Ἀπό πάντων τῶν ἐπισκόπων ἐλέχθη· Ἐάν τις πρεσβύτερος ἐν τῇ διαγωγῇ αὐτοῦ καταγνωσθῇ, ὀφείλει ὁ τοιοῦτος τοῖς γειτνιῶσιν ἐπισκόποις προσαγγεῖλαι, ἵνα αὐτοί τοῦ πράγματος ἀκροάσωνται, καί δι᾽ αὐτῶν τῷ ἰδίῳ ἐπισκόπῳ καταλλαγῇ. Τοῦτο δέ ἐάν μή ποίησῃ, ἀλλ᾽, ὅπερ ἀπείη, ὑπεροψίᾳ φυσιούμενος, ἐκ τῆς τοῦ ἰδίου ἐπισκόπου κοινωνίας ἑαυτόν χωρίσῃ,…
Φῆλιξ ἐπίσκοπος εἶπεν· Ἀναφέρω κατά τά ὁρισθέντα ἐκ τῶν παλαιῶν συνόδων, ἵνα, ἐάν τις ἐπίσκοπος (ὅπερ ἀπείη) ἔν τινι ἐγκλήματι περιπέσῃ, καί γένηται πολλή ἀνάγκη τοῦ μή δύνασθαι πολλούς συνελθεῖν, διά τό μή ἀπομεῖναι αὐτόν ἐν τῷ ἐγκλήματι, ἀπό δώδεκα ἐπισκόπων ἀκουσθῇ, καί ὁ πρεσβύτερος ἀπό ἓξ ἐπισκόπων καί τοῦ…
Αὐρήλιος ἐπίσκοπος εἶπε· Τί πρός ταῦτα λέγει ἡ ὑμετέρα ἁγιωσύνη; Ἀπό πάντων τῶν ἐπισκόπων ἐλέχθη. Ὀφείλει παρ᾽ ἡμῶν τά ὁρισθέντα ἐκ τῶν πρό ἡμῶν φυλαχθῆναι, ὧν τινων ὡς ἔτυχεν ἀβούλως οἱ πρωτεύοντες τῆς οἱασδήποτε ἐπαρχίας ἀμελεῖν κατατολμῶσι. Πολλοί οὖν ἐπίσκοποι συναχθέντες, ἐπίσκοπον χειροτονήσουσιν. Εἰ δέ ἀνάγκη γένηται, τρεῖς ἐπίσκοποι, ἐν…
Ὁμοίως ἤρεσεν ἀπό Τριπόλεως, διά τήν τῆς χώρας ἔνδειαν, ἕνα ἐπίσκοπον εἰς τοποτηρησίαν ἐλθεῖν, καί ἵνα ὁ πρεσβύτερος, ἐκεῖσε ἀπό πέντε ἀκούηται ἐπισκόπων, καί ὁ διάκονος ἀπό τριῶν, ὡς ἀνωτέρω εἴρηται, τοῦ ἰδίου αὐτοῦ δηλονότι ἐπισκόπου προκαθημένου.
Ὁμοίως ἤρεσεν, ἵνα ὁστισδήποτε τῶν ἐπισκόπων, ἤ πρεσβυτέρων, ἤ διακόνων, ἤ κληρικῶν, πράγματος αὐτῷ ἐγκληματικοῦ ἤ πολιτικοῦ ἐν τῇ ἐκκλησίᾳ κινουμένου, ἐάν παραιτούμενος τό ἐκκλησιαστικόν δικαστήριον, δημοσίοις θέλησῃ καθαρθῆναι δικαστηρίοις, κᾂν ὑπέρ αὐτοῦ ἡ ψῆφος ἐκφωνηθῇ, ὅμως τόν ἴδιον τόπον ἀπολέσῃ· καί τοῦτο μέν ἐπί τοῦ ἐγκληματικοῦ· ἐπί δέ τοῦ…
Ὁμοίως ἤρεσεν, ἵνα ἐπίσκοποι, καί πρεσβύτεροι, καί διάκονοι, ἐκλήπτορες μή γίνωνται, ἤ προκουράτορες, μηδέ ἔκ τινος αἰσχροῦ ἤ ἀτίμου πράγματος τροφήν πορίζωνται· ὀφείλουσι γάρ ἀποβλέψαι εἰς τό γεγραμμένον· Οὐδείς στρατευόμενος τῷ Θεῷ, ἐμπλέκει ἑαυτόν πράγμασι κοσμικοῖς. Καί ὥστε τούς ἀναγνώστας, εἰς τόν καιρόν τῆς ἥβης ἐρχομένους ἀναγκάζεσθαι, ἤ συμβίους ἀγαγέσθαι,…
Ἤρεσεν, ἵνα ἡ Μαυριτανία Σιτιφένσης, ὣς ᾔτησε, τόν πρωτεύοντα τῆς Νουμιδικῆς χώρας, ἧς τινος ἐκ τῆς συνόδου κεχώρισται, ἴδιον ἔχῃ πρωτεύοντα. Συναινέσει οὖν πάντων τῶν πρωτευόντων τῶν Ἀφρικανῶν ἐπαρχιῶν, καί πάντων τῶν ἐπισκόπων, διά τό μακροδαπές, ἔχειν ἐπετράπη.
Ἐάν τις κληρικός χειροτονῆται, ὀφείλει ὑπομιμνήσκεσθαι τούς ὅρους φυλάττειν· καί ἵνα τοῖς σώμασι τῶν ἀποθανόντων εὐχαριστία μή δίδωται, μηδέ βάπτισμα· καί ἵνα καθ’ ἕκαστον ἐνιαυτόν εἰς πάσας τάς ἐπαρχίας πρός σύνοδον οἱ μητροπολῖται ἔρχωνται.
Ὁμοίως ἤρεσεν, ὥστε, χειροτονουμένου ἐπισκόπου, ἤ κληρικοῦ, πρότερον ἀπό τῶν χειροτονούντων αὐτούς τά δεδογμένα ταῖς συνόδοις εἰς τάς ἀκοάς αὐτῶν ἐντίθεσθαι, ἵνα μή ποιοῦντες κατά τῶν ὅρων τῆς συνόδου μεταμεληθῶσιν.
Ὁμοίως ἤρεσεν, ἵνα τοῖς σώμασι τῶν τελευτώντων εὐχαριστία μή δοθῇ. Γέγραπται γάρ· Λάβετε, φάγετε· τά δέ τῶν νεκρῶν σώματα οὐδέ λαβεῖν δύνανται, οὐδέ φαγεῖν. Καί, ἵνα μή τούς ἤδη τελευτῶντας βαπτισθῆναι ποιήσῃ ἡ τῶν πρεσβυτέρων ἄγνοια.
