέρας παροικίας, ἤγουν εἰς τάς προτέρας κατοικίας αὐτῶν, καί ἀνέχονται εἰς πρεσβυτέρου τόπον καθῆσθαι, οὐ κωλυθήσονται. Τοίνυν καί οὕτω μέν ποιοῦντες ἀνενόχλητοι διατηρηθήσονται, ἔχοντες τήν τοιαύτην τιμήν. Ἐάν δέ στάσεις καί διαφοράς ἔχωσι μετά τοῦ ἐγχωρίου ἐπισκόπου, ἀφαιρεθήσονται καί τήν τοῦ πρεσβυτέρου τιμήν, καί γενήσονται ἐκκήρυκτοι. Ταῦτα τοῦ κανόνος διοριζομένου, μή εἴπῃς τούς μή δεχθέντας ἐπισκόπους καθῆσθαι εἰς τόπους τῶν πρεσβυτέρων διά ὑπόπτωσιν τῆς τιμῆς τοῦ ἐπισκοπικοῦ ἀξιώματος, ἀλλά διά τό μή εἶναι ἕτερον τόπον τοῦ πρεσβυτερίου μείζονα. Τυχόν γάρ τινος ἐξ αὐτῶν ὄντος ἀπό Ἡρακλείας, καί ὑποστρέψαντος εἰς ταύτην, οἱ μέν πρεσβύτεροι, ὧν εἷς ποτε ἦν καί ὁ ψηφισθείς, τούς τῶν ἱερέων ἕξουσι τόπους∙ οὗτος δέ εἰς ἐπισκοπικόν ἀξίωμα προαναβιβασθείς, μετά τῶν λοιπῶν ἐπισκόπων τοῦ Ἡρακλείας καθίσει, καί ὑπέρ τά ἐσκαμμένα πηδῶν, Τοὐτέστιν ἰδιούμενος τόν τοῦ μητροπολίτου τόπον, οὐκ εἰσακουσθήσεται∙ τό γάρ καθῆσθαι τοῦτον μετά τῶν πρεσβυτέρων, ὅτε καί ἑτέρων ἐπισκόπων καθέδρα ἐστίν, ὕβρις ἐστί τῆς ἀρχιερωσύνης. Ὀφείλεις οὖν ἐνταῦθα θεματίσαι, ὅτι ὁ ἐγχώριος ἐπίσκοπος οὐκ εἶχε συνόντας αὐτῷ καί ἑτέρους ἐπισκόπους, ἀλλά μόνους πρεσβυτέρους, οἳ καί συνεκάθηντο. Τό ἀφαιρεῖσθαι δέ τόν παρά ταῦτα ποιοῦντα τήν τιμήν τοῦ πρεσβυτερίου, καί γίνεσθαι ἐκκήρυκτον, μή νοήσῃς ἐκλαμβάνεσθαι εἰς καθαίρεσιν, ἀλλ’ εἰς μόνην ὑπόπτωσιν τῆς τιμῆς τούτου, ἤγουν οὐδέ μετά τῶν πρεσβυτέρων καθῆσθαι ἀξιωθήσεται. Ὁ ἐπίσκοπος καταστάς, εἰ οὐ δέχεται παρά τῆς παροικίας εἰς ἣν ἐκλήθη, ἀλλ’ ἑτέροις ἐπισκόποις ἐνοχλεῖ, ἀφοριζέσθω. Εἰ δέ τοῖς πρεσβυτέροις ἐθέλει συναριθμεῖσθαι, συναριθμείσθω∙ εἰ δέ καί τοῖς ἐκεῖ ἐπισκόποις διαστασιάζοι, ἀπωθείσθω καί τῆς πρεσβυτέρου τιμῆς. Ὁ γενόμενος ἐπίσκοπος, καί μή προσδεχθείς παρά τῶν λαῶν, ὧν τήν φροντίδα ἐνεχειρίσθη, εἰ ἐπιχειρήσει ἐν ἀλλοτρίᾳ παροικίᾳ ἐπισκοπικόν τι δίκαιον ἐνεργῆσαι, καί τοῖς ἐκεῖσε ἐπισκόποις ὄχλησίν τινα ἐπαγαγεῖν, ἀφορισθήσεται. Εἰ δέ μετά τῶν πρεσβυτέρων ἐθέλει συναριθμεῖσθαι, καί συγκαθῆσθαι αὐτοῖς, καί τῆς ἴσης ἀπολαύειν τιμῆς, συγκαταλεγήσεται τούτοις. Εἰ δέ καί πρός τούς ἐκεῖσε καθεστῶτας ἐπισκόπους διαστασιάζει, καί ἐπισκοπικά τινα δίκαια ὑφαρπάζει, καί τήν τιμήν ταύτην τῶν πρεσβυτέρων ἀφαιρεθήσεται, καί ἀφορισθήσεται. Διορίζει ὁ παρών Κανών, ὅτι, ἀνίσως τινές Ἀρχιερεῖς, ἀφ’ οὗ ἐχειροτονήθησαν, δέν ἐδέχθησαν ἀπό τήν ἐπαρχίαν των, ἀλλά ὑπάγουν εἰς ἄλλας ἐπαρχίας, καί βιάζουσι τούς ἐκεῖσε χειροτονημένους, καί ταραχάς προξενοῦσιν. Οὗτοι, λέγω νά ἀφορίζωνται καί νά μήν ἔχωσι τήν τοῦ Ἐπισκόπου τιμήν, ἀλλά ἐάν θέλουν, ἂς ἔχουν μόνην τήν τῶν Πρεσβυτέρων καθέδραν καί τιμήν.1 Ὄχι καί πάλιν δέν εἰρηνεύουν, ἀλλά προξενοῦσι σκάνδαλα καί μάχας πρός τούς ἐκεῖσε Ἐπισκόπους, νά χάνουσι καί τήν τῶν Πρεσβυτέρων ταύτην τιμήν, καί παντελῶς ἀπό τήν ἐκκλησίαν νά ἀποδιώκωνται. Ἀνάγνωθι καί τόν λε΄, λστ΄ Ἀποστολικόν. 1Ὁ δέ Βαλσαμών λέγει ὅτι οἱ μή δεχθέντες οὗτοι Ἐπίσκοποι νά ἔχουν τήν τιμήν τοῦ Πρεσβυτέρου, εἰς τόν τόπον ἐκεῖνον ὁποῦ ἦτον Πρεσβύτεροι πρότερον, ὅπερ νόημα συμφωνότερον εἶναι μέ τό κείμενον τοῦ κανόνος.
