Περί Ἰακὼβ χρή ζητῆσαι, εἰ ἀναγνώστης ὤν, ἐγκλήματι πορνείας ὑπεύθυνος ἐδείχθη καί παρά τῶν πρεσβυτέρων ἐξεβλήθη, εἶτα κεχειροτόνηται, οὗτος βαλλέσθω, ἀκριβοῦς ἐξετάσεως γενομένης καί μή μόνον ἐκ ψιθυρισμῶν ἤ κακολογιῶν ὑποψίας εἰς αὐτόν γενομένης. Εἰ δέ μή εὑρεθείη ὑπεύθυνος, μενέτω ἐν τῷ κλήρῳ, οὐ γάρ δεῖ ταῖς ματαίαις διαβολαῖς προσέχειν.
Ἰακώβ τις ἀναγνώστης ἐλέγετο εἶναι∙ καἰ ἐπί πορνείᾳ διαβληθῆναι, καί ἐκβληθῆναι τοῦ κλήρου∙ εἶτα εἰς μείζονα χειροτονηθῆναι βαθμόν. Γράφει οὖν ὁ Θεόφιλος, ὅτι ἐξετάσεως ἀκριβοῦς γενομένης, ἐάν εὑρεθῇ ἡμαρτηκὼς, ἐκβληθήτω τοῦ κλήρου∙ οὐ δεῖ γάρ ἐκ ψιθυρισμῶν, ἤτοι λαθραίας καταλαλιᾶς, ἤ καί κακολογιῶν, ἦτοι λοιδοριῶν φανερῶν ὑποψίας γενομένης, κατακρίνεσθαί τινα∙ εἰ δέ τῆς ὑποθέσεως ἐξεταζομένης ἀνεύθυνος εὑρεθείη, μενέτω ἐν τῷ κλήρῳ. Ἰακὼβ, εἰ ἀναγνώστης ὤν πεπόρνευκε, καί παρά τῶν πρεσβυτέρων ἐκβληθείς, αὖθις ἐχειροτονήθη, ἐκβαλέσθω ἐλεγχθείς∙ εἰ δέ μή, μενέτω ἐν τῷ κλήρῳ∙ ματαίαις γάρ οὐ δεῖ προσέχειν διαβολαῖς. Ὁ Ἰακὼβ οὗτος ἐφημίζετο, ὅτι ἦτον Ἀναγνώστης, καί ἐπειδή ἐκατηγορήθη, ὅτι ἐπόρνευσεν, ἐδιώχθη ἀπό τόν Κλῆρον παρά τῶν Ἱερέων, ἔπειτα ἐχειροτονήθη, εἰς μεγαλήτερον βαθμόν. Διά τοῦτο λέγει ὁ παρών κανών, ὅτι νά γένῃ πρῶτον ἀκριβής ἐξέτασις περί τούτου, καί ἂν μέν εὑρεθῇ ὑπεύθυνος εἰς τήν κατηγορίαν τῆς πορνείας νά ἐκβάλλεται ἀπό τόν Κλῆρον. Εἰ δέ εὑρεθῇ καθαρός ἀπό αὐτήν, νά μένῃ εἰς τόν Κλῆρον. Εἶπα δέ νά γένῃ ἀκριβῆς ἐξέτασις περί τούτου. Ἐπειδή δέν πρέπει τινάς ἀπό μοναχάς κατηγορίας ἐξ ὑποψίας γενομένας, νά καθαιρῆται, ἀλλ’ οὔτε πρέπει τινάς νά προσέχῃ εἰς ματαίας καί ἀναποδείκτους διαβολάς. Ὅρα καί τόν θ΄ τῆς α΄.
