Ἤρεσε τοίνυν πᾶσιν, ἐπειδή τοῖς ἀνωτέροις τῶν συνόδων ψηφίσμασι περί προσώπων κληρικῶν, τῶν ὀφειλόντων εἰς κατηγορίαν προσδεχθῆναι ὡρίσθη, καί οὐκ ἐπεξεργάσθη, ποῖα πρόσωπα μή προσδεχθῶσι, διά τοῦτο ὁρίζομεν τοῦτον ὀρθῶς πρός κατηγορίαν μή εἰσδέχεσθαι, ὅστις μετά τό ἀπό κοινωνίας γενέσθαι, ἐν αὐτῷ ἔτι τῷ ἀφορισμῷ ὑπάρχει, εἴτε κληρικός εἴη, εἴτε…
Ὁμοίως ἤρεσεν, ἵνα πάντες οἱ δοῦλοι, καί οἱ ἴδιοι ἀπελεύθεροι εἰς κατηγορίαν μή προσδεχθῶσι· καί πάντες οὓς πρός κατηγορητέα ἐγκλήματα οἱ δημόσιοι νόμοι οὐ προσδέχονται· πάντες ἔτι μήν οἱ τοῖς τῆς ἀτιμίας σπίλοις ἐῤῥαντισμένοι, τοὐτέστι μῖμοι, καί ὅσα ταῖς αἰσχρότησιν ὑποβέβληνται πρόσωπα· αἱρετικοί ἔτι μήν, εἴτε Ἕλληνες, εἴτε Ἰουδαῖοι· πλήν…
Ὁμοίως ἤρεσεν, ἵνα, ὁσακισδήποτε κληρικοῖς ἀπό κατηγόρων πολλά ἐγκλήματα ὑποβάλλονται, καί ἓν ἐξ αὐτῶν, περί οὗ πρῶτον ἐπράχθη, ἀποδειχθῆναι οὐκ ἠδυνήθη, πρός τά λοιπά μετά ταύτα μή προσδεχθῶσι.
Μάρτυρας δέ εἰς μαρτυρίαν μή εἰσδέχεσθαι, τούς μηδέ πρός κατηγορίαν εἰσδεχθῆναι παραγγελθέντας, ἤ ἔτι μήν οὓς αὐτός ὁ κατήγορος ἐκ τοῦ ἰδίου οἴκου προσκομίσει· μαρτυρία δέ ἐντός κείρας ἐνιαυτῶν δεκατεσσάρων μή προσδεχθείη.
Ὁμοίως ἤρεσεν, ἵνα, ἐάν ποτε ἐπίσκοπος λέγῃ τινά αὐτῷ μόνῳ τό ἴδιον ἔγκλημα ὁμολογῆσαι, καί ἐκεῖνος ἀρνῆται, μή λογίσηται ὁ ἐπίσκοπος εἰς ἰδίαν ὕβριν συντείνειν, ὅτι αὐτός μόνος οὐ πιστεύεται, εἰ καί τῷ σκινδαλμῷ τῆς ἰδίας συνειδήσεως λέγει μή θέλειν ἑαυτόν κοινωνεῖν τῷ ἀρνουμένῳ.1 (ΠΗΔΑΛΙΟΝ)
Ἐφ᾽ ὅσον τῷ ἀφωρισμένῳ μή κοινωνεῖ ὁ ἴδιος ἐπίσκοπος, τῷ αὐτῷ ἐπισκόπῳ ἄλλοι μή συγκοινωνήσωσιν ἐπίσκοποι· ὥστε μᾶλλον παραφυλάττεσθαι τόν ἐπίσκοπον μή λέγειν κατά τινος, ὅπερ ἀποδείξεσιν ἐλέγξαι παρ᾽ ἑτέροις οὐ δύναται.
