Περί Κρεσκωνίου τοῦ Βιλλαρεκεντισίου τοῦτο πᾶσιν ἔδοξεν, ἵνα ἐντεῦθεν ὁμοίως ἐμφανισθείη τῷ πρωτεύοντι τῆς Νουμιδίας, πρός τό εἰδέναι αὐτόν ὀφείλειν γράμμασιν οἰκείοις πρός συνέλευσιν προτρέψασθαι τόν μνημονευθέντα Κρεσκώνιον, ὥστε μή ὑπερθέσθαι τήν παρουσίαν αὐτοῦ τῇ πλησιαζούσῃ συμπάσῃ Ἀφρικανῇ συνόδῳ παρασχεῖν· ἐάν δέ τοῦ ἐλθεῖν καταφρονήσῃ, ἔσται εἰδὼς κατ᾽ αὐτοῦ ψῆφον νομοθετηθησομένην.
Καί οὗτος ὁ κανὼν διά τοῦ ἑνός τούτου ἐπισκόπου ἀνάγκην ἐπιτίθησι τοῖς ἐπισκόποις, ἐν ταῖς συνόδοις ἀπαραιτήτως συνέρχεσθαι, καί τοῖς καταφρονοῦσι τῆς συνελεύσεως ἀπειλεῖ. Διά τοῦ Κρεσκωνίου ἐπιτίθησιν ὁ κανὼν ἀνάγκην τοῖς ἐπισκόποις, ἐν ταῖς συνόδοις ἀπαραιτήτως συνέρχεσθαι, καί τοῖς καταφρονοῦσι τῆς συνελεύσεως ἀπειλεῖ κατάκρισιν∙ τό δέ εἶδος ταύτης οὐ λέγει. Ὁ μέν τοι στ΄ κανὼν τῆς ζ΄ συνόδου, τούς μέν κωλύοντας ἄρχοντας γίνεσθαι τάς ἐτησίας συνόδους, ἀφορίζεσθαι διορίζεται, τούς δέ χωρίς εὐλόγου προφάσεως ἀμελοῦντας τούτων μητροπολίτας, τοῖς κανονικοῖς καθυποβάλλει ἐπιτιμίοις∙ ποῖα δέ καί τίνα εἰσί τά ἐπιτίμια, ῥητῶς οὐ γέγραπται∙ ὡς ἔοικεν οὖν, τά ἐν τῷ ἀνωτέρω κανόνι περιεχόμενά εἰσιν. Ἀνάγνωθι καί τόν ῥηθέντα στ΄ κανόνα τῆς ζ΄ συνόδου, καί τόν ὄγδοον τῆς ἐν τῷ Τρούλλῳ, καί τά ἐν αὐτοῖς. Γράμμασι κληθείς εἰς τήν σύνοδον Κρεσκώνιος, εἰ μή παραγένηται, ἴστω ψῆφον κατ’ αὐτόν ἐκφωνηθησομένην. Σαφής. *Στο Πηδάλιο, ο 77ος κανόνας αντιστοιχεί στον 85ο (αρίθμηση Πηδαλίου). Ερμηνεία. Ὁ παρών Κανών διά τοῦ ἑνός τούτου Ἐπισκόπου ἀνάγκην ἐπιφέρει εἰς ὅλους τούς Ἐπισκόπους, ἀπαραιτήτως νά συνάγωνται εἰς τάς ἐνιαυσίους συνόδους. Εἰς δέ τούς καταφρονοῦντας καί μή συνερχομένους κατάκρισιν ἐκκλησιαστικήν ἀπειλεῖ. Ὅρα καί τόν λζ΄ Ἀποστολικόν.
