Μηδένα τῶν ἁπάντων εἴτε λαϊκῶν, εἴτε κληρικῶν, κυβεύειν, ἀπό τοῦ νῦν· εἰ δέ τις τοιοῦτο φωραθείη πράττων, εἰ μέν κληρικός εἴη, καθαιρείσθω· εἰ δέ λαϊκός, ἀφοριζέσθω.
Καί ὁ μβ΄ καί ὁ μγ΄ τῶν ἁγίων Ἀποστόλων κανών τοῦτο κωλύουσιν. Ἐν τῷ μβ΄ καί ἐν τῷ μγ΄ κανόνι τῶν ἁγίων Ἀποστόλων γέγραπται, τούς κυβεύοντας παύεσθαι, ἤ μήν καθαιρεῖσθαι, ἤ ἀφορίζεσθαι. Ὁ δέ παρών κανών διορίζεται, ἀπεντεῦθεν καθαιρεῖσθαι τούς ἱερωμένους κυβεύοντας, καί τούς λαϊκούς, ἀφορίζεσθαι. Ἀνάγνωθι καί κεφ. κζ΄ καί λθ΄, τοῦ θ΄ τίτλου τοῦ παρόντος συντάγματος, καί τά ἐν τούτοις γραφέντα. Ζητεῖται δέ, ὡς τοῦ παρόντος κανόνος μή διοριζομένου ἀκολούθως τοῖς ἀποστολικοῖς κανόσι, μετά παραγγελίαν κολάζεσθαι τούς κυβεύοντας, τίνι προσέχειν ὀφείλομεν; Καί τέως, ἐμοί δοκεῖ, τοῖς ἀποστολικοῖς κανόσιν, ὡς καί φιλανθρωποτέροις, καί ὅτι ἡ παροῦσα σύνοδος ἐν κανόνι αὐτῆς ἐννάτῳ περί κληρικοῦ προϊσταμένου καπηλικοῦ ἐργαστηρίου διαταττομένη, οὐκ ἀπεντεῦθεν τοῦτον κολάζει, ἀλλά φησιν, ἤ παυσάσθω, ἤ καθαιρείσθω. Οὐδέ τόν λαϊκόν κυβεύειν δέον. Σαφής. Ἐμποδίζουσιν οἱ Πατέρες οὗτοι τό νά παίζῃ κύβους, ἤτοι ἀζάρια, ἤ χαρτία, ἤ ντάμα, ἤ ἄλλα τοιαῦτα παιγνίδια, κᾀνένας Λαϊκός, ἤ Κληρικός. Ὅποιος δέ ὕστερα ἀπό τόν Κανόνα τοῦτον, ἤθελε παίξει ταῦτα. Εἰ μέν Κληρικός εἶναι, νά καθῄρεται, εἰ δέ Λαϊκός, νά ἀφορίζεται. Ὅρα καί τόν μβ΄ Ἀποστολικόν.
