Ἐάν τινος γυνή μοιχευθῇ, ἤ μοιχεύσῃ τις, ἐν ἑπτά ἕτεσι δεῖ αὐτόν τοῦ τελείου τυχεῖν, κατά τούς βαθμούς τούς προάγοντας.
Τήν μοιχαλίδα καί τό μοιχόν, δι’ ἑπτά ἐτῶν ὥρισεν ἡ σύνοδος αὕτη εἰς τό τέλειον ἔρχεσθαι, ἤγουν εἰς τήν ἁγίαν μετάληψιν∙ τούς δέ ἑπτά ἐνιαυτούς καταμερίζεσθαι εἰς τούς τῶν ἐπιτιμίων βαθμούς. Ἐν τῷ πζ΄ καί ϟη΄ κανόνι τῆς ἐν τῷ Τρούλλῳ συνόδου∙ ἀρκούντως διελάβομεν περί μοιχαλίδος καί μοιχοῦ. Ὁ δέ παρὼν κανών διορίζεται ἀξιοῦσθαι τούτους τῆς ἁγίας μεταλήψεως μετά ἑπτά ἔτη, καταμεριζόμενα εἰς τούς βαθμούς τῶν ἐπιτιμίων. Ἀνάγνωθι καί τόν κα΄ κανόνα καί κβ΄ τοῦ ἁγίου Βασιλείου. Ἡ μοιχαλίς καί ὁ μοιχός ἑπταετίαν ἀφοριζέσθωσαν. Καί ὁ ὀγδοηκοστός ἕβδομος κανὼν τῆς ἐν τῷ Τρούλλῳ ἕκτης συνόδου, ἐν ἑπτά ἔτεσι τῷ μοιχῷ ἐπάγει τήν ἐπιτίμησιν, καθὼς δή καί ὁ παρών διαλαμβάνει κανών∙ ὥστε ἐνιαυτόν μέν ἕνα προσκλαίειν, διετίαν ἐπακροᾶσθαι, τριετίαν ὑποπίπτειν, καί τῷ ἑβδόμῳ συνίστασθαι τοῖς πιστοῖς, καί οὕτω καταξιοῦσθαι τῆς προσφορᾶς, ἐάν μετά δακρύων ποιήσηται τήν μετάνοιαν. Ὁ δέ πεντηκοστός ὄγδοος κανὼν τοῦ μεγάλου Βασιλείου ἐν πεντεκαίδεκα ἔτεσιν ἐπιτιμᾷ τόν μοιχόν∙ ὥστε ἐν τέσσαρσι μέν προσκλαίειν, ἐν πέντε δέ ἀκροᾶσθαι, ἐν τέσσαρσιν ὑποπίπτειν, ἐν δυσί συνίστασθαι τοῖς πιστοῖς, καί μετά ταῦτα ἀξιοῦσθαι τῆς κοινωνίας. Ὁ παρών Κανών τήν μοιχαλίδα γυναῖκα, καί τόν μοιχόν εἰς ἑπτά χρόνους ἐμποδίζει ἀπό τήν κοινωνίαν τῶν μυστηρίων. Οἱ χρόνοι δέ οὗτοι νά οἰκονομοῦνται κατά τάς προῤῥηθείσας τάξεις τῶν μετανοούντων. Ἤτοι καθὼς ὁ οζ΄ Βασιλείου διορίζει. Ἕνα μέν χρόνον νά προσκλαίουν∙ δύω, νά ἀκροῶνται∙ τρεῖς, νά ὑποπίπτουν, καί κατά τόν ἕβδομον χρόνον νά στέκωνται μέ τούς πιστούς. Καί ἔτζι νά μεταλαμβάνουν τά θεῖα μυστήρια, ἐάν μετά δακρύων μετανοήσουν.
