Ὁ μάντεσιν ἑαυτόν ἐπιδούς ἤ τισι τοιούτοις, τόν χρόνον τῶν φονέων καί ἐπιτιμηθήσεται.

Ὁ τόν Χριστόν ἀρνησάμενος καί παραβάς τό τῆς σωτηρίας μυστήριον, ἐν παντί τῷ χρόνῳ τῆς ζωῆς αὐτοῦ προσκλαίων ὀφείλει καί ἐξομολογεῖσθαι χρεωστεῖ, ἐν τῷ καιρῷ, ᾧ ἐκβαίνει τοῦ βίου, τῶν ἁγιασμάτων ἀξιούμενος, πίστει τῆς παρά Θεοῦ φιλανθρωπίας.

Ἐάν μέντοι ἕκαστος τῶν ἐν τοῖς προγεγραμμένοις ἁμαρτήμασι γενομένων σπουδαῖος γένηται ἐξομολογούμενος, ὁ πιστευθείς παρά τῆς τοῦ Θεοῦ φιλανθρωπίας λύειν καί δεσμεῖν, εἰ φιλανθρωπότερος γένοιτο, τό ὑπερβάλλον τῆς ἐξομολογήσεως ὁρῶν τοῦ ἡμαρτηκότος, εἰς τό ἐλαττῶσαι τόν χρόνον τῶν ἐπιτιμίων, οὐκ ἔσται καταγνώσεως ἄξιος, τῆς ἐν ταῖς Γραφαῖς ἱστορίας γνωριζούσης ἡμῖν,…

Ὁ ἀδελφῇ ἰδίᾳ ἐκ πατρός ἤ ἐκ μητρός συμμιανθείς εἰς οἶκον προσευχῆς μή ἐπιτραπέσθω παρεῖναι, ἕως ἂν ἀποστῇ τῆς παρανόμου καί ἀθεμίτου πράξεως. Μετά δέ τό ἐλθεῖν εἰς συναίσθησιν τῆς φοβερᾶς ἁμαρτίας, τριετίαν προσκλαιέτω, τῇ θύρᾳ τῶν εὐκτηρίων οἴκων παρεστηκὼς καί δεόμενος τοῦ λαοῦ εἰσιόντος ἐπί τήν προσευχήν, ὥστε ἕκαστον…

Ὁ αὐτός τύπος καί περί τῶν τάς νύμφας ἑαυτῶν λαμβανόντων.

Ὁ μέντοι καταλιμπάνων τήν νομίμως αὐτῷ συναφθεῖσαν γυναῖκα καί ἑτέραν ἀγόμενος, κατά τήν τοῦ Κυρίου ἀπόφασιν, τῷ τῆς μοιχείας ὑπόκειται κρίματι. Κεκανόνισται γάρ παρά τῶν Πατέρων ἡμῶν, τούς τοιούτους ἐνιαυτόν προσκλαίειν, διετίαν ἐπακροᾶσθαι, τριετίαν ὑποπίπτειν, τῷ δέ ἑβδόμῳ συνίστασθαι τοῖς πιστοῖς, καί οὕτω τῆς προσφορᾶς καταξιοῦσθαι, ἐάν μετά δακρύων μετανοήσωσιν.

Ὁ αὐτός κρατείτω τύπος καί ἐπί τῶν δύο ἀδελφάς λαμβανόντων εἰς συνοικέσιον, εἰ καί κατά διαφόρους χρόνους.

Οἱ δέ ταῖς μητρυιαῖς ἑαυτῶν ἐπιμαινόμενοι, τῷ αὐτῷ ὑπόκεινται κανόνι, ᾧ καί οἱ ταῖς ἑαυτῶν ἀδελφαῖς ἐπιμαινόμενοι.

Τήν πολυγαμίαν οἱ Πατέρες ἀπεσιώπησαν, ὡς κτηνώδη καί παντελῶς ἀλλοτρίαν τοῦ γένους τῶν ἀνθρώπων. Ἡμῖν δέ παρίσταται πλέον τι πορνείας εἶναι τό ἁμάρτημα. Διό εὔλογον τούς τοιούτους ὑποβάλλεσθαι τοῖς κανόσι, δηλονότι ἐνιαυτόν προσκλαύσαντας καί ἐν τρισίν ὑποπεσόντας, οὕτω δεκτούς εἶναι.

Ἐπειδή πολλοί ἐν τῇ τῶν βαρβάρων καταδρομῇ παρέβησαν τήν εἰς τόν Θεόν πίστιν, ὅρκους ἐθνικούς τελέσαντες καί ἀθεμίτων τινῶν γευσάμενοι τῶν ἐν τοῖς εἰδώλοις τοῖς μαγικοῖς προσενεχθέντων αὐτοῖς, οὗτοι κατά τούς ἤδη παρά τῶν Πατέρων ἡμῶν ἐξενεχθέντας νόμους καί κανόνας οἰκονομείσθωσαν. Οἱ μέν γάρ ἀνάγκην χαλεπήν ἐκ βασάνων ὑπομείναντες καί…