Ὅτι οὐ δεῖ ἱερατικούς, ἤ κληρικούς ἄνευ κανονικῶν γραμμάτων ὁδεύειν.
Ἱερατικούς μέν, τούς περί τό βῆμά φησι, κληρικούς δέ τούς λοιπούς. Τούτους οὖν ἀπιέναι ποι μέλλοντας, καί ἀποδημῆσαι τῆς ἐν ᾖ κατετάχθησαν ἐκκλησίας, οὐ συγχωρεῖ ὁ κανών ἄνευ γνώμης τοῦ ἐπισκόπου ὁδεύειν. Εἴρηται δέ ἤδη περί γραμμάτων εἰρηνικῶν καί συστατικῶν ἐν τῷ ια΄ κανόνι τῆς δ΄ συνόδου. Ταύτας οὖν τάς ἐπιστολάς, τάς εἰρηνικάς τέ φημι, καί συστατικάς, κανονικά γράμματα ἐνταῦθα ὠνόμασαν. Καί ἕτεροι κανόνες διορίζονται, μή ἀποδημεῖν κληρικούς ἄνευ κανονικῶν γραμμάτων, τοὐτέστι συστατικῶν καί ἀπολυτικῶν ἐπιστολῶν∙ καί οἱ παρόντες δέ κανόνες τά αὐτά διορίζονται∙ ἱερατικοί μέντοι εἰσίν οἱ περί τό βῆμα, κληρικοί δέ, οἱ λοιποί. Ἀνάγνωθι τόν ιγ΄ κανόνα τῆς δ΄ συνόδου, τῶν ἁγίων Ἀποστόλων κανόνα ιβ΄ καί τῆς ἐν Ἀντιοχείᾳ κανόνα ζ΄, η΄ καί ια΄. Κληρικός, χωρίς κανονικῶν ἐπιστολῶν, ἤ ἀνεπίτακτος, οὐ πρόεισιν. Οὐ συγχωροῦνται παρά τῶν ἱερῶν κανόνων οἱ ξενοχειροτόνητοι παραδέχεσθαι, συστατικά μή ἐπιφερόμενοι γράμματα∙ καί διά τοῦτο ἀναγκαῖόν ἐστιν ὁδεύειν αὐτούς μετά γραμμάτων κανονικῶν, ὥσπερ δεῖ καί τούς κεκληρωμένους ἐν ἑκάστῃ ἐκκλησίᾳ μετά γνώμης καί κελεύσεως τοῦ ἰδίου ἐπισκόπου εἰς ἑτέραν πόλιν καί ἐπαρχίαν ὁδεύειν. Καί οὗτος ὁ κανὼν διορίζει, ὅτι δέν πρέπει οἱ Ἱερωμένοι, καί Κληρικοί νά περιπατοῦν χωρίς τήν ἄδειαν τοῦ ἰδίου των Ἐπισκόπου. Ὅρα καί τόν ιβ΄ Ἀποστολικόν.
