Αἱ πρός ἀνάγκην γινόμεναι φθοραί, ἀνεύθυνοι ἔστωσαν. Ὥστε καί ἡ δούλη, εἰ ἐβιάσθη παρά τοῦ ἰδίου δεσπότου, ἀνεύθυνός ἐστιν.
Τάς βιαίως γινομένας φθοράς γυναιξἰν, οὐκ εἰς ἁμαρτίαν χρή λογίζεσθαι∙ εἰ γάρ δούλην τις οἰκείαν βιάζηται, ἡ δέ ἄκουσα τῷ τοῦ δεσπότου ὑποκύψει θελήματι, οὐκ ἐπιτιμηθήσεται ὡς πορνεύουσα∙ οὔτε εἴ τις ἡρπάγη παρά τινος ἀκουσίως καί ἐφθάρη, καί ὅσαι ὁμοιοτρόπως ἐφθάρησαν. Ζήτει τοῦ ἁγίου Γρηγορίου τοῦ Θαυματουργοῦ κανόνα δεύτερον. Ἡ παροῦσα ἀπόκρισις ἐξεφωνήθη χάριν δούλης τινός, κατά βίαν ὑπό τοῦ ἰδίου δεσπότου πορνευθείσης. Φησί γάρ, ὡς, ἐπεί καί πᾶσαι ἄλλαι φθοραί αἱ κατ᾽ ἀνάγκην καί βίαν γινόμεναι, παρά τῶν πολεμίων δηλαδή πρός τάς αἰχμαλώτους, καί παρά ἀρχοντικῶν προσώπων πρός τάς ὑπ᾽ αὐτῶν ἀρχομένας, ἐξ ἀνάγκης καί ἡ δούλη ἡ κατά βίαν συμφθαρεῖσα τῷ ἰδίῳ δεσπότῃ, οὐχ ὑποπεσεῖται τοῖς τῶν πορνευόντων ἐπιτιμίοις. Ἀνάγνωθι κανόνα α΄ τοῦ ἁγίου Διονυσίου ἀρχιεπισκόπου Ἀλεξανδρείας ἐκ τοῦ λόγου αὐτοῦ τοῦ εἰς τό Πάσχα. Ταῦτα δέ, ὡς ἐμοί δοκεῖ, κρατήσουσιν, ὅσον εἰς τό μή ἐπιτιμηθῆναι διά τήν φθορἁν τῆς πορνείας τάς φθαρείσας∙ ἐπείτοι γε ἂν κατά βίαν ἤ ἄγνοιαν ἐμπέσῃ τις εἰς πρᾶγμα κωλύον αὐτόν ἀπό διακονίας ἱερατικῆς, οὐκ ὠφεληθήσεται εἰς τό εἶναι καί ἐφεξῆς μετά τῶν ἱερωμένων διά τό μή κατά οἰκείαν γνώμην ἐμπεσεῖν εἰς τό κακόν, ἀλλά καθαιρεθήσεται∙ καί ἀνάγνωθι τόν α΄ κανόνα τῆς ἐν Ἀγκύρᾳ συνόδου, καί τόν κζ΄ κανόνα τοῦ παρόντος ἁγίου Πατρός. Διά γάρ τοῦτο, ὡς οἴομαι, οὐδέ οἱ κατά αὐθεντίαν βασιλικήν ἀποκειρόμενοι δύνανται μετασχηματίζεσθαι, προβαλλόμενοι τόν παρόντα κανόνα τοῦ ἁγίου Βασιλείου, ἀλλ᾽ ἔσονται ἐξ ἀνάγκης μοναχοί, κᾂν κατά βίαν ἀπεκάρησαν∙ ὥσπερ καί ἡ κατά βίαν φθαρεῖσα, ἐάν ἦν διακόνισσα, ἐπιτιμίῳ μέν οὐχ ὑποπεσεῖται, διακονικόν δέ τι οὐκ ἐνεργήσει, διά τό παροχωρήσει Θεοῦ ἐμπεσεῖν αὐτόν εἰς κακόν, ἀφαιρούμενον ἐξ αὐτῆς τήν διακονικήν ἀξίαν. Φθορά κατηναγκασμένη, ἀνεύθυνος∙ καί δούλη βιαζομένη παρά δεσπότου, ἀνεύθυνος. Ἡ βιασθεῖσα παρά τοῦ ἰδίου δεσπότου δούλη, ἀνεπιτίμητος. Αἱ βιαίως γινόμεναι εἰς τάς γυναῖκας φθοραί, διορίζει ὁ παρών κανών, εἰς ἁμαρτίαν νά μή λογίζωνται, διά τό ἀκούσιον, καί ἀκολούθως νά μήν ἐπιτιμῶνται. Ὥστε, καί ἂν ἡ δούλη βιασθῇ ἀπό τόν αὐθέντην της, ἀνεπιτίμητος εἶναι. Ὁμοίως καί ὅσαι ἄλλαι τοιουτοτρόπως ἐκ βίας φθαροῦν. Ὅρα καί τόν β΄ Γρηγορίου τοῦ Θαυματουργοῦ.
