Ὁμοίως ἤρεσεν ἀπό Τριπόλεως, διά τήν τῆς χώρας ἔνδειαν, ἕνα ἐπίσκοπον εἰς τοποτηρησίαν ἐλθεῖν, καί ἵνα ὁ πρεσβύτερος, ἐκεῖσε ἀπό πέντε ἀκούηται ἐπισκόπων, καί ὁ διάκονος ἀπό τριῶν, ὡς ἀνωτέρω εἴρηται, τοῦ ἰδίου αὐτοῦ δηλονότι ἐπισκόπου προκαθημένου.
Ὁμοίως ἤρεσεν, ἵνα ὁστισδήποτε τῶν ἐπισκόπων, ἤ πρεσβυτέρων, ἤ διακόνων, ἤ κληρικῶν, πράγματος αὐτῷ ἐγκληματικοῦ ἤ πολιτικοῦ ἐν τῇ ἐκκλησίᾳ κινουμένου, ἐάν παραιτούμενος τό ἐκκλησιαστικόν δικαστήριον, δημοσίοις θέλησῃ καθαρθῆναι δικαστηρίοις, κᾂν ὑπέρ αὐτοῦ ἡ ψῆφος ἐκφωνηθῇ, ὅμως τόν ἴδιον τόπον ἀπολέσῃ· καί τοῦτο μέν ἐπί τοῦ ἐγκληματικοῦ· ἐπί δέ τοῦ…
Ὁμοίως ἤρεσεν, ἵνα ἐπίσκοποι, καί πρεσβύτεροι, καί διάκονοι, ἐκλήπτορες μή γίνωνται, ἤ προκουράτορες, μηδέ ἔκ τινος αἰσχροῦ ἤ ἀτίμου πράγματος τροφήν πορίζωνται· ὀφείλουσι γάρ ἀποβλέψαι εἰς τό γεγραμμένον· Οὐδείς στρατευόμενος τῷ Θεῷ, ἐμπλέκει ἑαυτόν πράγμασι κοσμικοῖς. Καί ὥστε τούς ἀναγνώστας, εἰς τόν καιρόν τῆς ἥβης ἐρχομένους ἀναγκάζεσθαι, ἤ συμβίους ἀγαγέσθαι,…
Ἤρεσεν, ἵνα ἡ Μαυριτανία Σιτιφένσης, ὣς ᾔτησε, τόν πρωτεύοντα τῆς Νουμιδικῆς χώρας, ἧς τινος ἐκ τῆς συνόδου κεχώρισται, ἴδιον ἔχῃ πρωτεύοντα. Συναινέσει οὖν πάντων τῶν πρωτευόντων τῶν Ἀφρικανῶν ἐπαρχιῶν, καί πάντων τῶν ἐπισκόπων, διά τό μακροδαπές, ἔχειν ἐπετράπη.
Ἐάν τις κληρικός χειροτονῆται, ὀφείλει ὑπομιμνήσκεσθαι τούς ὅρους φυλάττειν· καί ἵνα τοῖς σώμασι τῶν ἀποθανόντων εὐχαριστία μή δίδωται, μηδέ βάπτισμα· καί ἵνα καθ’ ἕκαστον ἐνιαυτόν εἰς πάσας τάς ἐπαρχίας πρός σύνοδον οἱ μητροπολῖται ἔρχωνται.
Ὁμοίως ἤρεσεν, ὥστε, χειροτονουμένου ἐπισκόπου, ἤ κληρικοῦ, πρότερον ἀπό τῶν χειροτονούντων αὐτούς τά δεδογμένα ταῖς συνόδοις εἰς τάς ἀκοάς αὐτῶν ἐντίθεσθαι, ἵνα μή ποιοῦντες κατά τῶν ὅρων τῆς συνόδου μεταμεληθῶσιν.
Ὁμοίως ἤρεσεν, ἵνα τοῖς σώμασι τῶν τελευτώντων εὐχαριστία μή δοθῇ. Γέγραπται γάρ· Λάβετε, φάγετε· τά δέ τῶν νεκρῶν σώματα οὐδέ λαβεῖν δύνανται, οὐδέ φαγεῖν. Καί, ἵνα μή τούς ἤδη τελευτῶντας βαπτισθῆναι ποιήσῃ ἡ τῶν πρεσβυτέρων ἄγνοια.
Διό βεβαιωτέον ἐστίν ἐν ταύτῃ τῇ ἁγίᾳ συνόδῳ, ὥστε κατά τούς ἐν Νίκαιᾳ ὅρους, διά τάς ἐκκλησιαστικάς αἰτίας, αἵτινες πολλάκις πρός ὄλεθρον τοῦ λαοῦ παλαιοῦνται, καθ᾽ ἕκαστον ἐνιαυτόν σύνοδον συγκαλεῖσθαι, πρός ἣν πάντες οἱ τῶν ἐπαρχιῶν τάς πρῶτας καθέδρας ἐπέχοντες, ἐκ τῶν οἰκείων συνόδων δύο, ἤ καί ὅσους ἐπιλέξωνται, ἐπισκόπους…
Αὐρήλιος ἐπίσκοπος εἶπεν· Ἐάν τις τῶν ἐπισκόπων κατηγορῆται, παρά τοῖς τῆς αὐτοῦ χώρας πρωτεύουσιν ὁ κατήγορος ἀναγάγῃ τό πρᾶγμα· καί μηδέ ἀπό τῆς κοινωνίας κωλυθῇ ὁ κατηγορούμενος, εἰ μή δ᾽ ἂν πρός ἀπολογίαν ἐν τῷ δικαστηρίῳ τῶν ἐπιλεγέντων δικάζειν γράμμασι προσκληθείς, τῇ ὡρισμένῃ ἡμέρᾳ οὐδαμῶς ἀπαντήσοι, Τοὐτέστιν, ἐντός προθεσμίας μηνός,…
Ἐάν δέ πρεσβύτεροι, ἤ διάκονοι κατηγορηθῶσι, προσζευγνυμένου τοῦ νομίμου ἀριθμοῦ τῶν ἐκ τῆς πλησιαζούσης τοποθεσίας αἱρετικῶν ἐπισκόπων, οὓς οἱ κατηγορούμενοι αἰτήσονται, Τοὐτέστιν, ἐπ᾽ ὀνόματι τοῦ πρεσβυτέρου ἕξ, καί τοῦ διακόνου τριῶν, σύν τούτοις αὐτός ὁ ἴδιος τῶν κατηγορουμένων ἐπίσκοπος τάς αἰτίας αὐτῶν ἐξετάσει, τοῦ αὐτοῦ τῶν ἡμερῶν, καί ὑπερθέσεων, καί…
