Περί τῶν μεταβαινόντων ἀπό πόλεως εἰς πόλιν ἐπισκόπων, ἤ κληρικῶν, ἔδοξε τούς περί τούτων τεθέντας κανόνας παρά τῶν ἁγίων Πατέρων ἔχειν τήν ἰσχύν.
Κανόνες διάφοροι τῶν ἁγίων Ἀποστόλων περί τῆς ὑποθέσεως ταύτης εἰσίν, οἵ καί ἐξηγήθησαν∙ ἀλλά μήν καί διαφόρων συνόδων∙ οὕς καί κρατεῖν ὁ παρών κανών διατάττεται∙ τό γοῦν πάλιν τά αὐτά ἐξηγεῖσθαι, περιττόν, ἤ καί ματαιοπονία ἐστίν. Ὁ δέ βουλόμενος γνῶναι, τί περί τῆς ὑποθέσεως ταύτης οἱ κανόνες ἐκεῖνοι ὁρίζουσι, ζητησάτω αὐτούς, καί γνώσεται τά ὁρισθέντα, καί πότε, καί πῶς ἐπίσκοπος ἐκ τῆς ίδίας πόλεως ἄπεισιν εἰς ἑτέραν. Διαφόρως ἐξηγήθησαν τά τοῦ τοιούτου κανόνος, καί οὐ χρή περί τῶν αὐτῶν ματαιοπονεῖν. Οἱ μεταβαίνοντες ἐκ πόλεως εἰς πόλιν, τούς περί τούτων κανόνας ὑποβλεπέτωσαν. Εἴρηται καί ἐν τῷ τρισκαιδεκάτῳ κανόνι τῆς ἐν Ἀντιοχείᾳ συνόδου, μή τολμᾷν ἐπίσκοπον μεταβαίνειν έκ τῆς ἰδίας ἐπαρχίας εἰς ἑτέραν, καί χειροτονεῖν τινας, ἄνευ γνώμης τοῦ κατά χώραν ἐπισκόπου, ἤ ἕτερόν τι ἐπισκοπικόν δίκαιον πράττειν∙ εἰ μή βούλεται καί τά ὑπ’ αὐτοῦ πραττόμενα ἄκυρα μένειν, καί αὐτόν δίκην δοῦναι τῆς ἀταξίας αὐτοῦ, καθῃρημένον ἐντεῦθεν ὄντα ὑπό τῆς ἁγίας Τριάδος∙ τοῦτο γοῦν καί ἐνταῦθα ὁ κανών οὗτος ὁρίζει. Ὁ Κανὼν οὗτος διορίζεται νά ἔχωσι τό κῦρος οἱ κανόνες ἐκεῖνοι ὁποῦ ἐξεδόθησαν ἀπό τούς ἁγίους Πατέρας, οἱ κωλύοντες τάς ἀπό μιᾶς πόλεως, ἤ ἐπαρχίας, εἰς ἄλλην πόλιν, καί ἐπαρχίαν μεταβάσεις, τόσον τῶν Ἐπισκόπων, ὄσον καί τῶν Κληρικῶν, καί ἀνάγνωθι αὐτούς ἐν τῷ ιδ΄ καί ιε΄ Ἀποστολικῷ.
