Κληρικούς, ἤ λαϊκούς, κατηγοροῦντας ἐπισκόπων, ἤ κληρικῶν, ἁπλῶς καί ἀδοκιμάστως μή προσδέχεσθαι εἰς κατηγορίαν, εἰ μή πρότερον ἐξετασθείη αὐτῶν ἡ ὑπόληψις.

Μή ἐξεῖναι κληρικοῖς μετά θάνατον τοῦ ἰδίου ἐπισκόπου, διαρπάζειν τά διαφέροντα αὐτῷ πράγματα, καθὼς καί τοῖς παραλαμβάνουσιν ἀπηγόρευται·1 (ΠΗΔΛΑΛΙΟΝ) ἤ τούς τοῦτο ποιοῦντας, κινδυνεύειν περί τούς ἰδίους βαθμούς.

Ἦλθεν εἰς τάς ἀκοάς τῆς ἁγίας συνόδου, ὡς κληρικοί τινες καί μονάζοντες, μηδέν ἐγκεχειρισμένοι ὑπό τοῦ ἰδίου ἐπισκόπου, ἔστι δ᾿ ὅτε καί ἀκοινώνητοι γενόμενοι παρ᾿ αὐτοῦ, καταλαμβάνοντες τήν βασιλεύουσαν Κωνσταντινούπολιν, ἐπί πολύ ἐν αὐτῇ διατρίβουσι, ταραχάς ἐμποιοῦντες, καί θορυβοῦντες τήν ἐκκλησιαστικήν κατάστασιν, ἀνατρέπουσί τε οἴκους τινῶν. Ὥρισε τοίνυν ἡ ἁγία…

Τά ἅπαξ καθιερωθέντα μοναστήρια, κατά γνώμην ἐπισκόπου, μένειν εἰς τό διηνεκές μοναστήρια, καί τά ἀνήκοντα αὐτοῖς πράγματα φυλάττεσθαι, καί μηκέτι γίνεσθαι ταῦτα κοσμικά καταγώγια· τούς δέ συγχωροῦντας τοῦτο γίνεσθαι, ὑποκεῖσθαι τοῖς ἐκ τῶν κανόνων ἐπιτιμίοις.

Ἐπειδή περ τινές τῶν μητροπολιτῶν, ὡς περιηχήθημεν, ἀμελοῦσι τῶν ἐγκεχειρισμένων αὐτοῖς ποιμνίων, καί ἀναβάλλονται τάς χειροτονίας τῶν ἐπισκόπων· ἔδοξε τῇ ἁγίᾳ συνόδῳ, ἐντός τριῶν μηνῶν γίνεσθαι τάς χειροτονίας τῶν ἐπισκόπων, εἰ μήποτε ἄρα ἀπαραίτητος ἀνάγκη παρασκευάσοι ἐπιταθῆναι τόν τῆς ἀναβολῆς χρόνον. Εἰ δέ1 (ΠΗΔΑΛΙΟΝ) μή τοῦτο ποιήσοι, ὑποκεῖσθαι αὐτόν ἐκκλησιαστικοῖς…

Ἐπειδή ἔν τισιν ἐκκλησίαις, ὡς περιηχήθημεν, δίχα οἰκονόμων οἱ ἐπίσκοποι καί τά ἐκκλησιαστικά χειρίζουσι πράγματα, ἔδοξε πᾶσαν ἐκκλησίαν ἐπίσκοπον ἔχουσαν, καί οἰκονόμον ἔχειν ἐκ τοῦ ἰδίου κλήρου, οἰκονομοῦντα τά ἐκκλησιαστικά κατά γνώμην τοῦ ἰδίου ἐπισκόπου· ὥστε μή ἀμάρτυρον εἶναι τήν οἰκονομίαν τῆς ἐκκλησίας, καί ἐκ τούτου σκορπίζεσθαι τά αὐτῆς πράγματα,…

Τούς ἁρπάζοντας γυναῖκας1(ΠΗΔΑΛΙΟΝ) ἐπ᾿ ὀνόματι συνοικεσίου, ἤ συμπράττοντας, ἤ συναιρομένους τοῖς ἁρπάζουσιν, ὥρισεν ἡ ἁγία σύνοδος, εἰ μέν κληρικοί εἶεν, ἐκπίπττειν τοῦ ἰδίου βαθμοῦ· εἰ δέ λαϊκοί, ἀναθεματίζεσθαι.

Πανταχοῦ τοῖς τῶν ἁγίων Πατέρων ὅροις ἑπόμενοι, καί τόν ἀρτίως ἀναγνωσθέντα κανόνα τῶν ἑκατόν πεντήκοντα θεοφιλέστατων ἐπισκόπων, τῶν συναχθέντων ἐπί τοῦ τῆς εὐσεβοῦς μνήμης Μεγάλου Θεοδοσίου, τοῦ γενομένου βασιλέως ἐν τῇ βασιλίδι Κωνσταντινουπόλεως Νέᾳ Ῥώμῃ, γνωρίζοντες, τά αὐτά καί ἡμεῖς ὁρίζομέν τε καί ψηφιζόμεθα περί τῶν πρεσβείων τῆς ἁγιωτάτης ἐκκλησίας…

Ἐπίσκοπον εἰς πρεσβυτέρου βαθμόν φέρειν, ἱεροσυλία ἐστίν. Εἰ δέ αἰτία τις δικαία ἐκείνους ἀπό τῆς πράξεως τῆς ἐπισκοπῆς ἀποκινεῖ, οὐδέ πρεσβυτέρου τόπον κατέχειν ὀφείλουσιν. Εἰ δέ ἐκτός τινος ἐγκλήματος ἀπεκινήθησαν τοῦ ἀξιώματος, πρός τήν τῆς ἐπισκοπῆς ἀξίαν ἐπαναστρέψουσιν. Ἀνατόλιος ὁ εὐλαβέστατος ἀρχιεπίσκοπος Κωνσταντινουπόλεως, εἶπεν· Οὗτοι οἱ λεγόμενοι ἀπό τῆς ἐπισκοπικῆς…

Ἐπειδή οἱ εὐλαβέστατοι ἐπίσκοποι τῆς Αἰγύπτου, οὐχ ὡς μαχόμενοι τῇ καθολικῇ πίστει, ὑπογράψαι τῇ ἐπιστολῇ τοῦ ὁσιωτάτου ἀρχιεπισκόπου Λέοντος ἐπί τοῦ παρόντος ἀνεβάλοντο, ἀλλά φάσκοντες, ἔθος εἶναι ἐν τῇ Αἰγυπτιακῇ διοικήσει, παρά γνώμην καί διατύπωσιν τοῦ ἀρχιεπισκόπου μηδέν τοιοῦτο ποιεῖν· καί ἀξιοῦσιν ἐνδοθῆναι αὐτοῖς ἄχρι τῆς χειροτονίας τοῦ ἐσομένου τῆς…