Ὁμοίως ἤρεσεν, ἵνα οἱ πρεσβύτεροι, καί οἱ διάκονοι, καί οἱ λοιποί κατώτεροι κληρικοί, ἐν αἷς ἔχουσιν αἰτίαις, ἐάν τά δικαστήρια μέμφωνται τῶν ἰδίων ἐπισκόπων, οἱ γείτονες ἐπίσκοποι ἀκροάσωνται αὐτῶν, καί μετά συναινέσεως τοῦ ἰδίου ἐπισκόπου, τά μεταξύ αὐτῶν διαθῶσιν οἱ προσκαλούμενοι παρ᾽ αὐτῶν ἐπίσκοποι. Διό, εἰ καί περί αὐτῶν ἔκκλητον…
Ὁμοίως ἤρεσε συμπάσῃ τῇ συνόδῳ, ἵνα, ὁ διά ῥαθυμίαν αὐτοῦ ἀπό κοινωνίας γενόμενος, εἴτε ἐπίσκοπος, εἴτε οἱοσδήποτε κληρικός, ἐάν ἐν τῷ καιρῷ τῆς ἀκοινωνησίας αὐτοῦ, πρό τοῦ ἀκουσθῆναι, εἰς κοινωνίαν τολμήσῃ, αὐτός καθ᾽ ἑαυτοῦ τῆς καταδίκης τήν ψῆφον ἐξενηνοχέναι κριθῇ.
Ὁμοίως ἤρεσεν, ἵνα ὁ κατηγορούμενος ἤ ὁ κατηγορῶν, ἐν τῷ τόπῳ, ὅθεν ἐστίν ὁ κατηγορούμενος, ἐάν φοβῆταί τινα βίαν προπετοῦς πολυπληθείας, τόπον ἑαυτῷ ἐπιλέξηται ἔγγιστα, ἐν ᾧ οὐκ ἔστιν αὐτῷ δυσχέρεια μάρτυρας προκομίσαι, ἔνθα τό πρᾶγμα περατοῦται.
Ὁμοίως ἤρεσεν, ἵνα οἱοιδήποτε κληρικοί καί διάκονοι, ἐάν μή πειθαρχῶσι τοῖς ἐπισκόποις αὐτῶν, βουλομένοις διά τινας ἀναγκαστικάς αἰτίας τῶν ἐκκλησιῶν αὐτῶν τούτους πρός μείζονας ἀναβιβάζειν τιμάς ἐν τῇ ἐκκλησίᾳ αὐτῶν, μηδέ ἐν ἐκείνῳ τῷ βαθμῷ διακονήσωσιν, ἐξ οὗ ἀναχωρῆσαι οὐκ ἠθέλησαν.
Ὁμοίως ἤρεσεν, ἵνα ἐπίσκοποι, πρεσβύτεροι, διάκονοι ἤ καί οἱοιδήποτε κληρικοί, οἱ μηδέν ἔχοντες, ἐάν προκόψαντες τῷ καιρῷ τῆς ἐπισκοπῆς, ἤ τῆς κληρώσεως αὐτῶν, ἀγρούς ἤ οἱαδήποτε χωρία ἐπ᾽ ὀνόματι αὐτῶν ἀγοράσωσιν, ἵνα ὡς κατά δεσποτικῶν πραγμάτων ἔφοδον πεποιηκότες ἐνέχωνται, εἰ μή ἄρα λοιπόν ὑπομνησθέντες τῇ ἐκκλησίᾳ ταῦτα εἰσκομίσουσιν. Ἐάν δέ…
Ὁμοίως ἤρεσεν, ὥστε τούς πρεσβυτέρους παρά γνώμην τῶν ἰδίων αὐτῶν ἐπισκόπων πρᾶγμα μή πιπράσκειν τῆς ἐκκλησίας, ἐν ᾗ καθιέρωνται, ὃν τρόπον καί τοῖς ἐπισκόποις οὐκ ἔξεστι πιπράσκειν χωρία τῆς ἐκκλησίας, ἀγνοούσης τῆς συνόδου, ἤ τῶν ἰδίων πρεσβυτέρων. Μή οὔσης τοίνυν ἀνάγκης, μηδέ ἐπισκόπῳ ἐξεῖναι καταχρήσασθαι πράγματι ἐκ τοῦ τίτλου τῆς…
Ἐπιγόνιος ἐπίσκοπος εἶπεν· Ἐν τούτῳ τῷ βρεβίῳ, τῷ ἀποδρεφθέντι ἐκ τῆς ἐν Ἱππῶνι συνόδου, οὐδέν νομίζομεν εἶναι διορθωτέον, ἤ προσθετέον· εἰ μή, ἵνα ἡ ἡμέρα τοῦ ἁγίου Πάσχα ἐν τῷ καιρῷ τῆς συνόδου γνωρισθείη.
Ὥστε τούς ἐπισκόπους καί τούς κληρικούς, τά τέκνα αὐτῶν μή ἐᾷν αὐτεξουσίως ἀπιέναι διά ἐμαγκιπατίωνος, εἰ μή δ᾽ ἂν εἰς τούς τρόπους καί εἰς τήν ἡλικίαν αὐτῶν πληροφορηθῶσιν· ὡς λοιπόν τά ἁμαρτήματα αὐτῶν εἰς αὐτούς συντείνειν.
Ὥστε ἐπισκόπους, καί πρεσβυτέρους, καί διακόνους μή χειροτονεῖσθαι, πρίν ἤ πάντας τούς ἐν τῷ οἴκῳ αὐτῶν Χριστιανούς ὀρθοδόξους ποιήσωσιν.
Ἵνα ἐν τοῖς ἁγίοις μηδέν πλέον τοῦ σώματος καί τοῦ αἵματος τοῦ Κυρίου προσενεχθείη, ὡς καί αὐτός ὁ Κύριος παρέδωκε, τοὐτέστιν, ἄρτου καί οἴνου ὕδατι μεμιγμένου. Ἀπαρχή δέ, εἴτε μέλι, εἴτε γάλα, ὡς εἴωθε, προσφερέσθω ἐν μιᾷ ἡμέρᾳ ἐθίμῳ εἰς τό τῶν νηπίων μυστήριον· εἰ καί τά μάλιστα γάρ ἐν…
