Ἐπιγόνιος ἐπίσκοπος εἶπεν· Ἐν τούτῳ τῷ βρεβίῳ, τῷ ἀποδρεφθέντι ἐκ τῆς ἐν Ἱππῶνι συνόδου, οὐδέν νομίζομεν εἶναι διορθωτέον, ἤ προσθετέον· εἰ μή, ἵνα ἡ ἡμέρα τοῦ ἁγίου Πάσχα ἐν τῷ καιρῷ τῆς συνόδου γνωρισθείη.
Ἀναγνωσθέντων τῶν γραμμάτων, ἀλλά μέντοι καί τοῦ βρεβίου, κατά τήν εἰσήγησιν Αὐρηλίου, ὁ Ἐπιγόνιος ἔφη∙ Οὐδέν δοκεῖ ἡμῖν διορθώσεως ἄξιον ἐν τῷ βρεβίω τῷ ἀποτμηθέντι ἐκ τῆς ἐν Ἱππῶνι συνόδου∙ (Ἱππὼν δέ πόλις ἐστί τῆς Καρχηδόνος, ἐν ᾗ συνόδου ἀθροισθείσης, πολλά ὡρίσθησαν, ἐξ ὧν τινα ὀλίγα προεκομίσθησαν εἰς τήν σύνοδον ταύτην∙ βρέβους γάρ Ῥωμαϊστί, τό βραχύ, τό ὀλίγον λέγεται∙) τοῦτο δέ μόνον, φησίν, ἀναγκαῖον, τό τήν ἡμέραν τοῦ ἁγίου Πάσχα γνωρισθῆναι ἐν τῷ καιρῷ τῆς συνόδου, ἀντί τοῦ, δήλην γενέσθαι, ὅτε σύνοδος γένηται. Ἡ Ἱππὼν πόλις ἐστί τῆς Καρχηδόνος, ἐν ᾗ συνόδου ἀθροισθείσης, πολλά ὡρίσθησαν, ἐξ ὧν τινα ὀλίγα (βρέβους γάρ παρά τοῖς Λατίνοις, τό βραχύ), ἀποδρεφθέντα, ἤτοι ἀποτμηθέντα, προεκομίσθησαν, καί ἔδοξαν καλῶς ἔχειν. Τοῦτο δέ μόνον ἔφησαν οἱ Πατέρες εἶναι ἀναγκαῖον, τό τήν ἡμέραν τοῦ ἁγίου Πάσχα δήλην γενέσθαι. Οὐδέν τῆς ἐν Ἱππῶνι συνόδου διορθωτέον ἤ προσθετέον, εἰ μή ἵνα ἡ ἡμέρα τοῦ Πάσχα ἐν τῷ καιρῷ τῆς συνόδου γνωρίζηται. Διάφοροι σύνοδοι ἐν πάσῃ τῇ τῶν Ἄφρων χώρᾳ γεγόνασιν ἐν τοῖς προλαβοῦσι χρόνοις, καί ἀνεγνώσθησαν ἐν ταύτῃ τῇ συνόδῳ, καί ἔδοξεν ἡ ἐν Ἱππῶνι Ῥεγίω γενομένη σύνοδος καλῶς ἔχειν, καί ὥρισαν οἱ Πατέρες, μήτε διόρθωσιν, μήτε προσθήκην τήν τοιαύτην δέξασθαι σύνοδον, ἀλλ’ ἤ μόνον τό γνωρίζεσθαι τήν ἡμέραν τοῦ Πάσχα ἐν τῷ καιρῷ τῆς συνόδου τῆς ἐν Καρχηδόνι γινομένης, ἵνα μή τινες ἴσως σφάλλωνται περί αὐτήν. Ο κανόνας αυτός δέν υπάρχει στο Πηδάλιο.
