Περί τοῦ τούς ἀπό τῆς αἱρέσεως τῶν λεγομένων Φρυγῶν ἐπιστρέφοντας, εἰ καί ἐν κλήρῳ νομιζομένῳ παρ᾽ αὐτοῖς τυγχάνοιεν, εἰ καί μέγιστοι λέγοιντο, τούς τοιούτους μετά πάσης ἐπιμελείας κατηχεῖσθαί τε καί βαπτίζεσθαι ὑπό τῶν τῆς ἐκκλησίας ἐπισκόπων τε καί πρεσβυτέρων.
Ὁ τῆς β΄ συνόδου κανών, οὗ ἐν τῷ ἀνωτέρῳ προσεχεῖ κανόνι ἐμνήσθημεν, διαλαμβάνει καί περί τῶν Φρυγῶν, οὓς καί Μοντανιστάς λέγει. Τούτους τοίνυν προσιόντας τῇ ἐκκλησίᾳ, κᾀκεῖνος ὁ κανών καί οὗτος βαπτίζεσθαι κελεύει, κατηχουμένους ἐπιμελῶς, κᾂν κληρικοί ἐν κλήρῳ παρ’ αὐτοῖς δοκοῦντι, μή ὄντι δέ πρός ἀλήθειαν, ὠνομάζοντο, κᾂν μέγιστοι ἐλέγοντο. Ἦσαν γάρ παρ’ ἐκείνοις τινές τῶν ἄλλων προέχοντες, ὡσανεί διδασκάλων πληροῦντες τάξιν, οἳ καί μέγιστοι ἐκαλοῦντο. Τούς γοῦν τοιούτους ἐπιστρέφοντας, καί τῇ ἐκκλησίᾳ προσερχομένους, ἐξ αὐτῶν οἵτινες ἄν εἶεν, ὁ κανών κατηχεῖσθαι καί βαπτίζεσθαι βούλεται. Τά ἐν τῇ ἑρμηνείᾳ τοῦ ζ΄ κανόνος τῆς β΄ συνόδου γραφέντα, ἀρκοῦσιν εἰς ἑρμηνείαν καί τοῦ παρόντος κανόνος. Ἐπεί δέ ἔλεγον οἱ ἐκ Φρυγῶν αἱρετικοί τινας διδασκάλους αὐτῶν κληρικούς μεγίστους, διά τό ὑπερέχειν τῶν ἄλλων αἱρετικῶν κληρικῶν, καί ἦσαν τινες διατεινόμενοι μή ὀφείλειν τούτους βαπτίζεσθαι ὡς δῆθεν κεκληρωμένους, προστίθησιν ὁ κανών, καί τούτους κατηχεῖσθαι καί βαπτίζεσθαι. Φρύγες μεταμελόμενοι, ἀναβαπτιζέσθωσαν∙ εἰ καί παρ’ ἐκείνοις κεκλήρωνται. Καί οὗτοι μεταμεληθέντες, καί ἀπό τῆς αἱρέσεως αὐτῶν ἐπιστρέφοντες, καί τῇ ἀμωμήτῳ πίστει προσερχόμενοι, καί τάς αἱρέσεις πάσας, καί τήν αὐτῶν ἀναθεματίζοντες, προσδέχονται, καί μετά πάσης ἐπιμελείας κατηχοῦνταί τε καί βαπτίζονται, κᾂν ἐν κλήρῳ νομιζομένῳ παρ’ αὐτοῖς τοῖς Φρυξίν ἐτύγχανον. Οὗτοι δέ οἱ Φρύγες ἀπό Μοντανοῦ καί Πρισκίλλης ἔσχον τήν αἵρεσιν∙ ὁ δέ Μοντανός οὗτος παράκλητον ἑαυτόν προσηγόρευσε∙ δύο γυναῖκας πορνικῶς ἔσχε, Πρίσκιλλαν καί Μαξίμιλλαν, ἃς καί προφήτιδας ἐκάλεσε∙ πολίχνιόν τι τῆς Φρυγίας, τήν Πείζουσαν, Ἱερουσαλήμ ὠνόμασε∙ γάμους ἐπέτρεψε λύεσθαι, καί βρωμάτων ἀπέχεσθαι∙ τό Πάσχα διέστρεψε, καί τάς τρεῖς ὑποστάσεις τῆς ὁμοουσίου θεότητος εἰς ἓν συνῆψε πρόσωπον συγχεόμενον∙ αἷμα ἀναμιγνύειν ἀλεύρῳ, καί εἰς μετάληψιν τοῦτο διδόναι ἐδίδασκε, τήν δέ μέθεξιν τούτου τούς μεταλαμβάνοντας δι’ αἰσχύνην ἀρνεῖσθαι. Καί οὗτος ὁ κανὼν σύμφωνος εἶναι μέ τόν ζ΄ τῆς β΄. Διορίζει γάρ, ὡς καί ἐκεῖνος, ὅτι οἱ καλούμενοι Φρύγες, ἤτοι οἱ Μοντανισταί, ὅταν ἐπιστρέφουν πρός τήν ὀρθοδοξίαν, πρέπει ὡς Ἕλληνες νά κατηχοῦνται, καί νά βαπτίζωνται ἀπό τούς Ἐπισκόπους, καί Πρεσβυτέρους μετά ἐξετάσεως καί ἐπιμελείας, κᾂν καί αὐτοί ὀνομάζωνται μέγιστοι, ὡς διδάσκαλοι, καί ὑπερέχοντες τῶν ἄλλων, κᾂν καί ᾖναι ἀπό τούς παρ’ αὐτοῖς νομιζομένους μέν, μή ὄντας δέ ἀληθῶς Κληρικούς. Ἀνάγνωθι καί τόν μστ΄ καί μζ΄ Ἀποστ. Καί μάλιστα τόν ζ΄ τῆς β΄.
