Περί τοῦ μή συγχωρεῖν τοῖς αἱρετικοῖς εἰσιέναι εἰς τόν οἶκον τοῦ Θεοῦ, ἐπιμένοντας τῇ αἱρέσει.
Οἱ αἱρέσεσι περιπεσόντες, καί μένοντες ἐν αὐταῖς, τῆς ἐκκλησίας ἐξοστρακίζονται, ὡς ταύτης ἀλλότριοι. Πῶς οὖν εἰς τόν οἶκον τοῦ Θεοῦ συγχωρηθήσονται εἰσιέναι; Ὁ δέ ἀρχιεπίσκοπος Ἀλεξανδρείας Τιμόθεος περί τούτου ἐρωτηθείς, ἀπεκρίνατο ἐν κανόνι θ΄ ὅτι οὐκ ὀφείλουσιν ἐν εὐχῇ παρεῖναι αἱρετικοί, εἰ μή ἐπαγγέλλονται μετανοεῖν, καί ἐκφεύγειν τήν αἵρεσιν. Σαφής ὁ κανών∙ οὐ γάρ συγχωρεῖ τοῖς αἱρετικοῖς ἐπιμένουσι τῇ αἱρέσει συνεκκλησιάζειν μετά ὀρθοδόξων. Ἀνάγνωθι καί τόν θ΄ κανόνα τοῦ ἀρχιεπισκόπου Ἀλεξανδρείας Τιμοθέου. Αἱρετικοῖς τό ἱερόν ἀνεπίβατον. Οὐ συγχωροῦνται αἱρετικοί εἰς τόν οἶκον τοῦ Θεοῦ εἰσιέναι∙ κᾂν ὁ μέγας Βασίλειος, οὔπω τοῦ κανόνος τούτου ἐκτεθέντος, τῷ πληρώματι τῶν πιστῶν Οὐάλεντα παρεδέξατο. Ὁ διορισμός τοῦ παρόντος κανόνος εἶναι, νά μήν ἔχουν τήν ἄδειαν οἱ αἱρετικοί νά ἐμβαίνουν μέσα εἰς τόν ναόν τοῦ Θεοῦ, τόν ὑπό ὀρθοδόξων κρατούμενον, ἐάν ἐπιμένουν εἰς τήν αἵρεσιν, καί δέν θέλουν νά ἐπιστραφοῦν. Ἀνάγνωθι καί τόν με΄ Ἀποστολικόν.
