Ἐρώτησις. Ἐάν τις καλέσῃ κληρικόν εἰς τό ζεῦξαι γάμον, ἀκούσῃ δέ τόν γάμον παράνομον ἤ θειογαμίαν ἤ γοῦν ἀδελφήν τελευτησάσης γυναικός τήν μέλλουσαν ζεύγνυσθαι, εἰ ὀφείλει ἀκολουθῆσαι ὁ κληρικός ἤ προσφοράν ποιῆσαι; Ἀπόκρισις. Ἅπαξ εἴπατε, ἐάν ἀκούσῃ ὁ κληρικός τόν γάμον παράνομον, εἰ οὖν ὁ γάμος παράνομός ἐστιν, οὐκ ὀφείλει…
Ἐρώτησις. Ἐάν ὀνειρασθείς ὁ λαϊκός ἐρωτήσῃ κληρικόν, εἰ ὀφείλει ἐπιτρέψαι αὐτῷ κοινωνῆσαι ἦ οὔ; Ἀπόκρισις. Εἰ μέν ὑπόκειται ἐπιθυμίᾳ γυναικός, οὐκ ὀφείλει, εἰ δέ ὁ σατανᾶς πειράζει αὐτόν, ἵνα διά τῆς προφάσεως ταύτης ἀλλοτριῶται τῆς κοινωνίας τῶν θείων μυστηρίων, ὀφείλει κοινωνῆσαι, ἐπεί οὐ παύσεται ὁ πειράζων κατ᾿ ἐκεῖνον τόν καιρόν,…
Ἐρώτησις. Τοῖς ζευγνυμένοις εἰς γάμου κοινωνίαν, περί ποίων ἡμερῶν τῆς ἑβδομάδος παρατίθεσθαι χρή ἀπέχεσθαι τῆς πρός ἀλλήλους κοινωνίας, καί ποίας ἔχειν ἐπ᾿ ἐξουσίας; Ἀπόκρισις. Ὅ προείρηκα καί νῦν λέγω. Ὁ Ἀπόστολος λέγει· Μή ἀποστερεῖτε ἀλλήλους, εἰ μή τι ἂν ἐκ συμφώνου πρός καιρόν, ἵνα σχολάζητε τῇ προσευχῇ, καί πάλιν ἐπί…
Ἐρώτησις. Ἐάν τις μή ἔχων ἑαυτόν χειρίσηται ἤ κρημνίσῃ ἐαυτόν, εἰ γίνεται προσφορά ὑπέρ αὐτοῦ ἤ οὔ; Ἀπόκρισις. Ὑπέρ αὐτοῦ διακρίναι ὀφείλει ὁ κληρικός, εἰ τό ἀληθές ἐκφρενής ὢν πεποίηκε τοῦτο. Πολλάκις γάρ οἰ διαφέροντες τῶ πεπονθότι, θέλοντες ἐπιτυχεῖν τῆς προσφορᾶς καί τῆς ὑπέρ αὐτοῦ εὐχῆς, καταψεύδονται καί λέγουσιν, ὅτι…
Ἐρώτησις. Ἐάν τινος γυνή πνευματιᾷ, ὥστε καί σίδηρα φορεῖν, ὁ δέ ἀνήρ λέγει ὅτι οὐ δύναμαι ἐγκρατεύεσθαι καί θέλει λαβεῖν ἄλλην, εἰ ὀφείλει λαβεῖν ἐτέραν ἤ οὔ; Ἀπόκρισις. Μοιχεία μεσολαβεῖ τῷ πράγματι, καί περί τούτου τί ἀποκρίνασθαι οὐκ ἔχω, οὐδέ ἐφευρίσκω, κατά δέ πνευματικήν ἀπόφασιν, οὐκ ὀφείλει.
Ἐρώτησις. Ἐάν νηστεύων τις ἐπί τῷ κοινωνῆσαι, νιπτόμενος τό στόμα ἤ ἐν τῷ βαλανείῳ κατέπιεν ὕδωρ, μή θέλων, εἰ ὀφείλει κοινωνῆσαι; Ἀπόκρισις. Ναί, ἐπεί εὑρὼν ὁ σατανᾶς ἀφορμήν τοῦ κωλύειν αὐτόν τῆς κοινωνίας, συχνότερον τοῦτο ποιήσει.
Ἐρώτησις. Συχνῶς ἀκούοντες τόν λόγον τοῦ Θεοῦ καί μή ποιοῦντες, ἆρα ὑπό κατάκρισιν ἐσμέν; Ἀπόκρισις. Εἰ καί μή ποιοῦμεν, ἀλλ᾿ οὐκ ἐνδέχεται μή μέμφεσθαι ἑαυτούς ὅτι ἀκούοντες παρακούομεν. Μέρος δέ σωτηρίας ἐστί καί τό μέμφεσθαι ἑαυτούς.
Ἐρώτησις. Ἐκ ποίας κείρας κρίνονται παρά Θεοῦ τά ἁμαρτήματα; Ἀπόκρισις. Πρός τήν γνῶσιν καί τήν φρόνησιν ἑκάστου, οἱ μέν ἀπό δεκαετοῦς κείρας, οἱ δέ καί μείζονος.
