Κἀκεῖνο ἔτι μήν δεῖ αἰτῆσαι, ἵνα τά θεώρια τῶν θεατρικῶν παιγνίων, ἐν τῇ Κυριακῇ, καί ἐν ταῖς λοιπαῖς φαιδραῖς τῆς τῶν Χριστιανῶν πίστεως ἡμέραις κωλύωνται· μάλιστα, ὅτι ἐν τῇ ὀγδοάδι τοῦ ἁγίου Πάσχα, οἱ ὄχλοι μᾶλλον εἰς τό ἱπποδρόμιον, ἥπερ εἰς τήν ἐκκλησίαν συνέρχονται, ὀφείλειν μετενεχθῆναι τάς ὡρισμένας αὐτῶν ἡμέρας, ὅτε ἀπαντήσει, καί μή ὀφείλειν τινά τῶν Χριστιανῶν πρός τά θεώρια ταῦτα ἀναγκάζεσθαι.
Μήτε θεώρια ἐν Κυριακαῖς, ἤ ἐν ἑορτασίμοις ἡμέραις γίνεσθαι, μήτε ἱπποδρομίας ἐν τῇ ἑβδομάδι τοῦ Πάσχα, ἵνα μή ἐν αὐτοῖς σχολάζωσιν οἱ Χριστιανοί καταλιμπάνοντες τάς ἐκκλησίας, ἡ σύνοδος ᾔτησε, μετατεθῆναι δέ τῆς ἡμέρας τῆς τῶν ἵππων ἁμίλλης, καί μηδένα τῶν πιστῶν ἀναγκάζεσθαι εἰς τά θέατρα ἀπιέναι. Καί ὁ ξστ΄ δέ τῆς ἐν τῷ Τρούλλῳ συνόδου κανών, τήν ὅλην ἑβδομάδα τοῦ Πάσχα ἐν ταῖς ἐκκλησίαις σχολάζειν ἀπαιτεῖ τούς πιστούς, ἐν ψαλμοῖς καί ὕμνοις, καί τάς ἱπποδρομίας κωλύει. Ἐν ταῖς Κυριακαῖς, καί ἐν ταῖς λοιπαῖς ἑορταῖς, καί ἐν τῇ μεγάλῃ ἑβδομάδι τοῦ Πάσχα, ἐγίνοντο ἱπποδρόμια καί λοιπά θεώρια. Τετύπωται οὖν παράκλησιν γενέσθαι πρός τούς βασιλεῖς, ἵνα τοῦτο κωλυθῇ, καί μετενεχθῶσι τά τῶν τοιούτων ἡμερῶν εἰς ἑτέρας ἡμέρας. Ἀνάγνωθι καί τῆς ἐν τῷ Τρούλλῳ συνόδου κανόνα ξστ΄. Θέατρα Κυριακαῖς καί ἑορταῖς οὐ συνάγονται. Ἐν γάρ ταῖς φαιδραῖς ταύταις ἡμέραις εἰς τήν ἐκκλησίαν πρέπον ἐστί συνάγεσθαι τούς Χριστιανούς∙ καί οὐ δεῖ τελεῖσθαι ἐν αὐταῖς ἱπποδρόμια. *Στο Πηδάλιο, ο 61ος κανόνας αντιστοιχεί στον 70ο κανόνα (αρίθμηση Πηδαλίου). Ερμηνεία. Ζητεῖ διά τοῦ παρόντος κανόνος ἡ σύνοδος, ἵνα διά προσταγῆς Βασιλικῆς μή γίνωνται τρεξίματα ἀλόγων, ἤ ἄλλων ζώων, παιγνίδια εἰς τάς Κυριακάς, καί εἰς τάς ἄλλας ἐορτασίμους ἡμέρας. Μάλιστα δέ εἰς τήν Διακαινίσιμον ἑβδομάδα τοῦ Πάσχα, ἐπειδή περισσότερον συναθροίζονται οἱ Χριστιανοί εἰς τά θέατρα ταῦτα πάρεξ εἰς τήν ἐκκλησίαν. Καί ὅτι κᾀνένας Χριστιανός νά μήν ἀναγκάζεται νά πηγαίνῃ εἰς αὐτά. Νά μετατεθοῦν δέ ταῦτα εἰς ἄλλας ἡμέρας. Ὅρα καί τόν κδ΄ τῆς στ΄.
