Ἡ δέ τυμβωρυχία καί αὕτη διῄρηται εἰ τό συγγνωστόν τε καί ἀσύγγνωστον. Εἰ μέν γάρ τις τῆς ὁσίας φειδόμενος καί ἄσυλον ἀφείς τό κεκρυμμένον σῶμα, ὡς μή ἀναδειχθῆναι ἡλίῳ τήν ἀσχημοσύνην τῆς φύσεως, λίθοις τισί τῶν τῷ τάφῳ προβεβλημένων συγχρήσαιτο εἰς ἔργου τινός κατασκευήν, ἐπαινετόν μέν οὐδέ τοῦτό ἐστι, πλήν…
Ἡ δέ ἱεροσυλία παρά μέν τῇ ἀρχαίᾳ Γραφῇ οὐδέν ἐνομίσθη τῆς φονικῆς κατακρίσεως ἀνεκτοτέρα, ὁμοίως γάρ ὅ,τε ἐπί φόνῳ ἁλούς καί ὁ τά ἀνατεθέντα τῷ Θεῷ ὑφελόμενος τήν διά τῶν λίθων τιμωρίαν ὑπέσχον. Ἐπί δέ τῆς ἐκκλησιαστικῆς συνηθείας, οὐκ οἶδ᾿ ὅπως συγκατάβασίς τις ἐγένετο καί συμπεριφορά, ὥστε ἀνεκτότερον νομισθῆναι τό…
Ἐρώτησις. Ἐάν παιδίον κατηχούμενον, ὡς ἐτῶν ἑπτά, ἤ ἄνθρωπος τέλειος, εὐκαιρήσῃ που προσφορᾶς γινομένης καί ἀγνοῶν μεταλάβῃ, τί ὀφείλει γίγνεσθαι περί αὐτοῦ; Ἀπόκρισις. Φωτισθῆναι ὀφείλει, παρά Θεοῦ γάρ κέκληται.
Ἐρώτησις. Ἐάν δαιμονιζόμενος κατηχούμενος ᾖ καί θελήσῃ οὗτος ἤ οἱ ἴδιοι αὐτοῦ, ἵνα λάβῃ τό ἅγιον βάπτισμα, εἰ ὀφείλει λαβεῖν ἤ οὔ, καί μάλιστα ἐάν περί τόν θάνατον ἐστίν; Ἀπόκρισις. Ἐάν ὁ δαιμονιζόμενος μή καθαρισθῇ ἀπό τοῦ ἀκαθάρτου πνεύματος, οὐ δύναται λαβεῖν τό ἅγιον βάπτισμα· περί δέ τήν ἔξοδον βαπτίζεται.
Ἐρώτησις. Ἐάν πιστός τις ὢν δαιμονίζηται, εἰ ὀφείλει μεταλαμβάνειν τῶν ἁγίων μυστηρίων ἤ οὔ; Ἀπόκρισις. Ἐάν μή ἐξαγορεύῃ τό μυστήριον, μήτε ἄλλως πως βλασφημῇ, μεταλαμβανέτω, μή μέν τοι καθ᾿ ἑκάστην· ἀρκεῖ γάρ αὐτῷ κατά Κυριακήν μόνον.
Ἐρώτησις. Ἐάν τις κατηχούμενος ὤν, ἀσθενῶν γένηται ἐκφρενής καί μή δύνηται ἑαυτῷ ὁμολογῆσαι τήν πίστιν, καί παρακαλῶσιν οἱ ἴδιοι αὐτοῦ, ἵνα λάβῃ τό ἅγιον βάπτισμα ἕως ζῇ, εἰ ὀφείλει λαβεῖν ἤ οὔ; Ἀπόκρισις. Ὀφείλει λαβεῖν, ἐάν μή ὑπό πνεύματος ἀκαθάρτου πειράζηται.
Ἐρώτησις. Ἐάν γυνή συγγένηται μετά τοῦ ἀνδρός αὐτῆς τήν νύκτα, ἤ ἀνήρ μετά τῆς γυναικός, καί γένηται σύναξις, εἰ ὀφείλουσι μεταλαβεῖν ἤ οὔ; Ἄπόκρισις. Οὐκ ὀφείλουσι, τοῦ Ἀποστόλου βοῶντος· Μή ἀποστερεῖτε ἀλλήλους, εἰ μή τι ἂν ἐκ συμφώνου πρός καιρόν, ἵνα σχολάζηται τῇ προσευχῇ, καί πάλιν ἐπί τό αὐτό συνέρχεσθε,…
Ἐρώτησις. Ἐάν γυνή κατηχουμένη δέδωκε τό ὄνομα αὑτῆς, ἵνα φωτισθῇ, καί περί τήν ἡμέραν τοῦ βαπτίσματος γέγονεν αὐτῇ τά κατ᾿ ἔθος τῶν γυναικῶν, εἰ ὀφείλει φωτισθῆναι αὐτῇ τῇ ἡμέρᾳ ἤ ὑπερθέσθαι, καί πόσον ὑπερθέσθαι; Ἀπόκρισις. Ὑπερθέσθαι ὀφείλει ἕως οὗ καθαρισθῇ.
Ἐρώτησις. Ἐάν γυνή ἴδῃ τά κατ᾿ ἔθος τῶν γυναικείων αὐτῆς, εἰ ὀφείλει προσέρχεσθαι τοῖς μυστηρίοις αὐτῇ τῇ ἡμέρᾳ ἤ οὔ; Ἀπόκρισις. Οὐκ ὀφείλει ἕως οὗ καθαρισθῇ.
Ἐρώτησις. Γυνή, ἐάν γεννήσῃ τό Πάσχα, εἰ ὀφείλει νηστεῦσαι καί μή πιεῖν οἶνον ἤ ἀπολύεται τῆς νηστείας καί τοῦ μή πιεῖν οἶνον διά τό γεννῆσαι; Ἀπόκρισις. Ἡ νηστεία ἐπενοήθη διά τό τό σῶμα ταπεινῶσαι. Εἰ οὖν τό σῶμα ἐν ταπεινώσει ἐστί καί ἀσθενείᾳ, ὀφείλει μεταλαβεῖν, καθὼς βούλεται καί δύναται βαστάσαι…
