Ἡ παρθενίαν ὁμολογήσασα καί ἐκπεσοῦσα τῆς ἐπαγγελίας, τόν χρόνον τοῦ ἐπί τῆς μοιχείας ἁμαρτήματος ἐν τῇ οἰκονομίᾳ τῆς καθ᾿ ἑαυτήν ζωῆς πληρώσει. Τό αὐτό καί ἐπί βίον μοναζόντων ἐπαγγειλαμένων καί ἐκπιπτόντων.
Ἰδού κἀνταῦθα ὁ ἅγιος οὗτος βαρύτερον κατά τό πολλαπλάσιον κολάξει τήν παρθενίαν ὁμολογήσασαν, καί ψευσαμένην τήν ἐπαγγελίαν. Τοῦ γάρ ἐννεακαιδεκάτου κανόνος τῆς ἐν Ἀγκύρᾳ συνόδου, οὕτω ῥητῶς περιέχοντος, Ὅσοι παρθενίαν ἐπαγγελλόμενοι, ἀθετοῦσι τήν ἐπαγγελίαν, τόν τῶν διγάμων ὅρον ἐκπληρούτωσαν, οὗτος, τόν χρόνον, φησί, τοῦ τῆς μοιχείας ἁμαρτήματος ἐκπληρώσει. Ἔστι δέ τό μέν τῶν διγάμων ἐπιτίμιον, ἀκοινωνησία ἐπί ἐνιαυτόν, τό δέ γε τῆς μοιχείας, ἐπί ἐνιαυτούς πεντεκαίδεκα. Ζήτει κανόνα ιη΄. Πολλάκις εἴπομεν, ὅτι παρθένοι γυναῖκες ἀνετίθεντο ταῖς ἐκκλησίαις μετά λαϊκοῦ σχήματος, καί ἀνετρέφοντο παρά τῶν ἐπισκόπων ὡς ἐπαγγειλάμεναι παρθενεύειν καί προσεδρεύειν ταῖς ἐκκλησίαις, Τήν γοῦν παρθένον ταύτην τήν ταῦτα ἐπαγγειλαμένην, ἐκπεσοῦσαν, ἥτοι πορνεύσασαν, ὁρίζει ὁ ἅγιος κατά τάς μοιχαλίδας οἰκονομεῖσθαι, ἤτοι ἐπιτιμᾶσθαι∙ καί οὐ μόνον ταύτας, ἀλλά καί τάς μοναχάς, καί τούς μοναχούς ὁμοίως μετά ἐπιστροφήν θεραπεύεσθαι. Μή ἐναντιωθῇ δέ σοι ὁ ιθ΄ κανὼν τῆς ἐν ᾿Αγκύρᾳ συνόδου, διοριζόμενος τάς ἐκπεσούσας παρθένους τῷ ἐπιτιμίῳ τῶν διγάμων ὑποκεῖσθαι∙ ἀνῃρέθη γάρ ἀπό τοῦ παρόντος κανόνος μεταγενεστέρου ὄντος κατά πολύ. Ἀνάγνωθι καί τόν ιη΄ κανόνα τοῦ παρόντος ἁγίου Πατρός∙ καί σημείωσαι, ὅτι ἀπό τοῦ παρόντος κανόνος οἱ πορνεύοντες μοναχοί καί μη καθαιρούμενοι, ὡς μή ἔχοντες σφραγίδα ἀναγνώστου ἀπό τοῦ ἡγουμένου αὐτῶν, ἤ χειροτονίαν ἐπισκοπικήν, μετά ἀπόστασιν δεχόμενοι, κατά τούς μοιχούς ἐπιτιμῶνται∙ ὡσαύτως καί αἱ ἀσκήτριαι, καί αἱ μοναχαί. Ἀνάγνωθι καί τοῦ ια΄ τίτλου τοῦ παρόντος συντάγματος κεφ. ε΄ καί θ΄. Ἡ παρθενίαν ὁμολογήσασα, καί ἐκπεσοῦσα, τόν χρόνον τοῦ μοιχεύσαντος, πληρώσει. Τό αὐτό καί ἐπί τῶν μονάζειν ἐπαγγειλαμένων, καί ἐκπεσόντων. Σαφής. Ὁ Κανὼν οὗτος εἰς τό τῆς μοιχείας ἐπιτίμιον ὑποβάλλει, ἤτοι δεκαπέντε χρόνους κανονίζει, τάς Καλογραίας, καί τούς Μοναχούς, ὁποῦ ἤ πορνεύσουν, ἤ ὑπανδρευθοῦν. Ὅρα καί τόν ιστ΄ τῆς δ΄ καί τόν ιθ΄ τῆς ἐν Ἀγκύρᾳ.
