Προστάσσομεν τόν ἐπίσκοπον ἐξουσίαν ἔχειν τῶν τῆς ἐκκλησίας πραγμάτων. Εἰ γάρ τάς τιμίας τῶν ἀνθρώπων ψυχάς αὐτῷ πιστευτέον, πολλοῦ ἂν δέῃ περί τῶν χρημάτων ἐντέλλεσθαι, ὥστε κατά τήν αὐτοῦ ἐξουσίαν πάντα διοικεῖσθαι, καί τοῖς δεομένοις διά τῶν πρεσβυτέρων καί διακόνων ἐπιχορηγεῖσθαι μετά φόβου Θεοῦ καί πάσης εὐλαβείας. Μεταλαμβάνειν δέ καί…
Ἐπίσκοπος, ἤ πρεσβύτερος, ἤ διάκονος, κύβοις σχολάζων, καί μέθαις, ἤ παυσάσθω, ἤ καθαιρείσθω.
Ὑποδιάκονος, ἤ ἀναγνώστης, ἤ ψάλτης, τά ὅμοια ποιῶν, ἤ παυσάσθω, ἤ ἀφοριζέσθω· ὡσαύτως καί λαϊκός.
Ἐπίσκοπος, ἤ πρεσβύτερος, ἤ διάκονος, τόκους ἀπαιτῶν τούς δανειζομένους, ἤ παυσάσθω, ἤ καθαιρείσθω.
Ἐπίσκοπος, ἤ πρεσβύτερος, ἤ διάκονος, αἱρετικοῖς συνευξάμενος μόνον, ἀφοριζέσθω· εἰ δέ ἐπέτρεψεν αὐτοῖς ὡς κληρικοῖς ἐνεργῆσαί τι, καθαιρείσθω.
Ἐπίσκοπον, ἤ πρεσβύτερον, αἱρετικῶν δεξαμένους βάπτισμα ἤ θυσίαν, καθαιρεῖσθαι προστάττομεν. Τίς γάρ συμφώνησις Χριστῷ πρός Βελίαρ; ἤ τίς μερίς πιστῷ μετά ἀπίστου;
Ἐπίσκοπος, ἤ πρεσβύτερος, τόν κατά ἀλήθειαν ἔχοντα βάπτισμα ἐάν ἄνωθεν βαπτίσῃ ἤ τόν μεμολυσμένον παρά τῶν ἀσεβῶν ἐάν μή βαπτίσῃ, καθαιρείσθω, ὡς γελῶν τόν σταυρόν καί τόν τοῦ Κυρίου θάνατον, καί μή διακρίνων ἱερέας ψευδοϊερέων.
Εἴ τις λαϊκός τήν ἑαυτοῦ γυναῖκα ἐκβαλὼν ἑτέραν λάβοι, ἤ παρ᾿ ἄλλου ἀπολελυμένην, ἀφοριζέσθω.1 (ΠΗΔΑΛΙΟΝ)
Εἴ τις ἐπίσκοπος, ἤ πρεσβύτερος, κατά τήν τοῦ Κυρίου διάταξιν μή βαπτίσῃ εἰς Πατέρα καί Υἱόν καί ἅγιον Πνεῦμα, ἀλλ᾿ εἰς τρεῖς ἀνάρχους, ἤ εἰς τρεῖς υἱούς, ἤ εἰς τρεῖς παρακλήτους, καθαιρείσθω.
Εἴ τις ἐπίσκοπος, ἤ πρεσβύτερος, μή τρία βαπτίσματα μιᾶς μυήσεως ἐπιτελέσῃ, ἀλλ᾿ ἓν βάπτισμα, τό εἰς τόν θάνατον τοῦ Κυρίου διδόμενον, καθαιρείσθω. Οὐ γάρ εἶπεν ὁ Κύριος, εἰς τόν θάνατόν μου βαπτίσατε· ἀλλά, Πορευθέντες μαθητεύσατε πάντα τά ἔθνη, βαπτίζοντες αὐτούς εἰς τό ὄνομα τοῦ Πατρός καί τοῦ Υἱοῦ καί τοῦ…
