Τούς ἐπί ψυχῶν ὀλίσθῳ πόρνας ἐπισυνάγοντας, καί ἐκτρέφοντας, εἰ μέν κληρικοί εἶεν, ἀφορίζεσθαι, καί καθαιρεῖσθαι ὁρίζομεν· εἰ δέ λαϊκοί, ἀφορίζεσθαι.
Τό πορνοβοσκεῖν καί τοῖς πολιτικοῖς ἀπηγόρευται νόμοις. Πορνοβοσκεῖν δέ ἐστι, τό τρέφειν πόρνας διά κέρδος τοῦ μισθώματος, ἐπί βλάβῃ ψυχῶν. Εἰ δέ τοῖς τῆς πολιτείας τοῦτο θεσμοῖς ἀποτέτραπται, πολλῷ τῷ μέσῳ εἴη ἄν ἀπηγορευμένον τοῖς ἐκκλησιαστικοῖς καί πνευματικοῖς· διό καί βαρύτατα τοῦτο κολάζει ὁ κανών ἐπί κληρικῶν. Καθαιρεῖσθαι γάρ αὐτούς ἐνταυτῷ καί ἀφορίζεσθαι διατάσσεται, ὅπερ σπανιάκις εὑρίσκεται· ἀντί γάρ πάσης ἑτέρας τιμωρίας ὡσεπιτοπολύ τοῖς κεκληρωμένοις ἀρκεῖν νενομοθέτηται ἡ καθαίρεσις· τούς δέ λαϊκούς, ἀφορίζεσθαι τοῦτο ποιοῦντας προστάσσει. Ὥσπερ ὁ πολιτικός νόμος κολάζει τούς πορνοβοσκούς, οὕτω καί ὁ κανών διορίζεται τούς ἐπισυνάγοντας πόρνας, καί οἷον διά τούτου συνωθοῦντας εἰς ψυχικήν ἀπώλειαν τούς πολλούς· καί οὐ μόνον ἐπισυνάγοντας· ἀλλά καί ἐκτρέφοντας, ἤγουν τά ἀναγκαῖα αὐταῖς ἐπιχορηγοῦντας· (τῷ γάρ ὀνόματι τῆς τροφῆς καί ἐνδυμασίαι, καί τά λοιπά τά πρός ἀκολασίαν τούς ἁπαλωτέρους ἕλκοντα, περιέχονται)· κληρικούς μέν ὄντας, καθαιρεῖσθαι· λαϊκούς δέ, ἀφορίζεσθαι. Οὐ παρά τοῦτο δέ οἱ μόνον ἐπισυνάγοντες, καί μή ἐκτρέφοντες αὐτάς, οὐ τιμωρηθήσονται· ἀλλά κᾀκεῖνοι ὁμοίως κολασθήσονται. Εἶπε δέ ὁ κανών τό, ἐκτρέφοντες, ὅτι ἐξ ἀνάγκης τῇ συναγωγῇ ἐπακολουθεῖ καί ἡ λοιπή φροντίς τῶν ἐπισυναγομένων. Οὐ γάρ τό συνάγειν μόνον ἄξιόν ἐστι κολάσεως· διότι συνάγει τις πολλάκις πόρνας, χάριν τοῦ ὑποθέσθαι αὐταῖς τά σωτηριώδη, ἤ χειραγωγίας ἀξιῶσαι σωματικῆς, ἤ παραδοῦναι τῷ ἄρχοντι χάριν σωφρονισμοῦ. Ζήτει βιβλίον ξ΄ τῶν βασιλικῶν, τίτλῳ λη΄, κεφ. α΄. Ἐάν πατήρ θυγατέρα, ἤ δεσπότης δούλην πορνοβοσκῇ, ἀπολλύτωσαν τήν ἐπ’ αὐταῖς ἐξουσίαν· προστίθησι δέ τό κεφάλαιον, διά τοῦ ἐπισκόπου καί τοῦ ἄρχοντος αὐτάς βοηθεῖσθαι· καί ὅτι, ἐάν ἀνθίσταται πρός τοῦτο ὁ πατήρ, ἤ ὁ δεσπότης, δημεύονται, καί ἐξορίζονται. Καί τό δεύτερον κεφάλαιον, τούς μέν εὐτελεῖς πορνοβοσκούς, ὁμοίως τιμωρεῖ, τούς δέ στρατείαν ἔχοντας, δημεύεσθαί φησι. Τό μέν τοι γ΄ κεφ. τοῦ αὐτοῦ βιβλίου καί τίτλου, ὅπερ ἐστί νεαρά Ἰουστινιάνειος, μεγάλως κολάζει τούς σύν τέχνῃ, καί δόλῳ, καί ἀνάγκῃ τινάς εἰς τήν τοιαύτην ἀσέλγειαν