Μετά τήν ὑπατείαν τῶν ἐνδοξοτάτων βασιλέων Ὁνωρίου τό ὄγδοον, καί Θεοδοσίου τό τέταρτον, τῶν αὐγούστων, πρό ὀκτωκαιδεκάτῃ καλανδῶν Ἰουλίων, ἐν Καρχηδόνι εἰς τήν ἐκκλησίαν τοῦ κλίματος Σεκούνδης. Ἐν ταύτῃ τῇ συνόδῳ τοποτηρησίαν ἐδέξαντο κατά τῶν Δονατιστῶν, Φλωρέντιος, Ποσείδιος, Πραισίδιος καί Βενάντιος, οἱ ἐπίσκοποι. Ἐν τούτῳ τῷ καιρῷ νόμος ἐδόθη, ἵνα…
Ἐπί τῶν ἐνδοξότατων βασιλέων Ὁνωρίου τό δωδέκατον, καί Θεοδοσίου τό ὄγδοον, τῶν ὑπάτων, καλάνδαις Μαΐαις, εἰς Καρχηδόνα ἐν τῷ σηκρήτῳ τῆς Φαύστου ἐκκλησίας, Αὐρηλίου τοῦ ἐπισκόπου συμπάσῃ τῇ συνόδῳ προκαθίσαντος, παρεστώτων τῶν διακόνων, ἤρεσε πᾶσι τοῖς ἐπισκόποις τῆς ἐν Καρχηδόνι ἐκκλησίας, ἁγίᾳ συνόδῳ καθεστῶσιν, ὧν τά ὀνόματα καί αἱ ὑπογραφαί…
Ὁμοίως ἤρεσεν, ἵνα, ὁστισδήποτε τά μικρά καί νεογέννητα ἐκ τῶν γαστέρων τῶν μητέρων βαπτιζόμενα, ἀρνεῖται, ἤ λέγει, εἰς ἄφεσιν ἁμαρτιῶν αὐτά βαπτίζεσθαι, μηδέν δέ ἐκ τῆς τοῦ Ἀδάμ ἕλκειν προγονικῆς ἁμαρτίας τό ὀφεῖλον καθαρθῆναι τῷ λουτρῷ τῆς παλιγγενεσίας, (ὅθεν γίνεται ἀκόλουθον, ὅτι ἐν τούτοις ὁ τύπος τοῦ εἰς ἄφεσιν ἁμαρτιῶν…
Ὁμοίως ἤρεσεν, ἵνα, ὁστισδήποτε εἴποι τήν χάριν τοῦ Θεοῦ, ᾗ τινι δικαιοῦται διά Ἰησοῦ Χριστοῦ τοῦ Κυρίου ἡμῶν, πρός μόνην ἄφεσιν ἁμαρτιῶν ἰσχύειν τῶν ἤδη πεπλημμελημένων, καί μή παρέχει ἔτι μήν βοήθειαν πρός τό μή ἕτερα πλημμελεῖσθαι, ἀνάθεμα εἴη.
Ὁμοίως ὁστισδήποτε εἴποι τήν αὐτήν χάριν τοῦ Θεοῦ τήν διά Ἰησοῦ Χριστοῦ τοῦ Κυρίου ἡμῶν εἰς τοῦτο μόνον ἡμῖν βοηθεῖν, πρός τό μή ἁμαρτάνειν, ὅτι δι᾽ αὐτῆς ἡμῖν ἀποκαλύπτεται καί φανεροῦται ἡ γνῶσις τῶν ἁμαρτημάτων, ὥστε γινώσκειν ἃ δεῖ ἐπιζητεῖν, καί ἃ δεῖ ἐκκλίνειν, οὐ μήν δι᾽ αὐτῆς ἡμῖν παρέχεται,…
Ὁμοίως ἤρεσεν, ἵνα, ὁστισδήποτε εἴποι, διά τοῦτο τήν χάριν ἡμῖν τῆς δικαιοσύνης δεδόσθαι, ἵνα, ὅπερ ποιεῖν διά τοῦ αὐτεξουσίου δυνάμεθα, εὐχερεστέρως πληρῶμεν διά τῆς χάριτος, ὡς ἂν εἰ καί ἡ χάρις μή ἐδίδοτο, οὐκ εὐχερῶς μέν, ἀλλ᾽ ὅμως ἐδυνάμεθα καί δίχα ἐκείνης ἔτι μήν πληρῶσαι τάς θείας ἐντολάς, ἀνάθεμα εἴη.…
Ὁμοίως ἤρεσεν, ἵνα ὅπερ εἶπεν ὁ Ἅγιος Ἰωάννης ὁ Ἀπόστολος· Ἐάν εἴπωμεν, ὅτι ἁμαρτίαν οὐκ ἔχομεν, ἑαυτούς ἀπατῶμεν, καί ἀλήθεια ἐν ἡμῖν οὐκ ἔστιν, ὁστισδήποτε οὕτω παραληπτέον νομίσῃ, ὡς εἰπεῖν διά ταπεινοφροσύνην μή ὀφείλειν λέγεσθαι ἡμᾶς μή ἔχειν ἁμαρτίαν, οὐχ ὅτι ἀληθῶς οὕτως ἐστίν, ἀνάθεμα εἴη· Ἐάν δέ ὁμολογήσωμεν τάς…
Ὁμοίως ἤρεσεν, ἵνα ὁστισδήποτε εἴποι, ἐν τῇ δεσποτικῇ εὐχῇ διά τοῦτο λέγειν τούς ἁγίους, ἄφες ἡμῖν τά ὀφειλήματα ἡμῶν, οὐχ ὅτι ὑπέρ ἑαυτῶν λέγουσιν, ἐπειδή αὐτοῖς λοιπόν οὐκ ἔστιν ἀναγκαία αὕτη ἡ αἴτησις, ἀλλ᾽ ὅτι ὑπέρ ἄλλων τῶν ὄντων ἐν τῷ λαῷ αὐτῶν ἁμαρτωλῶν, καί μή λέγειν ἕνα ἕκαστον τῶν…
Ὁμοίως ἤρεσεν, ἵνα οἱτινεσδήποτε αὐτά τά ῥήματα τῆς δεσποτικῆς εὐχῆς, ὅπου λέγομεν, Ἄφες ἡμῖν τά ὀφειλήματα ἡμῶν, οὕτω βούλονται ἀπό τῶν ἁγίων λέγεσθαι, ὡς ταπεινοφρόνως καί οὐκ ἀληθῶς ταῦτα λεχθῆναι, ἀνάθεμα εἴη. Τίς γάρ ὑπενέγκοι τόν εὐχόμενον, μή ἀνθρώποις, ἀλλ᾽ αὐτῷ τῷ Κυρίῳ ψευδόμενον, τόν τοῖς χείλεσιν αὐτοῦ λέγοντα θέλειν…
Ὁμοίως ἤρεσεν, ἐπειδή πρό τινων ἐνιαυτῶν ἐν ταύτῃ τῇ ἐκκλησίᾳ πεπληρωμένῃ τῇ συνόδῳ ὡρίσθη, ἵνα οἱαιδήποτε ἐκκλησίαι, ἐν διοικήσει καθεστῶσαι, πρό τῶν νόμων τῶν περί τῶν Δονατιστῶν ἐκτεθέντων καθολικαί γένωνται, ἐκείνοις τοῖς θρόνοις ἀνήκωσιν, ὧν τινων διά τῶν ἐπισκόπων προτραπεῖσαι τῇ καθολικῇ ἑνότητι ἐκοινώνησαν, μετά δέ τούς νόμους οἱαιδήποτε ἐκοινώνησαν,…
