Ὁ πόρνος ἐν ἑπτά ἔτεσιν ἀκοινώνητος ἔσται τῶν ἁγιασμάτων· δύο προσκλαίων καί δύο ἀκροώμενος καί δύο ὑποπίπτων καί ἐν ἑνί συνεστὼς μόνον, τῷ ὀγδόῳ δέ δεχθήσεται εἰς τήν κοινωνίαν.
Ἐν τῷ κβ΄ κανόνι ὁ ἅγιος οὗτος περί τῶν ἐξ ἁρπαγῆς φθειράντων γυναῖκας διαταττόμενος, καί προϊὼν λέγει∙ Ἔστι δέ ἡ τῆς πορνείας ἐπιτίμησις ἐν τέσσαρσιν ἔτεσιν ὡρισμένη∙ χρή δέ τῷ πρώτῳ ἐκβάλλεσθαι τῶν προσευχῶν, καί προσκλαίειν αὐτόν τῇ θύρᾳ τῆς ἐκκλησίας∙ τῷ δευτέρῳ δεχθῆναι εἰς ἀκρόασιν, τῷ τρίτῳ εἰς μετάνοιαν, τῷ τετάρτῳ εἰς σύστασιν μετά τοῦ λαοῦ, ἀπεχόμενον τῆς προσφορᾶς∙ εἶτα αὐτῷ ἐπιτρέπεσθαι τήν κοινωνίαν τοῦ ἀγαθοῦ∙ ἐνταῦθα δέ ἑπταετίαν ὁρίζει τῆς πορνείας τό ἐπιτίμιον. Ἔοικεν οὖν ὁ αὐτός ἑαυτῷ ἐναντιοῦσθαι, ἀλλ᾽ οὐκ οἶμαι. Τήν μέν γάρ τετραετίαν ὡς διαταγήν τῶν πρό αὐτοῦ εἰσήνεγκε∙ καί τοῦτο δηλοῦται ἐκ τοῦ εἰπεῖν∙ Ἔστιν ἡ τῆς πορνείας ἐπιτίμησις ἐν τέσσαρσιν ἔτεσιν ὡρισμένη, ἤγουν παρά τῶν πρό ἡμῶν διατεταγμένη∙ τήν δέ ἑπταετίαν, ὡς οἰκείαν γνώμην εἰσήγαγε, βαρύτερον κολάζων τήν πορνείαν, ὡς καί ἄλλα τῶν ἁμαρτημάτων πολλά. Εἰ καί σαφέστατά εἰσι τά ἐν τοῖς παροῦσι δυσί κανόσι διορισθέντα κατά τήν φράσιν, ἀλλά κατά τήν πρᾶξιν πάντῃ δυσχερέστατα εἰσίν∙ οὐδείς γάρ κατά τήν τούτων περίληψιν θεραπεύεται∙ καί εἰ μή τό ἄφατον ἔλεος τοῦ φιλανθρώπου Θεοῦ, ἀπώλετο ἂν πᾶσα σάρξ. Μή ἐναντιωθῇ δέ σοι ὁ κβ΄ κανὼν τοῦ ἁγίου Πατρός, λέγοντος, τούς ἐξ ἁρπαγῆς φθείροντας γυναῖκας ἐπί τετραετίαν ἐπιτιμᾶσθαι∙ ἐκεῖσε μέν γάρ ὁ ἅγιος τῶν πρό αὐτοῦ Πατέρων ἐδήλωσε τήν διαταγήν∙ ἀρτίως δέ τήν οἰκείαν γνώμην ἐξήνεγκεν. Κανὼν νη΄. Ὁ μοιχεύσας δεκαπέντε ἔτη οὐ κοινωνήσει∙ τέσσαρα προσκλαίων, πέντε ἀκροώμενος, τέσσαρα ὑποπίπτων, καί δύο συνεστὼς ἄνευ κοινωνίας. Σαφής. Κανὼν νθ΄. Ὁ πόρνος ἑπτά∙ δύο προσκλαίων, δύο ἀκροώμενος, δύο ὑποπίπτων, καί ἑνί συνεστὼς, τῷ ὀγδόῳ δεχθήσεται εἰς κοινωνίαν. Σαφής. Ὁ κανὼν οὗτος κανονίζει τόν πόρνον ἑπτά χρόνους νά ἀπέχῃ τῶν μυστηρίων. Καί δύω μέν νά προσκλαίῃ, δύω δέ νά ἀκροᾶται, δύω νά ὑποπίπτῃ, ἕνα νά συνίσταται μέ τούς πιστούς, καί εἰς τόν ὄγδοον χρόνον νά μεταλαμβάνῃ. Ὁ Κανὼν οὗτος διορισμός ἐστιν ἴδιος τοῦ Βασιλείου, καί ἐπιτίμιον. Δι’ ὅ καί βαρυτερόν ἐστι. Καί ὅρα τόν κβ΄ κανόνα αὐτοῦ, καί τήν εἰς ἐκεῖνον ὑποσημείωσιν.
