Μηδένα ἄνευ εἰρηνικῶν δέχεσθαι τῶν ξένων.
Εἴρηται ἐν κανόνι ια΄ τῆς τετάρτης συνόδου, τίνες εἰσίν εἰρηνικαί ἐπιστολαί, καί τίνες συστατικαί. Ξένους οὖν ἐνταῦθα οὐχί τούς τυχόντας λέγει, τούς ἐξ ἄλλης χώρας ἴσως εἰς ἄλλην ἐπιδημοῦντας, ἀλλά τούς κληρικούς τούς ἀπό ἄλλης ἐκκλησίας εἰς ἄλλην ἀπιόντας, οὓς καί μή δέχεσθαι παρά τῶν προεστώτων τῶν ἐκκλησιῶν ἐν αἷς ἀπιᾶσιν, ὁ κανὼν ἐγκελεύεται, εἰ μή εἰρηνικάς ἐπιστολάς ἐπιφέρονται τῶν προεστώτων τῶν ἐκκλησιῶν, ἐξ ὧν ὑπεχώρησαν. Ὁ δέ λγ΄ τῶν Ἀποστόλων κανὼν σαφέστερον τό τῶν ξένων φησί, λέγων∙ Μηδένα τῶν ξένων πρεσβυτέρων, καί διακόνων, ἤ καί ἐπισκόπων, ἄνευ συστατικῶν ἐπιστολῶν προσδέχεσθαι∙ ξενίζεσθαι μέν γάρ αὐτούς ὁ κανών, καί χορηγεῖσθαι αὐτοῖς τά πρός τήν χρείαν παρά τῶν πρός οὓς ἀπῆλθον, ἐπιτρέπει∙ δέχεσθαι δέ εἰς κοινωνίαν ἀπαγορεύει. Ἐν τῷ λγ΄ ἀποστολικῷ κανόνι, καί τῷ ιστ΄ τῆς ἐν Χαλκηδόνι συνόδου, διελήφθησαν τά περί τῶν εἰρηνικῶν καί τῶν συστατικῶν ἐπιστολῶν, καί ὅτι ξένοι εἰσίν οἱ ἀπό ἑτέρων ἐνοριῶν ὁρμώμενοι. Ἀνάγνωθι οὖν τά ἐν ἐκείνοις γραφέντα. Ὁ ξένος, εἰρηνικάς ἐπιστολάς οὐ προσάγων, ἀπρόσδεκτος. Ἐν πολλοῖς εἴρηται κανόσι καί τοῦτο, τό μή τούς ξενοχειροτονήτους προσδέχεσθαι ἄνευ γραμμάτων τοῦ ἐπισκόπου παρ’ οὗ τήν χειροτονίαν ἀνεδέξαντο. Προστάζει ὁ παρών Κανών, κᾀνένας ξένος νά μή δέχεται ἀπό ἄλλον Ἀρχιερέα, ἂν δέν ἔχῃ εἰρηνικά, ἤτοι ἀπολυτικά γράμματα ἀπό τόν Ἀρχιερέα του, περί οὗ ὅρα τήν ὑποσημείωσιν τοῦ ιβ΄ Ἀποστολικοῦ.
