Ὁμοίως δέ καί εἴ τινες βουληθεῖεν, τά περί ἑκάστου πεπραγμένα ἐν τῇ ἁγίᾳ συνόδῳ, τῇ ἐν Ἐφέσῳ, οἱῳδήποτε τρόπῳ παρασαλεύειν, ἡ ἁγία σύνοδος ὥρισεν, εἰ μέν ἐπίσκοποι εἶεν, ἤ κληρικοί, τοῦ οἰκείου παντελῶς ἀποπίπτειν βαθμοῦ· εἰ δέ λαϊκοί, ἀκοινωνήτους ὑπάρχειν.
Οἱ μέν ἀνωτέρω κανόνες, ἰδικῶς περί τῶν ὁμοφρονησάντων τοῖς ἀποστατήσασι καί ἐναντιωθεῖσι τῇ συνόδῳ, καί τά Νεστορίου πρεσβεύουσι, διετάξαντο. Οὗτος δέ ὁ παρών, κοινῶς πάντας τούς ἀνατρέπειν τι τῶν δοξάντων τῇ ἁγίᾳ συνόδῳ ἐπιχειροῦντας καταδικάζει. Καί τούς μέν ἱερωμένους ποιεῖται ὑπό καθαίρεσιν, τοῖς δέ λαϊκοῖς ἀκοινωνησίαν ἐπάγει. Ταῦτα μέν οὖν ἐν Ἐφέσῳ ἐπράχθησαν∙ ἐπεί δέ κατ’ ἀλλήλων οἱ ἀρχιερεῖς ἐγένοντο, καί σχίσμα ἦν παρ’ αὐτοῖς, ὁ βασιλεύς πάντας εἰς τήν βασιλίδα τῶν πόλεων μετεκαλέσατο, καί συνεβίβασε, καί εἰρήνευσε∙ καί ὁ Θεοδώρητος τά παρ’ αὐτοῦ γραφέντα κεφάλαια δι’ ἔριν κατέθετο συγγράψασθαι, καί ἀπεβάλετο ταῦτα, καί τοῖς ψηφισθεῖσι παρά τῆς συνόδου συνέθετο, καί τῇ τοῦ Νεστορίου καθαιρέσει κᾀκεῖνος, καί οἱ λοιποί συνευδόκησαν. Συμβόλου δέ δυσσεβοῦς ἐκτεθέντος παρά τοῦ Νεστορίου, καί προκομισθέντος τῇ συνόδῳ, καί ἀναγνωσθέντος ἐκείνου τε καί τοῦ παρά τῶν τριακοσίων δέκα καί ὀκτώ ἁγίων Πατέρων, τῶν ἐν τῇ πρώτῃ συνόδῳ, ἐξεφωνήθη ὁ κανών οὗτος. Σαφής ἐστιν ὁ κανών∙ διορίζεται γάρ τούς παρασαλεύοντας τά ἐν τῇ ἐν Ἐφέσῳ πεπραγμένα, κληρικούς μέν ὄντας, καθαιρεῖσθαι, λαϊκούς δέ, ἀκοινωνήτους εἶναι. Ὁ δέ ζ΄ κανών ἀναθεματίζεσθαι λέγει τούς λαϊκούς, τούς ἐναντία φρονοῦντας τῷ δόγματι∙ καί μή ἑναντιωθῇ σοι. Ἔστι γάρ μεγάλη διαφορά τοῦ ἐναντιοῦσθαι, καί τοῦ ἀμφιβάλλειν τινά περί τινος πράγματος∙ καί διά τοῦτο ὁ μέν ἀμφιβάλλων περί τῶν ἤδη καλῶς προκυρωθέντων, ἀφορισθήσεται∙ ὁ δέ ἐναντιούμενος τούτοις, ὡς ἐναντιόφρων, ἀναθεματισθήσεται. Ἀκοινώνητος ὁ λαϊκός, ὁ ἀντοφθαλμῶν τῇ συνόδῳ∙ ὁ κληρικός ἔτι καί ἀποκήρυκτος. Ὁ τά παρά τῆς ἐν Ἐφέσῳ συνόδου πραχθέντα ἀνακρίνων, ἤ ὅλως παρασαλεύων, εἰ μέν ἐπίσκοπός ἐστιν, ἤ κληρικός, τοῦ οἰκείου βαθμοῦ παντελῶς ἐκπιπτέτω∙ εἰ δέ λαϊκός, ἔστω ἀκοινώνητος. Οἱ μέν ἀνωτέρω κανόνες μερικώτεροί εἰσιν, οὗτος δέ κοινῶς διορίζεται, ὅτι, ὅσοι ἤθελαν τολμήσουν νά παρασαλεύσουν μέ οἱονδήτινα τρόπον τά περί ἑκάστου ζητήματος πραχθέντα ἐν τῇ ἐν Ἐφέσῳ Συνόδῳ, οὗτοι, εἰμέν Ἐπίσκοποι εἶναι, ἤ κληρικοί, νά καθαιροῦνται∙ εἰ δέ λαϊκοί, νά ἀφορίζωνται.
