Ὅσιος ἐπίσκοπος εἶπεν· Καί τοῦτο δέ πάντες ὁρίσωμεν, ἵνα, εἴ τις ἐπίσκοπος ἐξ ἑτέρας παροικίας βουληθῇ, ἀλλότριον ὑπηρέτην, χωρίς τῆς συγκαταθέσεως τοῦ ἰδίου ἐπισκόπου, εἴς τινα βαθμόν καταστῆσαι, ἄκυρος καί ἀβέβαιος ἡ τοιαύτη κατάστασις νομίζοιτο. Εἴ τινες δ᾽ ἂν τοῦτο ἑαυτοῖς ἐπιτρέψειαν, παρά τῶν ἀδελφῶν καί συνεπισκόπων ἡμῶν καί ὑπομιμνήσκεσθαι καί διορθοῦσθαι ὀφείλουσιν. Ἅπαντες εἰρήκασι· Καί οὗτος ὁ ὅρος ἔσται ἀσάλευτος.
Περί τούτου καί ὁ ιστ΄ κανὼν τῆς ἐν Νικαίᾳ πρώτης συνόδου, καί ὁ ιζ΄ τῆς στ΄ συνόδου, καί ὁ τῆς ἐν Καρθαγένῃ νδ΄ καί ϟ΄ διαλέγονται, ἵνα μή τις ἐπίσκοπος ἑτέρου ἐπισκόπου κληρικόν δέχηται, ἤ χειροτονῇ αὐτόν εἰς μείζονα προάγων βαθμόν∙ εἰ δέ χειροτονήσει, ἄκυρος ἡ χειροτονία εἴη, εἰ μή ὁ πρότερος ἐπίσκοπος τοῦ κληρικοῦ ἐκείνου ἐπιτρέψῃ τήν χειροτονίαν∙ οἱ δέ τοῦτο ἑαυτοῖς ἐπιτρέψαντες, τοὐτέστι τό οἰκειώσασθαι ἤ καί χειροτονῆσαι ἀλλότριον κληρικόν, ὀφείλουσιν ὑπομιμνήσκεσθαι περί τούτου, καί διορθοῦσθαι παρά τῶν ἀδελφῶν καί συνεπισκόπων. Ὁ δέ ιζ΄ κανὼν τῆς στ΄ συνόδου, μεταγενεστέρας οὔσης παρά ταύτην τήν σύνοδον, τούς ἔκτοτε χωρίς γνώμης τοῦ οἰκείου ἐπισκόπου εἰς ἑτέραν μεταχωροῦντας ἐκκλησίαν καθαιρεῖσθαι κελεύει, καί τούς ὑποδεξαμένους αὐτούς. Ὁ ιζ΄ κανὼν τῆς στ΄ συνόδου, μεταγενέστερος ὤν, καθαιρεῖσθαι διορίζεται καί τούς δεξαμένους, καί τούς δεχθέντας. Ἀνάγνωθι καί τῆς ἐν Νικαίᾳ συνόδου κανόνα ιε΄, ιστ΄, τῆς ἐν Καρθαγένῃ νδ΄ καί ϟ΄. Τόν ἀλλότριον ὑπηρέτην ἀλλότριος, δίχα τῆς ἐκείνου γνώμης, ἔμβαθμον καθιστάς, καθίστησιν, ἀλλ’ ἀβέβαιον. Οὐ δεῖ ἐπίσκοπον ἀλλότριον κληρικόν παραδέχεσθαι, καί εἰς βαθμόν τινα τάττειν αὐτόν, ἄνευ γνώμης τοῦ ἰδίου ἐπισκόπου. Εἰ δέ τις τοῦτο ποιήσει, καί τόν ἀλλότριον ἐν τῷ ἰδίῳ κλήρῳ ἐγκαταστήσει∙ ἄκυρος καί ἀβέβαιος ἡ τοιαύτη ἔσται κατάστασις. Ὁρίζει ὁ παρών Κανών, ὅτι, ἀνίσως κᾀνένας Ἐπίσκοπος λάβῃ Κληρικόν ἀπό ἄλλην ἐπαρχίαν χωρίς τήν γνώμην τοῦ Ἐπισκόπου του, καί χειροτονήσῃ, αὐτόν εἴς τινα ἱερατικόν βαθμόν, ἄκυρος μέν νά ᾖναι ἡ τοιαύτη χειροτονία, ὁ δέ τοῦτον χειροτονήσας, νά ἐλέγχεται περί τούτου, καί νά διορθώνεται ἀπό τούς ἄλλους συνεπισκόπους. Ὅρα καί τόν ιε΄ Ἀποστολικόν.
