Περί τῶν γυναικῶν τῶν ἐκπορνευουσῶν καί ἀναιρουσῶν τά γεννώμενα, καί σπουδαζουσῶν φθόρια ποιεῖν, ὁ μέν πρότερος ὅρος μέχρις ἐξόδου ἐκώλυσε, καί τούτῳ συντίθενται. Φιλανθρωπότερον δέ τι εὑρόντες, ὡρίσαμεν δεκαετῆ χρόνον, κατά τούς βαθμούς τούς ὡρισμένους πληρῶσαι.
Περί ἑκουσίων φόνων, ὑποπιπτέτωσαν μέν, τοῦ δέ τελείου ἐν τῷ τέλει τοῦ βίου καταξιούσθωσαν.
Ἐπί ἀκουσίων φόνων, ὁ μέν πρότερος ὅρος ἐν ἑπταετίᾳ κελεύει τοῦ τελείου μετασχεῖν κατά τούς ὡρισμένους βαθμούς· ὁ δέ δεύτερος, τόν πενταετῆ χρόνον πληρῶσαι.
Οἱ καταμαντευόμενοι, καί ταῖς συνηθείαις τῶν ἐθνῶν ἐξακολουθοῦντες, ἤ εἰσάγοντές τινας εἰς τούς ἑαυτῶν οἴκους ἐπί ἀνευρέσει φαρμακειῶν, ἤ καί καθάρσει, ὑπό τόν κανόνα πιπτέτωσαν τῆς πενταετίας, κατά τούς βαθμούς τούς ὡρισμένους, τρία ἔτη ὑποπτώσεως, καί δυό ἔτη εὐχῆς, χωρίς προσφορᾶς.
Μνηστευσάμενός τις κόρην, προσεφθάρη τῇ ἀδελφῇ αὐτῆς, ὡς καί ἐπιφορέσαι αὐτήν· ἔγημε δέ τήν μνηστήν μετά ταῦτα, ἡ δέ φθαρεῖσα ἀπήγξατο· οἱ συνειδότες ἐκελεύσθησαν ἐν δεκαετίᾳ δεχθῆναι εἰς τούς συνεστῶτας κατά τούς ὡρισμένους βαθμούς.
Πρεσβύτερος, ἐάν γήμῃ, τῆς τάξεως αὐτόν μετατίθεσθαι·1 (ΠΗΔΑΛΙΟΝ) ἐάν δέ πορνεύσῃ, ἤ μοιχεύσῃ, ἐξωθεῖσθαι αὐτόν τέλεον, καί ἄγεσθαι εἰς μετάνοιαν.
Γυνή, ἐάν γήμηται δύο ἀδελφοῖς, ἐξωθείσθω μέχρι θανάτου· πλήν ἐν τῷ θανάτῳ διά τήν φιλανθρωπίαν εἰποῦσα, ὡς ὑγιάνασα λύσει τόν γάμον, ἕξει τήν μετάνοιαν. Ἐάν δέ τελευτήσῃ ἡ γυνή ἐν τοιούτῳ γάμῳ οὖσα, ἤτοι ὁ ἀνήρ, δυσχερής τῷ μείναντι ἡ μετάνοια.
Περί τῶν πλείστοις γάμοις περιπιπτόντων ὁ μέν χρόνος σαφής ὁ ὡρισμένος, ἡ δέ ἀναστροφή καί ἡ πίστις αὐτῶν συντέμνει τόν χρόνον.
Ἐάν πρόθηταί τις, ἐπιθυμήσας γυναικός, συγκαθευδῆσαι μετ᾽ αὐτῆς, μή ἔλθῃ δή εἰς ἔργον αὐτοῦ ἡ ἐνθύμησις,1 (ΠΗΔΑΛΙΟΝ) φαίνεται ὅτι ὑπό τῆς χάριτος ἐῤῥύσθη.
Κατηχούμενος, ἐάν εἰσερχόμενος εἰς Κυριακόν, ἐν τῇ τῶν κατηχουμένων τάξει στήκῃ, οὗτος δέ ἁμαρτάνῃ,1 ἐάν μέν γόνυ κλίνων, ἀκροάσθω μηκέτι ἁμαρτάνων· ἐάν δέ καί ἀκροώμενος ἔτι ἁμαρτάνῃ, ἐξωθείσθω.
