Ἤρεσε κᾀκεῖνο, ἵνα οἱ ὄχλοι, οἱ μηδέποτε ἰδίους ἐσχηκότες ἐπισκόπους, εἰ μή ἐκ πάσης τῆς συνόδου ἑκάστης ἐπαρχίας καί τοῦ πρωτεύοντος ψήφισμα γένηται, καί κατά συναίνεσιν ἐκείνου, οὗτινος ὑπό τήν διοίκησιν καθίστατο ἡ αὐτή ἐκκλησία, μηδαμῶς δέξωνται.
Τοῦτο καί ἐν ἄλλοις κανόσι διαφόρων συνόδων ὡρίσθη, τό μή γίνεσθαι ἐπίσκοπον ἐν παροικίαις, ἐν αἷς οὐκ ἦν ἔθος ἔκπαλαι γίνεσθαι, εἰ μή ὁ μητροπολίτης θελήσει, (οὗτος γάρ ἐστιν ὁ πρωτεύων τῆς ἐπαρχίας, ἐν ᾗ αἱ παροικίαι ὑπόκεινται), καί ὁ ἐπίσκοπος συναινέσει, ᾧ ἴσως ἡ παροικία διαφέρει, ὡς ὑπό τήν διοίκησιν αὐτοῦ οὖσα, καί ἡ τῆς ἐπαρχίας ψηφίσεται σύνοδος. Τοῦτο καί ἐν ἄλλοις κανόσι διαφόρων συνόδων ὡρίσθη, δηλονότι τό μή γίνεσθαι ἐπίσκοπον ἐν παροικίᾳ, ἐν ᾗ οὐκ ἦν ἔθος ἔκπαλαι γίνεσθαι, εἰ μή ὁ μητροπολίτης θελήσει, (οὗτος γάρ ἐστιν ὁ πρωτεύων τῆς ἐπαρχίας), καί ὁ ἐπίσκοπος συναινέσει, ᾧ ἴσως ἡ παροικία διαφέρει ὡς ἐνορία, καί ἡ τῆς ἐπαρχίας ψηφίσηται σύνοδος∙ εἰ μή βασιλεύς θελήσει, κατά τήν δοθεῖσαν αὐτῷ ἐξουσίαν, ἕτερόν τι ποιῆσαι∙ τηνικαῦτα γάρ τό ὁρισθησόμενον γενήσεται, καθὼς ἐν διαφόροις κανόσιν ἐγράψαμεν. Οἱ μηδέποτε σχόντες ἴδιον ἐπίσκοπον, εἰ μή πᾶσα ἡ τῆς ἐπαρχίας, σύνοδος καί ὁ πρωτεύων αὐτῆς γράψειε κατά γνώμην τοῦ ὑφ’ ὃν ἡ ἐπαρχία ἐν ᾗ ἡ αὐτή ἐκκλησία, ἄλλως οὐχ ἕξουσιν. Ἐάν παροικία τις ἐτέλει ὑπό ἐπίσκοπον, καί ἠβουλήθη ὁ ἐν αὐτῇ ὄχλος ἴδιον σχεῖν ἐπίσκοπον, ὡς ἔτυχεν, οὐκ εἰσακουσθήσεται∙ ἀλλά μετά δοκιμασίας πάσης τῆς συνόδου τῆς ἐπαρχίας, καί τοῦ μητροπολίτου αὐτῆς, πρός δέ καί συναινέσεως τοῦ ἐπισκόπου, ὑφ’ ὃν ἡ τοιαύτη παροικία καθίσταται, τοῦτο γενήσεται. *Στο Πηδάλιο, ο 98ος κανόνας αντιστοιχεί στον 109ο (αρίθμηση Πηδαλίου). Ερμηνεία. Καί οὗτος ὁ κανὼν διορίζει νά μή γίνωνται εἰς μικράς παροικίας καί πόλεις Ἐπίσκοποι, εἰς τάς ὁποίας δέν ἐπεκράτησε συνήθεια ἄνωθεν καί ἐξ ἀρχῆς νά γίνωνται. Τότε δέ μόνον νά γίνωνται, ὅταν καί ὁ Μητροπολίτης, ἤ ὁ Πατριάρχης ψηφίσῃ αὐτούς μετά πάσης τῆς συνόδου τῆς ἐπαρχίας, ἤ διοικήσεως (ὅρα ὑποσημ. τοῦ στ΄ τῆς β΄) καί ὁ Ἐπίσκοπος στέρξῃ τοῦτο, ὑπό τήν ἐπισκοπήν τοῦ ὁποίου εὑρίσκεται ἡ παροικία ἡ μέλλουσα αὐτούς λαβεῖν. Ὅρα τόν στ΄ τῆς ἐν Σαρδικ. καί τόν λδ΄ Ἀποστολικόν.
