Μετά τό ἀφαιρεθῆναι τήν ἀλλοτρίαν ὁ γαμήσας, ἐπί μέν τῇ πρώτῃ μοιχείας ἐγκληθήσεται, ἐπί δέ τῇ δευτέρᾳ ἀνεύθυνος ἔσται.
Ἐάν τις μνηστήν τινος, ἤ γυναῖκα λαβὼν εἶχεν, εἶτα ἀφῃρέθη αὐτήν, καί ἀφαιρεθείς ἐκείνην ἑτέρα συνῴκησε γαμετῇ, διά μέν τήν εἰς ἐκείνην πλημμέλειαν ὡς μοιχός ἐπιτιμηθήσεται, ἐπί δέ τῇ δευτέρᾳ γαμετῇ, ἐλευθέρᾳ οὔσῃ ἀνδρός, οὐκ ἔσται ὑπεύθυνος. Ἀλλοτρίαν ἐνταῦθα λέγει ὁ κανὼν τήν νομίμως γαμηθεῖσαν, ἤ καί μνηστευθεῖσαν τινί. Εἴ τις γοῦν μοιχεύσει, ἰδιωσάμενος τήν ἀλλοτρίαν κατά νόμον δῆθεν γάμου, καί αὐτήν μέν ἀφαιρεθῇ μετά καταδίκης νομίμου, ἑτέρᾳ δέ συζευχθῇ, χάριν μέν τῆς μοιχείας κατά τούς κανόνας ἐπιτιμηθήσεται, ἐπί δέ τῇ δευτέρα γαμετῆ, ἐλευθέρᾳ οὔσῃ ἀνδρός, οὐκ ἔσται ὑπεύθυνος. Ὡρίσθησαν δέ ταῦτα παρά τοῦ ἁγίου διά τούς λέγοντας μή ὀφείλειν τόν μοιχόν δευτέρᾳ συνάπτεσθαι γυναικί, ὡς κεφαλικῇ καταδίκῃ ὑποπίπτοντα, καί μή δυνάμενον συναλλάττειν κατά τόν παλαιόν νόμον τόν κρατοῦντα ἐν ταῖς ἡμέραις τοῦ ἁγίου Βασιλείου, δηλονότι πρό τῆς ἀνακαθάρσεως. Κᾂν γάρ κεφαλικῇ τιμωρία, ὑπόκειταί τις διά τήν μοιχείαν, ἀλλά γάμον συναλλάττειν οὐ κεκώλυται, καί διά τοῦτο οὐκ ἐπιτιμηθήσεται χάριν τούτου∙ πολλῷ δέ πλέον οὐ κολασθήσεται σήμερον ὁ τοιοῦτος, ὅτε ἡ κεφαλική τιμωρία περιῃρέθη, καί κολάζεται ὁ μοιχός μόνῃ ῥινῶν ἐκτομῇ, καί πραγμάτων ἀφαιρέσει. Καί ἀνάγνωθι τό πβ΄ κεφ., τοῦ λζ΄ τίτλου, τοῦ ξ΄ βιβλίου, καί την λβ΄ νεαράν τοῦ βασιλέως κυροῦ Λέοντος τοῦ φιλοσόφου. Ταῦτα δέ χώραν εἶχον, ὡς ἐμοί δοκεῖ, ὅτε μόνῃ διαθέσει συνίστατο ὁ γάμος. Ἀρτίως γάρ, ἐπεί μετά ἱερολογίας οἱ γάμοι καί αἱ μνηστεῖαι προβαίνουσιν, ἄλλως γυναικί ὁ μοιχός οὐ συζευχθήσεται, εἰ μή ἀπό τῶν ἐπιτιμίων τῆς μοιχείας ἀπολυθῇ, τῶν δηλουμένων εἰς τόν νη΄ κανόνα τοῦ παρόντος ἁγίου. Ὁ τήν ἀλλοτρίαν ἀφείς, καί λαβὼν ἐλευθέραν, ἐπιτιμητέος μέν διά τήν πρῴτην, ἐπί δέ τῇ δευτέρᾳ, ἀνεύθυνος. Εἴ τις γυναῖκα λάβῃ παρ᾽ ἄλλου ἀπολυθεῖσαν, εἴτα ταύτη ἀφείς, ἑτέρᾳ ἐλευθέρᾳ νομίμως συζευχθῇ, ἐπί μέν τῇ πρώτῃ, τῷ τῆς μοιχείας ἐπιτιμίῳ ἐστίν ὑπεύθυνος, διότι καί ὁ ἀπολελυμένην γαμήσας μοιχᾶται∙ ἐπί δέ τῇ δευτέρα, ἀνεύθυνος ἐστιν. Κατά τόν Κανόνα τοῦτον, ἀνίσως τινάς λάβῃ παρανόμως τήν ἀῤῥαβωνιαστήν, ἤ τήν γυναῖκα τινός, ἔπειτα τήν πάρῃ ἀπό αὐτόν ὁ ἔχων αὐτήν ἄνδρας, καί αὐτός μέ ἄλλην ἐλευθέραν ἀπό ἄνδρα γυναῖκα ὑπανδρευθῇ, διά μέν τήν εἰς τήν πρώτην ἐκείνην ξένην γυναῖκα ἁμαρτίαν του, ὡς μοιχός θέλει κανονισθῇ. Διά δέ τήν δευτέραν γυναῖκα, εἶναι ἀνεύθυνος.
