Ὥστε ἅγια θυσιαστηρίου, εἰ μή ἀπό νηστικῶν ἀνθρώπων, μή ἐπιτελεῖσθαι, ἐξῃρημένης μιᾶς ἐτησίας ἡμέρας, ἐν ᾗ τό Κυριακόν δεῖπνον ἐπιτελεῖται. Ἐάν δέ τινων κατά τόν δειλινόν καιρόν τελευτησάντων εἴτε ἐπισκόπων, εἴτε τῶν λοιπῶν, παράθεσις γένηται, μόναις εὐχαῖς ἐκτελεσθῇ, ἐάν οἱ ταύτην ποιοῦντες ἀριστήσαντες εὑρεθῶσι.
Ὥστε ἐπισκόπους, ἤ κληρικούς ἐν τῇ ἐκκλησίᾳ μή συμποσιάζεσθαι εἰ μή δ᾽ ἂν τυχόν ἀνάγκῃ ξενίας διαβάντες ἐκεῖ καταλύσωσι. Καί οἱ λαοί δέ ἀπό τοιουτοτρόπων συμποσίων ὅσον δυνατόν ἐστι κωλυθῶσι.
Ὥστε τοῖς μετανοοῦσι, κατά τήν τῶν ἁμαρτημάτων διαφοράν, τῇ τῶν ἐπισκόπων κρίσει τάς μετανοίας ἐν καιρῷ ψηφίζεσθαι· πρεσβύτερος δέ παρά τήν γνώμην τοῦ ἐπισκόπου, μή καταλλάσσῃ μετανοοῦντα, εἰ μή δ᾽ ἂν ἀνάγκης συνωθούσης ἐν τῇ ἀπουσίᾳ τοῦ ἐπισκόπου· οὗ τινος δήποτε δέ μετανοοῦντος, εἰ πούβλικον καί τεθρυλλημένον ἐστί τό ἔγκλημα,…
Ὥστε τάς ἱεράς παρθένους, ὅτε τῶν πατέρων χωρίζονται, ἐξ ὧν ἐφυλάττοντο, τῇ τοῦ ἐπισκόπου, ἤ αὐτοῦ ἀπόντος, τῇ τοῦ πρεσβυτέρου προνοίᾳ ταῖς τιμιωτέραις γυναιξί παρατίθεσθαι, ἤ ἅμα κατοικούσας ἀλλήλας φυλάττειν, ἵνα μή πανταχοῦ πλαζόμεναι, τήν ὑπόληψιν βλάψωσι τῆς ἐκκλησίας.
Ὥστε τούς ἀσθενοῦντας, οἵτινες ὑπέρ ἑαυτῶν ἀποκρίνεσθαι οὐ δύνανται, τότε βαπτίζεσθαι, ὅτε τῇ αὐτῶν προαιρέσει τήν περί αὐτῶν μαρτυρίαν καί κινδύνῳ ἰδίῳ εἴπωσι.
Ὥστε τοῖς σκηνικοῖς, καί μίμοις, καί τοῖς λοιποῖς τοιουτοτρόποις προσώποις, ἤ ἀποστάταις, μετανοοῦσι καί ἐπιστρέφουσι πρός τόν Θεόν, χάριν ἤ καταλλαγήν μή ἀρνεῖσθαι.
Ἐξέστω ἔτι μήν ἀναγινώσκεσθαι τά πάθη τῶν μαρτύρων, ἡνίκα αἱ ἐτήσιαι αὐτῶν ἡμέραι ἐπιτελοῦνται.
Ἤρεσεν, ἵνα ἐρωτήσωμεν τούς ἀδελφούς καί συνιερεῖς ἡμῶν Σιρίκιον καί Σιμπλικιανόν, περί μόνων τῶν νηπίων τῶν παρά τοῖς Δονατισταῖς βαπτιζομένων, μήπως τοῦτο, ὅπερ οἰκείᾳ προθέσει οὐκ ἐποίησαν, τῇ τῶν γονέων πλάνῃ ἐμποδίσῃ αὐτοῖς πρός τό μή προκόπτειν εἰς ὑπουργίαν τοῦ ἁγίου θυσιαστηρίου, ὅταν πρός τήν τοῦ Θεοῦ ἐκκλησίαν σωτηριώδει προθέσει…
Ἐκεῖνο δέ ἀναφέρομεν ἐνταλέν ἡμῖν, τό καί ἐν τῇ συνόδῳ τῇ ἐν Καπούῃ ὁρισθέν, ὥστε μή ἐξεῖναι γίνεσθαι ἀναβαπτίσεις, ἤ ἀναχειροτονήσεις, ἤ μετακινήσεις ἐπισκόπων. Κρεσκώνιος, οὖν τοῦ Ῥεκένσης ἀγροῦ ἐπίσκοπος, καταφρονήσας τοῦ ἰδίου λαοῦ, τῇ Τουβηνέκῃ ἐπέβη ἐκκλησίᾳ, καί ἕως τῆς σήμερον πολλάκις ὑπομνησθείς κατά τό ὁρισθέν καταλιπεῖν τήν αὐτήν…
Ὁνωράτος καί Οὐρβανός ἐπίσκοποι εἶπον· Κᾀκεῖνο ἡμῖν ἐνετάλη, ἐπειδή ἐκ τοῦ πλησίον ἀδελφοί ἡμῶν δύο ἐπίσκοποι τῆς Νουμιδίας χειροτονῆσαι ἐτόλμησαν ἱερέα, κρίνατε μή γενέσθαι χειροτονίας ἐπισκόπων, εἰ μή ἀπό δώδεκα. Αὐρήλιος ἐπίσκοπος εἶπεν· Ὁ ἀρχαῖος τύπος φυλαχθήσεται, ἵνα μή ἥττονες τριῶν τῶν ὁρισθέντων εἰς χειροτονίαν ἐπισκόπων ἀρκέσωσι· διότι ἐν Τριπόλει…
