Πρός τοῖς ἄλλοις ἀνανεοῦμεν καί τόν κανόνα τόν διαγορεύοντα τάς καθ᾿ ἑκάστην ἐκκλησίαν ἀγροικικάς παροικίας, ἤ ἐγχωρίους, μένειν ἀπαρασαλεύτους παρά τοῖς κατέχουσιν αὐτάς ἐπισκόποις, καί μάλιστα, εἰ τριακονταετῆ χρόνον αὐτάς ἀβιάστως διακατέχοντες ᾠκονόμησαν. Εἰ δέ ἐντός τῶν τριάκοντα ἐτῶν γεγένηταί τις, ἤ γένηται περί αὐτῶν ἀμφισβήτησις, ἐξεῖναι τοῖς λέγουσιν ἠδικεῖσθαι, περί τούτου κινεῖν παρά τῇ συνόδῳ τῆς ἐπαρχίας.
Οὗτος ὁ ἀνανεούμενος κανών, τῆς τετάρτης συνόδου ἐστίν ἑπτακαιδέκατος, ὅς ἐξηγήθη ἐκεῖσε, καί ζητητέον τά ἐκεῖ γεγραμμένα. Οὗτος ὁ ἀνανεούμενος κανών, τῆς δ΄ συνόδου ἐστί κανών ιζ΄ καί ἀνάγνωθι τήν ἑρμηνείαν αὐτοῦ. Ἀγροικικαί καί ἐγχώριοι παροικίαι, ἐπί τριακονταετίαν ἐρχόμεναι, κατεχέσθωσαν· ἔνδον δέ τό ἀμφισβητήσιμον ἕξουσι. Ἀγροικικάς παροικίας λέγει (ὡς καί ἐν τῷ ἑπτακαιδεκάτω κανόνι τῆς ἐν Χαλκηδόνι συνόδου ἐγράψαμεν) τούς ἰδιωτάτους τῶν ἐκκλησιῶν ἀγρούς, καί μή ἀνακεκοινωμένους ὅλως ὄντας ἔν τισι κώμαις, ἤ καί χωρίοις· οὕς καί μονοίκια νῦν λέγουσιν· ἐγχωρίους δέ, τούς ἐν μέσοις χωρίοις, ἤ κώμαις, κειμένους ἀγρούς. Εἴ τις οὖν τῶν ἐπισκόπων ἐπί τριακονταετίαν κατέσχε τοιαύτην τινά ἐγχώριον, ἤ καί ἀγροικικήν παροικίαν, ἑτέρῳ διαφέρουσαν ἐπισκόπῳ, καί οὐδεμίαν ὑπέστη ὄχλησιν περί αὐτῆς ἐντός τῆς τριακονταετηρίδος, ἀπαρασαλεύτως ταύτην καθέξει. Εἰ δέ ἀμφιβολία γέγονε περί αὐτῆς μέσον ἀμφοτέρων τῶν ἐπισκόπων, μήπω τῆς τριακονταετίας παραδραμούσης, ἔξεστι τῷ οἰομένῳ ἀδικεῖσθαι, παρά τῇ συνόδῳ τῆς ἰδίας ἐπαρχίας περί ταύτης κινεῖν. Ὁ παρών Κανών ἀνανεοῖ τόν ιζ΄ τῆς δ΄, ὃν καί ἐκθέτει αὐτολεξεί∙ ὄχι ὅμως ὅλον, ἀλλά μέρος ἐκείνου∙ δι’ ὃ καί ὅρα τήν ἑρμηνείαν τούτου ἐκεῖ.
