Ὅτι οὐ δεῖ ἐφορκίζειν τούς μή προαχθέντας ὑπό ἐπισκόπων, μήτε ἐν ταῖς ἐκκλησίαις, μήτε ἐν ταῖς οἰκίαις.
Καί μήν μετά τῶν ἄλλων καί ἐφορκιστάς ποιεῖν δέδοται τοῖς χωρεπισκόποις, κατά τόν ι΄ κανόνα τῆς ἐν Ἀντιοχείᾳ συνόδου. Πῶς οὖν ἐνταῦθα λέγει, μή ἐφορκίζειν τούς μή ὑπό ἐπισκόπων προαχθέντας; Φασίν οὖν, ὅτι καί οἱ χωρεπίσκοποι τάξιν ἐπισκόπων ἔχουσι∙ διό καί ὁ ιδ΄ κανών τῆς ἐν Νεοκαισαρείᾳ συνόδου τῶν ἑβδομήκοντα Ἀποστόλων τύπον λέγει πληροῦν, καί ὁ η΄ τῆς ἐν Ἀντιοχείᾳ συνόδου κανών καί εἰρηνικάς ἐπιστολάς διδόναι ἐφίησιν αὐτοῖς, ὅπερ τῶν ἐπισκόπων ἐστίν. Τινές ἐπεχείρουν ἐφορκίζειν, τοὐτέστι, κατηχεῖν ἀπίστους, μή λαβόντες τοῦτο δι’ ἐπισκοπικῆς χειροθεσίας∙ καί αἰτιώμενοι, διετείνοντο μή ποῆσαι τοῦτο εἰς ἐκκλησίαν, ἀλλ’ εἰς οἰκίαν τινά∙ κἀντεῦθεν ἤθελον διατηρεῖσθαι ἀνεύθυνοι. Φασίν οὖν οἱ Πατέρες, ὅτι καί τό ἐφορκίζειν, ἐκκλησιαστική διακονία ἐστί, καί οὐ χρή τινα τούτων μεταχειρίζεσθαι ὁπουδήποτε, εἰ μή παρά ἐπισκόπου προβληθῇ. Ὑπέξελέ μοι τόν παρά χωρεπισκόπου προχειρισθέντα ἐφορκιστήν∙ καί οὗτος γάρ καλῶς κατηχήσει, κᾂν μή προχειρισθῇ παρά ἐπισκόπου∙ ἔμαθες γάρ ἀπό τοῦ ι΄ κανόνος τῆς ἐν Ἀντιοχείᾳ συνόδου, δύνασθαι τόν χωρεπίσκοπον ποιεῖν καί ἐφορκιστήν. Οὐκ ἐφορκίζει ὁ μή παρ’ ἐπισκόπου προαγόμενος. Καί οἱ ἐφορκισταί, καθώς καί οἱ λοιποί τοῦ τάγματος, παρά τοῦ ἐπισκόπου δέχονται τήν προχείρισιν. Ὁ γοῦν μή προαχθείς εἰς τόν τοιοῦτον βαθμόν παρά ἐπισκόπου, ἐφορκίζειν οὐ δύναται, οὔτε κατ’ οἴκους, οὔτε ἐν τῇ ἐκκλησίᾳ. Διορίζει ὁ παρών Κανών, ὅτι δέν πρέπει νά κατηχοῦν, οὔτε εἰς τάς ἐκκλησίας, οὔτε εἰς τά ὀσπήτια, ἐκεῖνοι ὁποῦ δέν προεβλήθησαν εἰς τοῦτο διά χειροθεσίας τοῦ Ἀρχιερέως, ἤ τοῦ Χωρεπισκόπου, ταὐτόν εἰπεῖν τοῦ ἔχοντος χώραν Ἐπισκόπου, κατά τόν ι΄ τῆς Ἀντιοχ. ὃν καί ἀνάγνωθι μέ τήν εἰς αὐτόν ὑποσημείωσιν.