ἄγοντας, καί ἐμπορευομένους ταύτας. Ἀνάγνωθι μέν οὖν τό τοιοῦτον κεφάλαιον ἐπιστατικώτερον· λέγουσι γάρ τινες, ὡς ἐκείνους τοῦτο κολάζει τούς πλανῶντας, καί μετά τινος μεθόδου, ἤ ἀνάγκης, μεθέλκοντας εἰς πορνείαν γυναίκάς τινας· οὐ μήν τούς προσδεχομένους τάς ἑκουσίᾳ βουλήσει τήν πορνείαν ἑλομένας, διά φύσεως ἀνάγκην ἤ καί πενίαν. Χρῶνται δέ καί πρός ἐπισύστασιν τοῦ λόγου αὐτῶν, καί ῥήμασί τισι τῆς αὐτῆς νεαρᾶς, καί τῷ παρόντι κανόνι, μή μόνον τούς ἐπισυνάγοντας πόρνας κολάζοντι, ἀλλά καί τούς ἐκτρέφοντας, τοὐτέστι διά πλάνης καί κολακείας συνωθοῦντας αὐτάς εἰς τό κακόν. Καί τό σήμερον δέ γινόμενον πραγματικῶς εἰς τά πορνοβοσκεία, διενίστανται, συντρέχειν τοῖς λόγοις αὐτῶν. Ἐμοί δέ δοκεῖ, ὅτι πάντα πορνοβοσκόν οἱ νόμοι καί οἱ κανόνες ἀδιαστίκτως κολάζουσι, καί πᾶσαν πόρνην εἰς σωφροσύνην μεθέλκουσιν. Ἀνάγνωθι καί τήν Ϟα΄ νεαράν τοῦ βασιλέως κυροῦ Λέοντος τοῦ φιλοσόφου, μή παραχωροῦσαν κατά τόν παλαιόν νόμον διάγειν τινά μετά παλλακῆς. Ὁ συνάγων πόρνας ἐπ’ ὀλίσθῳ ψυχῶν, ἀφορίζεται. Σαφής. Τό νά ᾖναι πορνοβοσκός τινας, ἤγουν τό νά συμμαζώνῃ, καί νά τρέφῃ πόρνας ἐπί βλάβῃ ψυχῶν, διά νά κερδίζῃ τόν ἐκ τῆς πορνείας αὐτῶν μισθόν, καί οἱ πολιτικοί νόμοι ἐμποδίζουσι, καί παιδεύουσι,1 πολλῷ μᾶλλον οἱ ἐκκλησιαστικοί Κανόνες. Διά τοῦτο καί ὁ παρών Κανών ἀφορίζει ἐν ταὐτῷ, καί καθαιρεῖ τούς Κληρικούς ἐκείνους ὁποῦ τοῦτο κάμνουσιν (ἥτις ἐστί βαρυτάτη, καί διπλή παιδεία. Ἐπειδή ὡς ἐπιτοπλεῖστον εἰς τούς Κληρικούς ἀρκεῖ ἡ καθαίρεσις μόνη), τούς δέ Λαϊκούς, ἀφορίζει. 1Διό καί τό ξ΄ βιβλ. τῶν βασιλ., τίτλ. λη΄, κεφ. α΄ προστάζει νά ἐλευθερώνεται ἡ θυγάτηρ ἀπό τήν ὑπεξουσιότητα τοῦ πατρός αὐτῆς, καί ἡ δούλη ἀπό τήν ὑπεξουσιότητα τοῦ αὐθέντου αὐτῆς, ἐάν ὁ πατήρ αὐτῆς, καί ὁ αὐθέντης, ζητήσουν νά τάς κάμουν πόρνας. Ἐάν δέ καί αὐταί δέν θέλουν νά ἐλευθερωθοῦν ἀπό τήν ὑπεξουσιότητα αὐτήν, νά ἐξορίζωνται, καί τά ὑπάρχοντα των νά διαρπάζωνται. Ἀλλά καί τό β΄ κεφ. παρομοίως τιμωρεῖ τούς πορνοβοσκούς εὐτελεῖς ὄντας, ἤτοι μέ ἐξορίαν∙ στρατιῶτας δέ ὄντας, τιμωρεῖ μέ διαρπαγήν τῶν ὑπαρχόντων αὐτῶν∙ ὁ δέ Φώτ. τίτλ. ιγ΄, κεφ. κα΄ λέγει, ὅτι πορνοβοσκός λέγεται καί ἐκεῖνος ὁποῦ ἠξεύρει πῶς πορνεύεται ἡ γυναῖκά του, καί σιωπᾷ κατά τό κδ΄ βιβλ. τῶν βασιλικ. τίτλ. β΄, κεφ.ιδ΄.
