Τούς καθ᾽ ἑκάστην ἐπαρχίαν ἐπισκόπους εἰδέναι χρή τόν ἐν τῇ μητροπόλει προεστῶτα ἐπίσκοπον, καί τήν φροντίδα ἀναδέχεσθαι1 (ΠΗΔΑΛΙΟΝ) πάσης τῆς ἐπαρχίας, διά τό ἐν τῇ μητροπόλει πανταχόθεν συντρέχειν πάντας τούς τά πράγματα ἔχοντας. Ὅθεν ἔδοξε καί τῇ τιμῇ προηγεῖσθαι αὐτόν, μηδέν τε πράττειν περιττόν τούς λοιπούς ἐπισκόπους ἄνευ αὐτοῦ, κατά τόν ἀρχαῖον κρατήσαντα ἐκ τῶν Πατέρων ἡμῶν κανόνα· ἤ ταῦτα μόνα, ὅσα τῇ ἑκάστου ἐπιβάλλει παροικίᾳ, καί ταῖς ὑπ᾽ αὐτήν χώραις. Ἕκαστον γάρ ἐπίσκοπον ἐξουσίαν ἔχειν τῆς ἑαυτοῦ παροικίας, διοικεῖν τε κατά τήν ἑκάστῳ ἐπιβάλλουσαν εὐλάβειαν, καί πρόνοιαν ποιεῖσθαι τῆς χώρας τῆς ὑπό τήν ἑαυτοῦ πόλιν· ὡς καί χειροτονεῖν πρεσβυτέρους καί διακόνους, καί μετά κρίσεως ἕκαστα διαλαμβάνειν· περαιτέρω δέ μηδέν πράττειν ἐπιχειρεῖν, δίχα τοῦ τῆς μητροπόλεως ἐπισκόπου, μηδέ αὐτόν ἄνευ τῆς τῶν λοιπῶν γνώμης.
Εἰ καί μή τοῖς ῥήμασι διόλου ὁ κανὼν οὗτος ἀπαραλλάκτως ἔχει πρός τόν λδ΄ κανόνα τῶν ἁγίων Ἀποστόλων, ἀλλά κατά τήν ἔννοιαν ἐκείνῳ ἐν ἅπασι συμφωνεῖ∙ ὥστε ἃ ἐν ἐκείνῳ εἴρηται, καί τόν τούτου νοῦν παριστῶσι τῷ βουλομένω. Τά τοῦ παρόντος κανόνος ἡρμηνεύθησαν ἐν τῷ λδ΄ ἀποστολικῷ κανόνι, καί ἀνάγνωθι τοῦτον. Τοῦ μητροπολίτου τῆς γνώμης ἀναρτᾶσθαι τούς ἐπισκόπους, καί μή τι τῆς αὐτῶν προνοίας οἰκονομεῖν δίχα, ἤ μόνον τά τῇ ἰδίᾳ ἐνορίᾳ προσπίπτοντα, καί χειροθεσίας ἀνεπιλήπτοις ἀνδράσιν ἐπιτελεῖν. Τά αὐτά τῷ τριακοστῷ τετάρτῳ κανόνι τῶν ἁγίων Ἀποστόλων καί ὁ κανὼν οὗτος διδάσκει, τό ἐπιγινώσκειν τούς ἐπισκόπους ἑκάστης ἐπαρχίας τόν ἑαυτῶν πρῶτον, καί ἄνευ γνώμης αὐτοῦ μήτε ἐπισκόπους, ψηφίζεσθαι, μήτε τι ἕτερον περιττόν πράττειν τῶν ἐκεῖσε παρ’ ἡμῶν εἰρημένων, εἰ [μή] μόνα τά ἐπιβάλλοντα τῇ ἑκάστου παροικίᾳ∙ καί χειροτονεῖν πρεσβύτερον, καί διάκονον, καί ὅσα τούτοις ἀκόλουθα. Ἀπαράλλακτος σχεδόν μέ τόν λδ΄ Ἀποστολικόν εἶναι καί ὁ παρών Κανών, κατά τά λόγια, καί κατά τό νόημα. Διδάσκει γάρ καί οὗτος, ὅτι οἱ Ἐπίσκοποι κάθε ἐπαρχίας, πρέπει νά γνωρίζουν ὡς πρῶτόν τους τόν Μητροπολίτην τῆς ἐπαρχίας, καί χωρίς τήν γνώμην αὐτοῦ κᾀνένα πρᾶγμα νά μήν κάμνουσι (καθὼς οὔτε ἐκεῖνος νά κάμνῃ τι χωρίς τήν γνώμη αὐτῶν), ἀλλ’ ἐκεῖνα μόνον ὁποῦ ἀνήκουσιν εἰς τάς Ἐπισκοπάς των, χειροτονίας, δηλ. Πρεσβυτέρων, καί Διακόνων, καί τῶν λοιπῶν, διοικήσεις τῶν ἐκκλησιῶν, καί τά λοιπά. Περί ὧν ὅρα τόν ῥηθέντα Ἀποστολικόν. 1Ἴσ. ὀρθότερον ἀναδεχόμενον.
