Ὁμοίως ἤρεσεν, ἵνα, ἐάν τις ἀπό ἀλλοτρίου μοναστηρίου ὑποδέξηταί τινα, καί πρός κλήρωσιν προαγαγεῖν ἐθελήσοι, ἤ τοῦ ἰδίου μοναστηρίου ἡγούμενον καταστήσοι, ὁ τοῦτο ποιῶν ἐπίσκοπος ἀπό τῆς τῶν λοιπῶν κοινωνίας χωριζόμενος, τῇ τοῦ ἰδίου λαοῦ κοινωνίᾳ ἀρκεσθῇ μόνῃ· ἐκεῖνος δέ, μηδέ κληρικός, μηδέ ἡγούμενος ἐπιμείνῃ.
Ὁμοίως ὠρίσθη, ἵνα, ἐάν τις ἐπίσκοπος κληρονόμους συγγενεῖς, ἤ ἐκτός τῆς ἰδίας συγγενείας αἱρετικούς, ἤ ἕλληνας, προτίμησῃ τῆς ἐκκλησίας, καί μετά θάνατον ἀνάθεμα τῷ τοιούτῳ λεχθείῃ, καί τό ὄνομα αὐτοῦ μηδαμῶς παρά τοῖς τοῦ Θεοῦ ἱερεῦσιν ἀνενεχθῇ, μηδέ δυνηθῇ ἀπολογηθῆναι, ἐάν ἀδιάθετο ἀπογένηται, ἐπειδή γενόμενος ἐπίσκοπος, εἰκότως ὀφείλει τῶν πραγμάτων…
Ὁμοίως ἤρεσεν, ἵνα περί τῶν ἐν τῇ ἐκκλησίᾳ γινομένων ἐλευθεριῶν, ἀπό τοῦ βασιλέως αἴτησις γίνηται.
Ὁμοίως ἤρεσεν, ἴνα τά πανταχοῦ ἀνά τούς ἀγρούς καί τούς ἀμπελῶνας θυσιαστήρια, ὡσανεί εἰς μνήμην μαρτύρων καθιστάμενα, ἐν οἷς οὐδέ ἓν σῶμα, ἤ λείψανον μαρτύρων, ἀποκείμενα δείκνυνται, ἀπό τῶν ἐντοπίων ἐπισκόπων, εἰ ἔστι δυνατόν, καταστρέφωνται· εἰ δέ τοῦτο θορύβοις δημοτικοῖς οὐ συγχωρεῖται, ὅμως τά πλήθη νουθετηθῶσι μή ὀχλαγωγεῖν τούς τόπους…
Ὁμοίως ἤρεσεν αἰτηθῆναι ἀπό τῶν ἐνδοξοτάτων βασιλέων, ἵνα τά λείψανα τῆς εἰδωλολατρίας, μή μόνον τά ἐν ξοάνοις, ἀλλά καί ἐν οἱοισδήποτε τόποις, ἤ ἄλσεσιν, ἤ δένδροις, παντί τρόπῳ ἐξαλειφθῶσι.
Ἀπό συμπάντων τῶν ἐπισκόπων ἐλέχθη, ἵνα, ἐάν ἤρεσέ τινα γράμματα ὀφείλειν ὑπαγορευθῆναι ἐν τῇ συνόδῳ, ὁ προσκυνητός ἐπίσκοπος ὁ ἐν τῷ θρόνῳ τούτῳ προκαθήμενος καταξιοῖ ἐπ᾽ ὀνόματι πάντων ὑπαγορεύειν καί ὑπογράφειν. Ἐν οἷς ἤρεσεν ἔτι μήν τοῖς τοποτηρηταῖς ἐπισκόποις, τοῖς ὀφείλουσιν ἀποσταλῆναι εἰς τάς τῆς Ἀφρικῆς ἐπαρχίας, ἕνεκεν τῶν Δονατιστῶν,…
Βαλεντῖνος ἐπίσκοπος εἶπε· Τό ἀγαθόν τῆς ὑμετέρας ἀνεξικακίας ἐάν ἐπιτρέπῃ, ἀκολούθως ἐξηγήσομαι τά ἐν τῷ προλαβόντι χρόνῳ εἰς τήν Καρχηδονίων ἐκκλησίαν πραχθέντα, καί ταῖς τῶν ἀδελφῶν ὑπογραφαῖς φανερῶς κυρωθέντα, καί ἡμᾶς ἔτι μήν φυλάξοντας ὁμολογήσω. Ἐκεῖνο τοίνυν ἐπιστάμεθα ἀμίαντον ἀεί τήν ἐκκλησιαστικήν φυλάττεσθαι κατάστασιν, οὕτως ὡς μηδένα τῶν ἀδελφῶν τολμᾷν…
Περί Κουοδβουλτδέου ἔτι μήν τοῦ Κεντυριάτου, ἐπειδή τοῦ ἐναντίου αὐτοῦ αἰτήσαντος παρά τῇ ἡμετέρᾳ εἰσενεχθῆναι συνόδῳ, ἐρωτηθείς, εἰ ἄρα βούλεται μετ᾽ αὐτοῦ παρά τοῖς ἐπισκόποις ἀποπειραθῆναι, πρῶτον μέν ὑπέσχετο, τῇ δέ ἄλλῃ ἡμέρᾳ τοῦτο μή ἀρέσκειν αὐτῷ ἀπεκρίνατο, καί ἀνεχώρησεν, ἤρεσε πάσι τοῖς ἐπισκόποις, ἵνα μηδείς τῷ αὐτῷ Κουοδβουλτδέῳ κοινωνήσῃ,…
Περί Μαξιμιανοῦ δέ τοῦ Βαγενσίου, ἤρεσεν ἐκ τῆς συνόδου γράμματα δοθῆναι καί πρός αὐτόν καί πρός τόν λαόν, ἵνα κᾀκεῖνος ἐκ τῆς ἐπισκοπῆς ἀναχώρησῃ, κᾀκεῖνοι ἑαυτοῖς ἄλλον ἀναζητήσωσι.
1 (ΠΗΔΑΛΙΟΝ) Ἔπειτα ἤρεσεν, ἵνα οἱτινεσδηποτε μετά ταῦτα χειροτονῶνται ἀνά τάς τῆς Ἀφρικῆς ἐπαρχίας, γράμματα λάβωσι παρά τῶν χειροτονούντων αὐτούς, τῇ χειρί αὐτῶν ὑπογεγραμμένα, περιέχοντα τόν ὕπατον καί τήν ἡμέραν, ὥστε μηδεμίαν ἀμφισβήτησιν περί ὑστέρων ἤ προτέρων ἀναφυῆναι.
