Ὅτι οὐ δεῖ ἐν τοῖς οἴκοις προσφοράν γίνεσθαι παρά ἐπισκόπων ἤ πρεσβυτέρων.
Εὔχεσθαι μέν πανταχοῦ τούς πιστούς οὐ κεκώλυται, καί ἐν οἴκοις, καί ἐν ἀγροῖς, καί ἐν παντί τόπῳ τῆς δεσποτείας αὐτοῦ∙ προσφέρειν δέ, ἤγουν προσκομιδήν ποιεῖν, εἰ μή ἐν ναῷ καί θυσιαστηρίῳ, οὐ δεῖ. Οὔτε οὖν ἐπισκόποις, οὔτε πρεσβυτέροις παραχωρεῖ τοῦτο ποιεῖν. Τοῦτο ἐξεχωρήθη ἀπό νεαρᾶς τοῦ βασιλέως κυροῦ Λέοντος τοῦ Σοφοῦ. Ἀνάγνωθι καί συνόδου στ΄ κανόνα λα΄ καί νθ΄. Ἐπίσκοπος, ἤ πρεσβύτερος εἰς οἶκον μή προσφερέτω. Εἰς οἶκον ἡ ἀναίμακτος οὐ τελεῖται θυσία, οὔτε παρ’ ἐπισκόπου ἤ πρεσβυτέρου∙ ἀλλ’ ἐν τῇ καθολικῇ ἐκκλησίᾳ προσφέρειν δεῖ. Πλήν ὁ τριακοστός πρῶτος κανών τῆς ἐν τῷ Τρούλλῳ ἕκτης συνόδου συγχωρεῖ, κατά γνώμην τοῦ ἐπισκόπου, καί ἐν τοῖς εὐκτηρίοις οἴκοις, τοῖς ἔνδον οἰκίας τυγχάνουσι, λειτουργίας τελεῖσθαι∙ βάπτισμα δέ μηδ’ ὅλως∙ ἀλλ’ ἐν ταῖς καθολικαῖς καί μόναις ἐκκλησίαις τοῦ ἀχράντου καταξιοῦσθαι φωτίσματος τούς μέλλοντας βαπτισθῆναι, ὡς ὁ πεντηκοστός ἔννατος κανών τῆς αὐτῆς συνόδου διαλαμβάνει. Διορίζει ὁ παρών Κανών, ὅτι δέν πρέπει νά γίνεται λειτουργία οὔτε ἀπό Ἀρχιερέα, οὔτε ἀπό Ἱερέα μέσα εἰς κοινά ὀσπήτια, ἀλλ’ εἰς ἐκκλησίαν, ἤ εἰς εὐκτήριον οἶκον. Ὅρα τόν λα΄ τῆς στ΄.
