Ἐπέστειλάς μοι, πιστότατε καί λογιώτατε υἱέ μου, πυνθανόμενος καθ᾿ ἣν ὥραν ἀπονηστίζεσθαι δεῖ τήν τοῦ Πάσχα ἡμέραν, τινάς μέν γάρ τῶν ἀδελφῶν λέγειν φής, ὅτι χρή τοῦτο ποιεῖν πρός τήν ἀλεκτοροφωνίαν, τινάς δέ, ὅτι ἀφ᾿ ἑσπέρας χρή. Οἱ μέν γάρ ἐν Ῥώμῃ ἀδελφοί, ὥς φασι, περιμένουσι τόν ἀλέκτορα, περί δέ…

Περί δέ τῶν ἐν ἀφέδρῳ γυναικῶν, εἰ προσῆκεν αὐτάς οὔτω διακειμένας εἰς τόν οἶκον εἰσιέναι τοῦ Θεοῦ, περιττόν καί τό πυνθάνεσθαι νομίζω. Οὐδέ γάρ αὐτάς οἶμαι πιστάς οὔσας καί εὐλαβεῖς, τολμήσειν οὕτω διακειμένας ἤ τῇ τραπέζῃ τῇ ἁγίᾳ προσελθεῖν ἤ τοῦ σώματος καί τοῦ αἵματος τοῦ Χριστοῦ προσάψασθαι. Οὐδέ γάρ…

Αὐτάρκεις δέ καί οἱ γεγαμηκότες ἑαυτῶν ὀφείλουσιν εἶναι κριταί, ὅτι γάρ ἀπέχεσθαι ἀλλήλων προσῆκον ἐκ συμφώνου πρός καιρόν, ἵνα σχολάσωσι τῇ προσευχῇ, καί πάλιν ἐπί τό αὐτό ὦσιν, ἀκηκόατε Παύλου γράφοντος.

Οἱ δέ ἐν ἀπροαιρέτῳ νυκτερινῇ ῥύσει γενόμενοι, καί οὗτοι τῷ ἰδίῳ συνειδότι κατακολουθείτωσαν· καί ἑαυτούς, εἴτε διακρίνονται περί τούτου, εἴτε μή, σκοπείτωσαν. Ὡς γάρ ἐπί τῶν βρωμάτων ὁ διακρινόμενος, φησίν, ἐάν φάγῃ, κατακέκριται, οὕτω καί ἐν τούτοις εὐσυνείδητος ἔστω καί εὐπαρρησίαστος, κατά τό ἴδιον ἐνθύμιον, πᾶς ὁ προσιὼν τῷ Θεῷ·…