Ὁμοίως ἤρεσε περί τῶν νηπίων, ὁσάκις μή εὑρίσκονται βέβαιοι μάρτυρες, οἱ ταῦτα ἀναμφιβόλως βαπτισθέντα εἶναι λέγοντες, καί οὐδέ αὐτά διά τήν κεῖραν περί τῆς παραδοθείσης αὐτοῖς μυσταγωγίας ἀποκρίνεσθαι ἐπιτηδείως ἔχουσι, χωρίς τινος προσκόμματος ὀφείλειν ταῦτα βαπτίζεσθαι, μή ποτε ὁ τοιοῦτος δισταγμός ἀποστέρησῃ αὐτά τῆς τοιαύτης τοῦ ἁγιασμοῦ καθάρσεως· ἐκ τούτου γάρ οἱ τοποτηρηταί τῶν Μαύρων ἀδελφοί ἡμῶν τοῦτο ἐβουλεύσαντο, ὅτι πολλούς τοιούτους ἀπό τῶν βαρβάρων ἐξαγοράζονται.
Τοῦτον τόν κανόνα ἄνευ ὀλίγων τινῶν ῥημάτων, καί ἡ ἐν τῷ Τρούλλῳ σύνοδος, ἡ λεγομένη ἕκτη, ἔχει ἀπαραλλάκτως, καί ἐξηγήθη ἐκεῖ. Ἀνάγνωθι τῆς ἐν τῷ Τρούλλῳ συνόδου κανόνα πδ΄ καί εὑρήσεις τήν τοῦ παρόντος κανόνος ἑρμηνείαν ἀπαραλλάκτως ἐκεῖ, καθὼς καί τά ῥήματα τοῦ κανόνος. Τούς ἀμφιγνοουμένους, εἰ ἐβαπτίσθησαν, ἤ μή ἤρεσε βαπτίζεσθαι, μήποτε τῷ δισταγμῶ στερηθῶσι τῆς θείας καθάρσεως. Τό μέν δεύτερόν τινα βαπτισθῆναι, εἰ μή παρά ἀσεβῶν ἐβαπτίσθη, διάφοροι κανόνες ἀπαγορεύουσιν∙ εἰ δέ τις ἀμφιβάλλεται εἰ ἐβαπτίσθη, ὡς μήτε αὐτοῦ τοῦτο εἰδότος διά τήν βρεφικήν ἡλικίαν, μήτε ἑτέρων διαβεβαιουμένων καί μαρτυρούντων ἀναμφιβόλως αὐτόν βαπτισθῆναι, χωρίς τινος ἀμφιβολίας βαπτισθῆναι ὀφείλει, ἵνα μή διά τό ἀμφίβολον στερηθῇ τῆς θείας καθάρσεως. *Στο Πηδάλιο, ο 72ος κανόνας αντιστοιχεί στον 80ο κανόνα (αρίθμηση Πηδαλίου). Ερμηνεία. Οὗτος ὁ κανὼν ἐρανισθείς ἀπό τήν στ΄, πδ΄ αὐτῆς ἐστι, καί ἀνάγνωθι, τήν ἑρμηνείαν αὐτοῦ, αὐτολεξεί ἐκτιθεμένου ἐκεῖσε.
