Ὁμοίως ἤρεσεν, ὥστε τέκνα τῶν κληρικῶν, ἐθνικοῖς, ἤ αἱρετικοῖς, γαμικῶς μή συνάπτεσθαι.

Μηδέ διά δωρεᾶς τῶν οἰκείων πραγμάτων, ὡς εἴρηται, τούς ἐπισκόπους, ἤ κληρικούς, τούτοις συνεισάγειν.

Ὁμοίως ἐπίσκοποι πέραν θαλάσσης μή ἀποδημείτωσαν, εἰ μή μετά ψηφίσματος τῆς πρώτης καθέδρας τοῦ ἰδίου ἑκάστης χώρας ἐπισκόπου, τοὐτέστιν, εἰμή ἀπ᾽ αὐτοῦ τοῦ πρωτεύοντος κατ᾽ ἐξαίρετον λάβῃ τήν, ἥτις λέγεται ἀπολυτική, τετυπωμένην, ἤτοι παράθεσιν.

Ὁμοίως ἤρεσεν, ἵνα ἐκτός τῶν κανονικῶν Γραφῶν, μηδέν ἐν τῇ ἐκκλησίᾳ ἀναγινώσκηται ἐπ᾽ ὀνόματι θείων Γραφῶν. Εἰσί δέ αἱ κανονικαί Γραφαί αὗται. Γένεσις, Ἔξοδος, Λευϊτικόν, Ἀριθμοί, Δευτερονόμιον, Ἰησοῦς ὁ τοῦ Ναυῆ, Κριταί, Ρούθ, τῶν Βασιλειῶν βίβλοι τέσσαρες, τῶν Παραλειπομένων βίβλοι δύο, Ἰώβ, Ψαλτήριον, Σολομῶντος βίβλοι πέντε, τῶν Προφητῶν βίβλοι δώδεκα,…

Αὐρήλιος ἐπίσκοπος εἶπε· Προστίθημι, ἀδελφοί τιμιώτατοι, πρός τούτοις, ἐν τῷ ἀναφέρεσθαι ἕνεκεν ἐγκράτειας τῆς περί τάς ἰδίας γυναῖκάς τινων τῶν κληρικῶν, ἐξαιρέτως ἀναγνωστῶν, τό ἐν διαφόροις συνόδοις βεβαιωθέν, ὥστε τούς ὑποδιακόνους τούς τά ἱερά μυστήρια ψηλαφῶντας καί τούς διακόνους, καί πρεσβυτέρους, ἀλλά καί ἐπισκόπους, κατά τούς ἰδίους ὅρους καί ἐκ…

Ὁμοίως ἤρεσεν, ἵνα πρᾶγμα ἐκκλησιαστικόν μηδείς πιπράσκῃ. Ὅπερ πρᾶγμα, ἐάν προσόδους μή ἔχῃ, καί πολλή τις ἐπείγῃ ἀνάγκη, τοῦτο ἐμφανίζεσθαι τῷ πρωτεύοντι τῆς αὐτῆς ἐπαρχίας, καί μετά τοῦ ὡρισμένου ἀριθμοῦ τῶν ἐπισκόπων βουλεύεσθαι, τί δεῖ πράξαι. Εἰ δέ τοσαύτη ἐπεῖγοι ἀνάγκη τῆς ἐκκλησίας, ὡς μή δύνασθαι πρό τοῦ πωλεῖν βουλεύεσθαι,…

Ὁμοίως ἐβεβαιώθη, ὡς, ἐάν ποτε πρεσβύτεροι, ἤ διάκονοι, ἐπί τινι βαρυτέρᾳ ἁμαρτίᾳ1 (ΠΗΔΑΛΙΟΝ) ἐλεγχθῶσι, τῇ ἀναγκαίως αὐτούς τῆς λειτουργίας ἀποκινούσῃ, μή ἐπιτίθεσθαι αὐτοῖς χεῖρας ὡς μετανοοῦσιν, ἤ ὡς πιστοῖς λαϊκοῖς· μηδέ ἐπιτρέπεσθαι αὐτοῖς, ὥστε ἀναβαπτιζομένους πρός τόν τοῦ κλήρου βαθμόν προκόπτειν.

Ὁμοίως ἤρεσεν, ἵνα οἱ πρεσβύτεροι, καί οἱ διάκονοι, καί οἱ λοιποί κατώτεροι κληρικοί, ἐν αἷς ἔχουσιν αἰτίαις, ἐάν τά δικαστήρια μέμφωνται τῶν ἰδίων ἐπισκόπων, οἱ γείτονες ἐπίσκοποι ἀκροάσωνται αὐτῶν, καί μετά συναινέσεως τοῦ ἰδίου ἐπισκόπου, τά μεταξύ αὐτῶν διαθῶσιν οἱ προσκαλούμενοι παρ᾽ αὐτῶν ἐπίσκοποι. Διό, εἰ καί περί αὐτῶν ἔκκλητον…

Ὁμοίως ἤρεσε συμπάσῃ τῇ συνόδῳ, ἵνα, ὁ διά ῥαθυμίαν αὐτοῦ ἀπό κοινωνίας γενόμενος, εἴτε ἐπίσκοπος, εἴτε οἱοσδήποτε κληρικός, ἐάν ἐν τῷ καιρῷ τῆς ἀκοινωνησίας αὐτοῦ, πρό τοῦ ἀκουσθῆναι, εἰς κοινωνίαν τολμήσῃ, αὐτός καθ᾽ ἑαυτοῦ τῆς καταδίκης τήν ψῆφον ἐξενηνοχέναι κριθῇ.

Ὁμοίως ἤρεσεν, ἵνα ὁ κατηγορούμενος ἤ ὁ κατηγορῶν, ἐν τῷ τόπῳ, ὅθεν ἐστίν ὁ κατηγορούμενος, ἐάν φοβῆταί τινα βίαν προπετοῦς πολυπληθείας, τόπον ἑαυτῷ ἐπιλέξηται ἔγγιστα, ἐν ᾧ οὐκ ἔστιν αὐτῷ δυσχέρεια μάρτυρας προκομίσαι, ἔνθα τό πρᾶγμα περατοῦται.