Ὅτι οὐ δεῖ ὑπηρέτας, κᾂν βραχύ, τάς θύρας ἐγκαταλείπειν, καί τῇ εὐχῇ σχολάζειν.
Ὑπηρέτας τούς ὑποδιακόνους εἶναι φασί∙ τούς δέ ὑποδιακόνους ταῖς θύραις τῶν ἁγίων ἐκκλησιῶν ἐφίστασθαι ὥριστο. Τούτους οὖν ἐν τῷ τῆς λειτουργίας καιρῷ οὐ χρή, φησίν ὁ κανών, τάς θύρας ἀφιέναι, καί εὐχῇ σχολάζειν∙ τό γάρ εὔχεσθαι τότε, καί ἁγιάζειν τά θεῖα δῶρα, τῶν ἱερέων ἐστίν. Ὥσπερ οὖν ἐκωλύθησαν ὠράρια φορεῖν οἱ ὑπηρέται, ἤ ἅπτεσθαι δεσποτικῶν σκευῶν, κατά τόν κα΄ καί κβ΄ κανόνα, οὕτως ἐκωλύθησαν καί εὐχῇ σχολάζειν∙ καί ἀναγνωστέον τά γεγραμμένα ἐν τῷ κβ΄ κανόνι. Εἰρήκαμεν ἐν τῷ κβ΄ κανόνι, ὑπηρέτας εἶναι τούς ὑποδιακόνους, καί ἔχειν αὐτούς πᾶσαν ἀνάγκην ταῖς τῶν ἁγίων ἐκκλησιῶν θύραις ἐφίστασθαι κατά τόν τῆς λειτουργίας καιρόν, χάριν τοῦ εἰσάγειν τε καί ἐξάγειν τούς κατηχουμένους, τούς ἐν μετανοίᾳ, καί τούς λοιπούς. Ἐπεί οὖν τινες ἐκ τούτων, τήν ἀνατεθειμένην αὐτοῖς διακονίαν καταλιπόντες, ἥπτοντο τῶν θείων ἁγιασμάτων, ὥρισαν οἱ Πατέρες, παρά ταῖς θύραις τῶν ἐκκλησιῶν, τούτους προσεδρεύειν, καί μή μεταχειρίζεσθαι τά θεῖα μυστήρια, καί εὔχεσθαι ὑπέρ τοῦ λαοῦ κατά ἱερεῖς. Ἀνάγνωθι τόν κα΄ καί τόν κβ΄ κανόνα, καί τά ἐν αὐτοῖς. Ὑπηρέτην οὐ δεῖ τάς θύρας, κᾂν βραχύ, ἀφέντα προσεύχεσθαι. Ἐν ταῖς ἱεραῖς λειτουργίαις οὐ δεῖ τόν ὑπηρέτην καταλιπεῖν τάς θύρας τοῦ θυσιαστηρίου, κᾂν βραχύ, καί τῇ εὐχῇ σχολάζειν∙ ἵνα μή εὑρίσκηται τῆς ἐπικειμένης αὐτῷ ὑπηρεσίας καταφρονῶν, καί προτιμώμενος τήν ἰδίαν εὐχήν τῆς ἐκκλησιαστικῆς καταστάσεως. Δέν πρέπει οἱ ὑπηρέται, ἤτοι οἱ Θυρωροί, νά ἀφίνουν τάς θύρας τῶν κατηχουμένων ἐν τῷ καιρῷ τῆς λειτουργίας, οὐδέ τό ἐλάχιστον τῆς ὥρας. Καί νά σχολάζουν εἰς τήν εὐχήν, κατά τόν κανόνα τοῦτον, ἵνα μή τις ἄπιστος εἰσέλθῃ καί ἀμύητος, κατά τό νζ΄ κεφ., τοῦ β΄ βιβλ. τῶν Ἀποστολικῶν διαταγ. Ὅρα καί τήν ὑποσημ. τοῦ ιε΄ τῆς στ΄.
